EZAYI 54:3 - Boy Lonana

³ Kay suu maŋsina hin njay ha ki ni ɓik njuf lay, ɓik gulu lay. Njaf suu maŋsina hin tli li ma vi njaf suu daŋŋana ki lay. Ҥoŋzi maŋ ma ki ko ŋgoo bagi nana suuna hin zul ki huwa.

EZAYI 54:3 ပူးပေါင်းရင်းမြစ်များ

URA TIN AYRA 28:14

Njafaŋ hin zulni ko gugum ndaŋgara na, aŋ hin col ha u maɗiina, u fiɗigina, col ha mbayaw day gak gak daliya, suu kay ndaŋgarana halaŋ hin fi paɗvunna ni uŋ u njafaŋu.

EZAYI 52:9

Gagi soolla furira agi suu Yerusalemma halaŋ suu las ayna, kay Yawe ɗil ii suu mamsina wa, nam suɗ Yerusalem ki wa.

EZAYI 49:12

Ay day lay ni suu mansina ka tuɗ ay huwa, suu daŋŋa col ay mbayawi, suu hiŋŋa ay u fiɗigina, suu daŋŋa col ay hu mbassa Sinimba may.

URA TIN AYRA 49:10

Tokolora mulla hin li ni ko Yuda, ndaɗ hin li coli ni fokom gak gak malaɗna hin mba faɗu. Nammi sa ma suuna hin hum umma.

EZAYI 55:5

Gola njaf suu aŋ ka wasiɗina lay aŋ hin yasiya. Njaf suu waŋ ka dewɗina lay hin liŋ ay mbay egeŋu. Kay ana Yawe ni Looŋŋa. Na daŋ may ni kay ma teteɗ ma vi suu Israelna mbuɗuŋ a sa ma bibiŋilnara.

KOLOSNA 1:23

Ni kay ndaɗta agi kak saɓak hu viigira, coli eŋ kay ura tinira, hinigi juɓ magira ay day day hu li ma agi hum Boy ma Ayrana kiɗi. Boy ma Ayra namma dam ki maŋ suuna hu duliyara halaŋ, ni an Pol mbuɗ a sa sunda ni kamu.

ROMMA 11:12

Ndi kaŋgara vi suu Juifna mbuɗ suu hu ndaŋgarana halaŋ ki saɓakŋa wa, ni hoŋ masira hoŋ ki kaŋgara mbuɗ suuna ki saɓak wa na ɗaŋŋi, asi hin hoŋ ay hu suɗta wa ni dlaasira hin lini ŋgol ko ndal mi na ɗaŋge?

ROMMA 10:18

An ka joɓ mi anaba asi ni bay hum boyna tu su? Ni asi humiya, kay ɓiira di ana, «Suuna humusi delesi ha ki kay ndaŋgara halaŋ lay. Boy masina tew hu li ma duliyara daɓ ki huna.»

EZAYI 49:8

Yawe di ana, hu li ma oora ni an humuŋ cen maŋga. Hu buu ma suɗta ni an mbay njun kaŋu. An goloŋ ŋgayaŋ ki vay daŋ zeɗ. Aŋŋi a galamba an vaɗ u suunara, a aŋ min yam mbassa halaŋ. A aŋ ɦal ɓorow ma vi njaf suu ay ki njayna may.

URA TIN AYRA 26:22

Nam tuɗ fok vek goloŋga daŋga olo, ndaɗta ni asi ciway ka kaɗɗi, Isaak hin tin sem goloŋ ndaɗta ana Rehobot. Nam di ana, «Cecemi Yawe ɦaygi lina wa a aygi zuluygi ŋgol hu mbas ndaɗta.»

EZAYI 14:1

Yawe hin wi hahaw Yakob. Nam hin man suu Israelna olo. Nam hin hoŋosi ay hu mbas masira. Suu koyogina hin taɓ ay u asiya, asi hin cuk tasi duk suu vi Yakobma.

EZAYI 14:2

Suu daŋŋa ŋgolo hin vasiya, mba tinisi ki hu mbas masira. Kay yam ndaŋgara vi Yawera suu Israelna hin ɓorowoɗ kosiya, suu may suu asi ay varsi ŋgayrana, asi hin cukusi ki fokosi a mborɓii masisina, asi hin mbuɗ a ŋgolora kay suu lasasi ayna.

EZAYI 26:15

Yawe, aŋ wul njaf suu maŋsina. Aŋ wul njaf suuna wa. Aŋ tak bibiŋil maŋga ki wa. Aŋ laami mbas mamira ki ŋgolo, kay ndaɗta seŋ ka tii ki cocoo.

EZAYI 45:14

Yawe di suu Israelna ana, sunda suu Egiptena laɗta, u warak ma vi suu Etiyopina u suu may suu ay hu ɦoŋzi ma Sebana, suu wuli fiyeki cocona, halaŋ ca ni hin mba ki varagiya. Asi hin cuɗugi ugi ni u galina cuki sesiya, asi hin goɓ ga fokogiya, cenegi di ana, Lo ma daŋ ma ko magina na kaɗi, aragelay kaɗi.

EZAYI 48:19

Njafagi hin zul ni ko ŋgetlna na, asi hin mbuɗ ni ko ii ŋgetlna zuli wanda na. Sesi ka viɗ ki irinɗi, na may agi hin li ka u gaɗ mandaɗi.

EZAYI 53:10

Yawe min a las saam ma sunda nam hin iiri mamba ki kayra vi suu daŋŋara. Nam hin wi njaf suuna ha fokosiya, fokosiya. Buu mam ma hu duliyara hin ɦuɗ foko, minda vi Yawera hin li kiyo.

DANYEL 7:27

Kay mulla, saɓakŋa u ŋgolla vi muli suu kaŋga u huulona halaŋŋa ɦasi ki maŋ suu teteɗna vi Lo ma Kolo Dayna, mul mamba ni mulla didinda. Saɓakŋa halaŋ hin sunum may hin hum um may.»