EZAYI 51:4 - Boy Lonana

⁴ Agi suu mansina humungi vunun ha jiviya, agi suuna halaŋ tin humugi ay huma, kay gaɗta col ha ni fununu, kaɓak manna ni kiɗikka vi suunara, an hin laɗ na tew tew.

EZAYI 51:4 ပူးပေါင်းရင်းမြစ်များ

1 PIYER 2:9

Agi ni njaf ma manam kina, suu li ɓivunna vi mul ŋgolna, deera teteɗta, suu vi Lonna. Managi ay kini a di ki kay sunda jivira vi Lona, taɗagi ay ki hu ndufunda a mbaaragi ki hu kiɗik mamba jivira.

1 KORINTNA 9:21

Duk suu ka wi gaɗta vi Moizɗina, an lini ko asi na may, an ka tin yan kay gaɗtaɗi kay an a mba fasi unu. Ni ka ana an ka hum u gaɗta vi Lonaraɗi naɗi, an hum u gaɗta vi Kristu.

EZAYI 2:3

Suuna bolowo hin yow kolo di ana, «Mbaygi aya ɗiŋiygi kolo kay ɦinira vi Yawera, hu zi ma vi Lo ma vi Yakobma. Nam hin takaygi voɗ mamba, aygi hin tuɗ hu voɗ ndaɗta.» Na daŋ may gaɗ ndaɗta col ay ni hu Siyon, boy ma vi Yawena col ay ni hu Yerusalem.

EZAYI 49:6

Nam dan ana, «An yaŋ a saan ma sunda ni ka kay a mbaa njaf suu vi Yakobma, a suɗ ki ni suu Israelna holɗi. An manaŋ ay ki ni a kiɗikka fok njaf suuna halaŋ. Kay ana suɗ manda li ha ki ni kay yam mbassa halaŋ halaŋ.»

EZAYI 42:6

Ni an Yawe, an yaŋŋi u gasira, an vaŋ koŋ kolo wa, an ka goloŋu, a aŋ faɗan vun galam manda an vaɗ u njaf suu warnara kiyo, aŋŋi sa ma hin takasi kiɗikka kina.

MISE 4:2

Njaf suuna bolowo hin gijaŋ tuɗta hin di ana, «Mbaagi aya, ɗiŋiygi kolo kay ɦinira vi Yawera, hu zi ma vi Loŋ Yakobma. Nam hin takaygi voɗ mamba, aygi hin tuɗ hu voɗ mamba. Gasi haɗ ndaɗta col ay ni hu Siyon, boy ma vi Yawena ay hu Yerusalem may.»

SOOLLA 78:1

Soolla haɗta vi Azaf. Agi suu mansina humungi gaɗ manda haa, tinigi humugi hum boy ma kal ha ki fununna.

Boy Ma Ayra Ma LUK Ɓiirimma 2:32

Nammi sa hin takaŋ seŋ ki fok suuna buruna. Sem suu maŋ suu Israelna hin tii ki um halaŋ.»

EZAYI 26:2

Mal vun gulumuna kiyo, suu ɗegeena sel voo, ni suu may suu gol tasi ay jivina.

VUN ŊGOLNA 6:23

Kay gaɗta, ndaɗ ni ko ndal pindilla na. Haɗta ni kiɗikka ni voɗta vi iirira, ni haɗta kay wi yal ma jivina.

SOOLLA 147:20

Gaɗ ndaɗta nam daɗ ka maŋ njaf suu daŋgi, asi ka wam gaɗ mambaɗi lay. Halleluya!

SOOLLA 106:5

Hinin an wi jivira vi suu aŋ manasina u irin may, taɓ furi manda u suu maŋsina may, ɓorow jivira u asi hu mbas maŋga may.

SOOLLA 50:7

Humugi haa suu mansina, an min ɓakka, aŋ Israel, an min di dlara kaŋga. «Anni Lona, ni Looŋŋa.»

SOOLLA 33:12

Furira ka kay suu vi Yawe a Loosinana, furira ka kay suu Yawe manasi a suu mamsinana.

KALKIRA 33:13

Cemini lini an fi jivira iriŋ wa ni, aŋ takan voɗ maŋga ni an hin waŋ kiyo. Lini an fi gasi jivira iriŋ wa olo ni, aŋ gol suu asina ni ko suu maŋsina na.

KALKIRA 19:6

Agi hinni a muli man suu ɓivunna, agi ki ni a njaf ma teteɗna. Ni boyma aŋ tuɗ dam maŋ suu Israelnana.»

GA 8ATAMBARA 18:18

An hin ɦasi sa ma jok fun Lona ko aŋ nana aya, ni duk gorsesina tok. An hin kalam boy manna ay funumu, nam hin dasi ki ni dlara an damba ana nam dasira kiyora.

EZAYI 1:27

Zi ma Siyonna hin suɗ ki ni u ɗegeera, suu may suu homma hin suɗ ni u ɗegeera may.

EZAYI 26:8

Ҥii, Yawe, ami tin saa mamira ni kaŋ dew. Ami tuɗ ni hu voɗ maŋga na dew. Ami yaŋu, ceneŋu, hurumi minni dlaaŋga na dew.

EZAYI 33:22

Na daŋ may Yawe ni saaygi ma kaɓakŋa, nammi sa ma ɦaygi gaɗta, Yawe ni mul maygina, nam buɗuygi ki ni namu.

EZAYI 42:21

Yawe u ɗegee mamba min tak gaɗ mamba ki ana ndaɗ gasi jiviya, dlaɗ ŋgolo.

EZAYI 55:3

Tinigi humugi huma, mbaagi ay egenu, humugiya ni agi hin lak iiriya. An hin vi u agi ni galamba din dinda. Na daŋ may an saa tew tew kay jivira vi Davidta.

EZAYI 63:8

Nam di ana, «Gasi asi ni suu mansina daŋ may. Asi ni goryon suu ka mbaɗanɗina.» Nammi a sa ma suɗusi kina may.