EZAYI 53:3 - Boy Lonana

³ Suuna panam cocoo, sa ka caa yam kambi lay. Sa ma wihawra, haɗi u lassa, suuna wam na ni pereɗ irisi kiyo, panamu, sa ma saa kam kaɗi.

EZAYI 53:3 ပူးပေါင်းရင်းမြစ်များ

MATIYE 26:67

Ŋgoo dagan asi tofoɗom yoyona irimu, cam poŋga. Suu ɦiw cam kiriŋim may,

EZAYI 53:10

Yawe min a las saam ma sunda nam hin iiri mamba ki kayra vi suu daŋŋara. Nam hin wi njaf suuna ha fokosiya, fokosiya. Buu mam ma hu duliyara hin ɦuɗ foko, minda vi Yawera hin li kiyo.

EZAYI 49:7

Yawe di ana, sa ma buɗ suuna kina, ma Teteɗ ma vi suu Israelna, nammi sa ma suuna noyom kina, suuna halaŋ golom ko sa ma puluɗiina na, lasam cocoo. Mulina hin wam wa ni hin yow kolo fokomu. Ni kay Yawe ma ɗegeena. Ni kay ma teteɗ ma vi suu Israelna ma manaŋŋa.

MARK 14:34

Nam dasi ana, «Hahawra fan wa, ni vun maɗanu. Lakagi jek jekee, buurugi senɗi, ko an na may.»

EZAYI 53:4

Doli nam yow ki kammi las maygira, nam zii ni ti ta maygira. Aygi golommi a sa ma Lona lasamma, hoŋom yam ki gaa u suuna halaŋ.

HEBRENA 5:7

Yesu hu iiri mamba wanni nam cen Lona mbuɗ tam ki hahawara na ɗow, sawalla kolo u simina irim kay nam ndak suɗum ki hu miɗna. Lona humum cen mamba ni kay hoŋga nam hoŋ yam kaŋga umba.

EZAYI 50:6

An hin ŋgoron maŋ suu waɗanna, hin kiriŋin maŋ suu a paɗan njeren kina, an ŋgay tan ka ki ko ŋgulla vi suunaraɗi, an hin tan asi tofoɗon yoyona irin lay.

HEBRENA 4:15

Aygi faygi ka ni mul ŋgol ma li ɓivunna a fi wihawra kal hu maŋi maygiraɗi. Ni na ɗow ana mul ŋgol maygi ma li ɓivunna, ndemba ndemem hu tlena halaŋ ko aygi suuna na may. Na lay ni nam li co kaɗi.

Boy Ma Ayra Ma LUK Ɓiirimma 9:22

Yesu di na olo ana, «Goŋ Sanna suuna hin lasam cocoo. Suu ŋgolona u muli suu li ɓivunna u suu wi magaara gaɗta hin noyom kiyo. Asi hin cam kiyo, nam hin paɗ ki kolo hu buu ma hindina.»

Boy Ma Ayra Ma LUK Ɓiirimma 16:14

Suu Farisenna hum boy namma ki halaŋ ɗaŋi, gijaŋ pan Yesu kay asi min gursura.

Boy Ma Ayra Ma LUK Ɓiirimma 8:53

Suuna halaŋ gijaŋ san umu, kay asi wi ana ndaɗ ki miɗiya.

MARK 15:19

Asi waɗam yam sesi bolowo u tokolora, tofoɗom yoyona irim may, tin usi tani, goɓ kaŋga fokom, gam deɓpa.

MARK 9:12

Nam dasi ana, «Eli hin a mba gi ii tlena ki halaŋŋi nam tuwa. Ni nana Boy Lonana ki ɓiiri lay ana Goŋ Sanna hin fi lassa, asi panam coco lay ni kay mege?

Boy Ma Ayra Ma JAŊ Ɓiirimma 11:35

Yesu tiira.

Boy Ma Ayra Ma JAŊ Ɓiirimma 8:48

Suu Juifna hoŋom dira ana, «Ami di ana aŋŋi sa Samarina, fulina ka kaŋu, ni gasiɗi su?»

MATIYE 27:63

dam ana, «Mulna, humumi gami kay boy ma sa ma kaboyna wanna dam ay, bay nam miɗ tuna, ana, An hin paɗ ki kolo iiri hu buu ma hindina.

MISE 5:1

Ndak, Betlehem ta Efratara, ndak goo coco a ndumuk duk njaf suu vi Yudana, saan ma ti mulla kay Israelna hin kal ay ki ni huruku. Umba col ayra hoŋ ha ki kaŋgana day, hu buu ma ay jew day dayna.

ZAKARI 11:8

Na ɗaŋŋi an ci suu taa yoori suu hindina ki hu til ma dewna. An viɗ siɓpa ki u asi may, asi may ni hinin ki gaw.

GA 8ATAMBARA 32:15

Suu mamsina ɦis ki wa, mbuɗ ki suu gonokka, asi ɗoo ki wa, ndi ki mbala cocoo, noy Lona ma lasina kiyo, mbuɗ sa ma njun kasi ma suɗusi kina ki zolona.

Boy Ma Ayra Ma LUK Ɓiirimma 19:41

Yesu mba wi yam zi Yerusalemma may ni, tii kam gaw,

SOOLLA 69:29

Bulumusi sesi ki koŋ hu magaara iirira, hinisi sesi ɓiiri duk suu ɗegeenaɗi.

MARK 10:33

Nam dasi ana, «Humugi haa! aygi tuɗuygi ha kolo Yerusalem wanni, Goŋ Sanna asi hin ɦam ki maŋ muli suu li ɓivunna u suu wi magaara. Asi hin kaam ɓak mamma ana cam kiyo, ɦam ki maŋ suu ɦawana.

MARK 10:34

Suu asina hin poŋom lay, tofoɗom yoyona kam lay, panam lay, cam ki maɗna lay. Hu buu ma hindina, nam hin paɗ ki kolo iiriya.»

EZAYI 52:14

Suu daŋŋa wam na ni hin li ndaana kay tam jok ki zeɗ, nam tli tam ka u sa warɗi. Nam tli tam ka u goŋ Adambi lay.

SOOLLA 88:4

Kay cecemi iiri manda ka las cocoo, an tew ki na tok fun miɗna.