EZAYI 51:9 - Boy Lonana

⁹ Dliɗ kiyo, Yawe, dliɗ ki zak. Dliɗ ki u saɓak maŋŋa. Dliɗ ki ko fok jewra na, hu li ma vi somoyomi suu jak ki jewna, aŋ ci suu Egiptena ki ni ka aŋgi su? Aŋ ci vabak ma hu njaf Rahabma ay ki ni ka aŋgi su?

EZAYI 51:9 ပူးပေါင်းရင်းမြစ်များ

EZAYI 52:1

Dliɗ ki koloo Yerusalem, cuk saɓak maŋŋa egeŋu. Cuk baraw maŋ ma dlam ŋgolna egeŋu, Yerusalem ɦoŋzi ma teteɗna, kay hin ha fokka ni suu bay caw ɗiwisina u suu ka wi Lonɗina ka fi va huruŋ oloɗi.

EZAYI 27:1

Hu buu namma ni Yawe hin warak suuna u ŋgew mam ma eŋ ma ŋgol ma saɓak cocona. Nam kaɓakŋa kay Leviyatan guy ma cona, kay Leviyatan guy ma las suuna, nam hin ci dragoŋ ma duk mbo lum ŋgolna kiyo.

SOOLLA 89:10

Aŋ ka ŋgo mbo lum ŋgolna ni aŋu, hu li ma nam ka bilna kolona, aŋ seŋem ga ni aŋu.

EZAYI 30:7

Njunda vi suu Egiptena hin li ni ko ndal semeɗna ɦawa na, ko va kaɗira na. Kay ndaɗta an yasi ana va ma ɦawa sunum kaɗina.

EZEKIYEL 29:3

Aŋ tuɗ ɓakasi ki ana, Bu Suuna, Yawe, di ay ana, Aŋ Faraw, mul ma Egiptena, an hin mbay kaŋu. Aŋ dragoŋ ma ŋgolna ma buuri duk mbo lum ma Nilna. Aŋŋi sa ma di ana mbo lum ma Nilna ni manna, an may ni li tanni kay tanuna.

EZAYI 51:17

Col koloo, coli kolo u seŋu, Yerusalem. Aŋŋi sa ma Yawe lasaŋ u yaamba coco ɦayna, lassa vi Yawe guruɗuŋ yaŋ ki cocoo. Aŋ las cocoo, wi dla ndaɗta u iriŋ lay.

SOOLLA 44:1

Soolla vi sa ma fok suu gi soollana, soolla haɗta vi goryoŋ Korena.

JOB 26:12

Saɓak ma vi Lonna su ki kay mbo lum ma ŋgolna. Yal mamma su ki kay fulna Rahab.

SOOLLA 7:6

Ni saan ma gonokka cuɗun un, ay vanu. Ko nam baan iiri manda kiyo, ko nam bulumunda kaŋga duk ndaŋgara.

HABAKUK 3:13

Aŋ kal ay ki ni a suɗ suu maŋsina a suɗ saaŋ ma aŋ fuurumma. Aŋ ci suu vo hu ziŋ sa ma cona kiyo. Aŋ bulumum suu mamsina kiyo.

EZAYI 62:8

Yawe suu tam u bik kom ma njufna ma saɓakŋa ana, wa ma agi horokomma an ka hin suu babali magisina a tambi, suu koyogina ka a cagi sum veŋ ma agi loɓ tagi kam a horokommaɗi lay.

SOOLLA 93:1

Yawe ni mulna, nam cukŋi baraw ma mulla, Yawe u saɓakŋa cuki egemu. Na daŋ may duliyara kak eŋga ni umu, va ma ŋgeneɗ kaɗi.

SOOLLA 87:4

Lini an a ndum sem zi ma ka geleɗeŋŋa, ni an gi zi ma Egiptena u ma Babilonna duk may. Filistinna u suu Tirna u suu Etiyopina hoŋ taɓ ki hu Yerusalem dew.

SOOLLA 44:23

Asi cami ki hu buuna tew tew ni kay seŋu, asi lami ko timigii suu ŋgaɗta na.

WIRA ŊGAYRA 12:9

Dragoŋ ma ŋgolna dikim ay ki kaŋgaa, nammi guy ma basina yam ana Satanna, ma ganyam suuna hu ndaŋgara halaŋŋa, dikim ay ki kaŋga kay ndaŋgara u suu mam suu sunda umu.

WIRA ŊGAYRA 11:17

Di ana, «Bu Suuna, Lona ma Saɓakŋa Kom Belna aŋŋi ma ka cecemi lay, li ay jew layna, ami gaŋ deɓpa ni kay aŋ u saɓak maŋ ma ŋgolna, ka kaki kay mul maŋga cecemi.»

Boy Ma Ayra Ma LUK Ɓiirimma 1:51

Nam tak saɓakam ki u komu, nam njay suu ŋga tasina kiyo.

HABAKUK 2:19

Cora ka kamu. Nam di vun guna ana nam col koloo. Ɗowba di gogoyra vunuɗ ka ɓakgira ana ndaɗ col koloo, hin ɓak kaɗ ana ndaɗ hin haɗ suuna. Goloɗ ɗaŋ taɗ weleɗ u doonora u tusuna may musuk ta ka huruɗ na nde a haɗ saɓakŋaɗi.

EZAYI 53:1

Suuna ɓak tasi ana, sa ma tin hurum kay dlara asi daɗta ni gege? Sa ma wi ana Yawe li dla ndaɗta ni u ɓik komu na ni gege?

EZAYI 51:5

Suɗta An ɦagirara hin wa tok, buɗta agi a buɗ kira hin tak taɗ kiyo. Suuna hin lakŋi hu ɗegeera an a takasirara. Suu ha ki day dayna lay hin tin hurusi kanu. Asi hin saa ni kay saɓak manna.

SOOLLA 78:65

Ko ndal sa ma ay buuri senna na, ko ndal sa ma ay gurɗi u summa na, Bu Suuna dliɗ ki kolo wa.

SOOLLA 21:13

Aŋ tinisi mbuuru maŋga kasiya. Asi hoŋ dagan wa.

SUU KAƁAKŊA 6:13

Gedeon hin dam ana, «Bu suu manna heɓ huruŋ egenu, lini Yawe ka u amiya ni dlara lami cocora ko wandara na ni kay mege? Dlara mbuɗ mbuɗta somoyomi cuɗumira coco wanda hin li ni nanage? Ana Yawe cukumi ay ki hu Egipte ni namu ni ka gasi ɗi su? Cemi ni Yawe hinimi ki hu duk ko suu Madiyanna na walaɗ ni nanage?»

GA 8ATAMBARA 4:34

Ɗowba lo ma ɦawa maa tuk tam dew a mba duk suuna a tlasi ki a suu mamsina u takka ko wanda na ka su? Ma duu kay suu mamsina u bik kom u saɓakŋa li ndaana coco ko ndal Bu Suuna Loogina li ay kagi hu Egiptera na ka su?

Boy Ma Ayra Ma JAŊ Ɓiirimma 12:38

A faɗ vun sa jok vun Lona Ezayi kira wanni, «Bu Suuna, sa vami boy mamina ni gege? Bu Suuna tak saɓak mamma ki maŋ gege?»

SOOLLA 59:4

Gola asi kal ki buuri ga fokonu, suu garaŋŋa mbay kan wa, an li va co kaɗi lay, li suluk kaɗi lay, Yawe.

KALKIRA 6:6

Kay ndaɗta aŋ di suu Israelna ana, ni an Yawe. An hin paɗagi ki hu lassa suu Egiptena ka lasagira, an hin buɗugi ki ko mbaɓura, an hin saagi sugulugi ni u saɓakŋa u eŋga.

JOB 9:13

Lona hurum ɓeŋ wa ni sa ma doorom ka oloɗi. Nam cuk suu njun u Rahab ful ma duk mbonana ki ga u sem halaŋ.

SOOLLA 77:5

Aŋ ka hinin a buu senɗi. Hurun ki ɓalakiya, an ka ndak a njaɗ boy nammaɗi lay.

EZAYI 52:10

Yawe tak kom ma teteɗna ki fok njaf suuna halaŋ. Suuna hu duliyara halaŋ wi ki ana Lona suɗ suu mamsina ki wa.

ZAKARI 2:13

Gasi an wanna, an hin tli kon kolo kasiya, a suu mborɓii masisina ɦurumusi ki may, agi hin wi ki gasi ana Yawe, ma Saɓakŋa Kom Belna, sunun ay ni namu.

ZAKARI 10:11

Asi hin ɗiŋ mbo lumma ŋgolna Egiptena kiyo. Yawe hin waɗ bil mbona hu lum ma ŋgolna. Mbo lumma Nilna halaŋ hin so kiyo. Ŋga tara vi Asirira hin bulum kiyo. Mul ma Egiptena hin ɦuɗ kiyo.

SOOLLA 44:2

Ҥi, Lona, ami hum ki u humumiya, kay dlara aŋ laɗ ay jew u somoyomira, somoyomi haɗamira ka lay.

SOOLLA 44:24

Bu Suuna dliɗ ki koloo, Aŋ buu senna amege? Col ki koloo, hinimi ki a fafaɗtaɗi.

SOOLLA 89:11

Aŋ ci suu Egiptena ki halaŋŋi aŋu, aŋ njay suu duu u aŋŋa ki u bik koŋ ma saɓakŋa.

MISE 7:15

Ko ndal hu buu ma aŋ kal ay ki hu mbassa Egiptera na, an hin takam dlara mbuɗ mbuɗ manda.

SUNDA 7:7

Lona di ana an hin kaɓakŋa kay suu asi li mbaɓura ay varasina. Asi hin cuk ki tuɗ geleɗen hu li namma.