EZAYI 51:3 - Boy Lonana

³ Na daŋ may, Yawe ɗil ii zi ma Siyonna wa, zi mamma ɓalak kina, nam soosi hurusi wa. Nam mbuɗ li ma ki duk gurana ki zina. Li ma haw yona nam mbuɗum ki a sene ma vi Yawena. Zi namma cemi oy u furira, hum hu ni soolla gi deɓpa u tlesuu luuna zeɗ zeɗ.

EZAYI 51:3 ပူးပေါင်းရင်းမြစ်များ

EZAYI 49:13

Huulona gi soolla furira, ndak ndaŋgara li furira, agi ɦinira saagi walla furira may. Kay Yawe so u suu mamsina wa. Suu mam suu yasi li homi kaŋgana nam wasi hahawasi wa.

EZAYI 52:9

Gagi soolla furira agi suu Yerusalemma halaŋ suu las ayna, kay Yawe ɗil ii suu mamsina wa, nam suɗ Yerusalem ki wa.

JOEL 2:3

Kura ŋgal fokom may, ŋgorom dagan sin kura ŋgal may. Ndaŋgara fokommi ko ndal sene ma Edenna na ŋgorom dagan fulla ki ɓeŋira. Va dew lay ka suɗ kombi.

1 PIYER 1:8

Agi wam ka u irigi tuɗi lay ni agi minimu, agi bay wam u irigi tu lay ni agi tin hurugi kamu. Kay ndaɗta agi lagi furira ŋgolla, ta sa ndak ka a di boy namma u vunumbira.

JEREMI 31:25

An laɓ vun suu laara mbuɗusi ki maŋiina, an hin mbuɗ suu maŋiina ki saɓak lay.

URA TIN AYRA 13:10

Lot gol com commi wi ana li ma ii Yurdanna jivi cocoo, yona ka ŋgolo. Jew mayra Yawe bay beŋ Sodom u Gomor ki tura, ni li namma ay ni ko sene ma vi Yawena ta ta Soar. Ni ko ndaŋgara Egiptera na may.

EZAYI 51:12

Anni sa ma njunugina. Agi li ndaa sa war ma miɗ kina ni kay mege? Goŋ Adamma ni ko ndal ɓo usuna ɦawa na.

EZAYI 44:26

An li u boy ma vi saan ma sunda, suu a dan vun sun mandana an njunusi a ndaɗ di ki u voɗoɗu. An di zi ma Yerusalemma ana, nam coli kolo balamamu. Zi ma Yudana an dam ana, ko nam hoŋ ki kolo minda suuna cuk huwa. Tlesuu ay ki hawaɗina an hoŋosi minda hu balamasiya.

EZAYI 25:9

Hu buu namma suuna hin di ana, Nammi Loomina, ami tin hurumi kamu, nam buɗumi ki wa. Yawe ni sa ma ami tin hurumi kamma. Ŋgaaygina, furiyuygiya kay nam suɗuygi ki wa.

EZAYI 12:1

Hu buu namma ni suuna hin di ana, Ami gaŋ deɓe, Yawe, kay aŋ li yara egemiya, na may huruŋ heɓ wa, aŋ ɗilimi irimi wa.

SOOLLA 85:8

Yawe, takami ɗegee maŋga, ɦami suɗ maŋga may.

EZAYI 49:8

Yawe di ana, hu li ma oora ni an humuŋ cen maŋga. Hu buu ma suɗta ni an mbay njun kaŋu. An goloŋ ŋgayaŋ ki vay daŋ zeɗ. Aŋŋi a galamba an vaɗ u suunara, a aŋ min yam mbassa halaŋ. A aŋ ɦal ɓorow ma vi njaf suu ay ki njayna may.

EZAYI 35:6

Suu dalira pii weɗta ko ndal dugina na. Suu vunusi ndumuna mbuɗ sawalla ha koloo. Li ma haw mbona, yona mbuɗ law huwa. Lumma wak ki ŋgoo bagi hu fulla lay.

EZAYI 41:16

Aŋ siirisi ki ko suuna a sii wanara na, semeɗna njayasi kiyo. Aŋ may ni hin li furi mayra Yawe ɦaŋgara, ni kay ma teteɗ ma vi suu Israelna.

EZAYI 43:19

Gola an min a li ni dlara wilira ndaɗ gijaŋŋa da, agi ka waɗɗi su? Na daŋ may an min wak voɗta ki ŋgoo bagiya, an hin ɦagi mbona ha hu lay.

EZAYI 49:19

Na daŋ may mbas maŋga ki ɓalakiya, suuna ka hu ŋgolɗi lay. Tuɗ fok nde ni, mbas ndaɗta hin mbuɗ goora, suuna ka fi li ma cuk zinaɗi lay. Suu gaŋaw maŋsina halaŋ hin njay kiyo.

EZAYI 61:10

Yerusalem ŋga Lona di ana, an furi cocoo, furi coco ni kay Yawe, iri manda furi coco kay Loonna, kay nam cukun baraw ma suɗta egenu, nam kalan hu baraw ŋgol ma kaɓakŋa, ko ndal goora min taɗ a hal njufna, ɗowba mul ma li ɓivunna tin jumba jivira kamba na, ko goora hal a i njufna min taɗ ki jivira na.

EZAYI 65:18

Hin li ha ni furira na gak gak kay tlesuu an hin a lasina. Yerusalem ta furira, suu huna oy ki u ayra may.

EZEKIYEL 28:13

Aŋ ay ni hu Edena, sene ma vi Lonna, yam ki ŋguy u gulumunna, mini u ɦini mayra jivi ɦayra. Sardoine, topaze u jaspe, krysolite, beryl u onyks, lazulit, eskarbukle u emeraude u lorra sun tle asina ni a yoo tiniŋga u diffa may. Tle asina minisi ni hu buu ma an laŋŋa.

EZEKIYEL 36:11

Suu warna u yoorina an hin zuluk sina kak cocoo. Asi hin zul cocoo, hin vuɗ coco lay. An hin zuluki bolow a su jewra. An hin ɦagi tlena ni sura fok jewra. Agi hin wi ki ana anni Yawe.

EZEKIYEL 36:35

Suuna hin ɓak kaɗ ana, mbassa sa li ka horok huɗira, mbuɗ ki ko ndal sene ma Edena ɦawa na. Ҥoŋzi ma li ki tooy kaŋgana, u zigini suu li ki tooyna mbuɗ mini saɓak cocoo. Suuna cuki hu lay.