EZAYI 5:6 - Boy Lonana

⁶ An min hin li namma ki ɦawaa. Sa ka hin horok li namma oloɗi. Tlesuu siina ugi wayara hin day ki huwa. An hin doo ɗugulla ki ka ndaɗ si yona huɗi.

EZAYI 5:6 ပူးပေါင်းရင်းမြစ်များ

JEREMI 25:11

Mbas ndaɗta u ŋgoloɗ halaŋ hin mbuɗ ki ni jo ma senena, li ma hahawra. Suu huna halaŋ hin li sunda maŋ mul ma Babilonna i basara dok kiɗisiya.

WIRA ŊGAYRA 11:6

Asi ka u eŋga kosi kay a dug huulona kay a yo si hu li ma asi a di Boy Lonanaɗi. Saɓak ma asi a mbuɗ yona ki busuna kosi lay, asi ka u saɓakŋa kay a ci ndaŋgara mbaa njaf dlara mbuɗta zeɗ zeɗ ko asi minda na.

Boy Ma Ayra Ma LUK Ɓiirimma 21:24

Suuna hin casi ki u ɓagina hin yowosi, njayasi ha ki daŋgayna duk njaf suuna zeɗ zeɗ. Suu ɦawana kay to zi Yerusalemma ki ni toy na gak gak bay liisina ndak na baɗi.»

AMOS 4:7

Ni an daŋ may, doorogi yona ka si kagi ŋgolɗi ni anu, tilna hin fok hindi a gijaŋ tlena feɗtara, an si yona ka kay zi maa dew may, hin maa ki mayraɗi, sene maa ɦiw yona si hu may, maa ɦiw yona kaɗi, so ki mayraɗi.

Magaara Vi Sa Jok Vun Lona OZE 3:4

Ko ndaɗta na goryoŋ Israelna hin kak buuna bolowo, mul kaɗi lay, ɓivun kaɗi lay, ka ceɗ gogoyɗi lay, ka tli va kosi a tuɗ fok Lona u nambi lay.

JEREMI 45:4

Gola ni dlara aŋ hin dambara, Yawe ɓak anaba, Va ma an minimma an ɓeŋem ki ni an lay. Va ma an pamma, an paɗam ki u sarayam halaŋ kay ndaŋgara.

JEREMI 14:22

Duk fuli suu cona na ni, suu ndak a mba yo Lona ay kaŋgana ka su? Yona col sira ay ni kolo huulonaɗi su? Ka ni aŋ, Yawe, Loominaɗi su? Ami ka juɓuŋu kay ana aŋŋi sa li tle asinanaɗi su?

JEREMI 14:1

Hu li ma Yawe ɓak Jeremi kay yona hin ka siɗi.

EZAYI 30:23

Nam hin sagi mbona a horokŋa. Agi hin zaa tlena kaŋgaa, tlesuu agi hin feɗesina ŋgol cocoo, jivi ɦay lay. Hu buu namma ni yoori magisina ndak fi li ma ti haɗna, li ma haɗna egesi ŋgol cocoo.

EZAYI 24:12

Va maa hin ka hu ɦoŋzina oloɗi, vun goŋina halaŋ ki kusiya.

1 MULINA 17:1

Eli sa ma ay hu ɦoŋzi ma Tisbena hu mbassa Galaadta mba di mulna Akab ana, «U sem Yawe, Lona vi suu Israelna, ma ka iiri tew tewna, ma an ka sunum wanna, basara hin fok cara ni lo ka siɗi, mbaɗagi ka gi kay ndaŋgaraɗi lay, bay an di an na baɗi.»

GA 8ATAMBARA 29:23

Njaf suuna halaŋ hin ɓak ana, «Yawe a li mbas ndaɗta ki na ni kay mege? Hurum ɓeŋ ki saɓaki ŋgolla eg mbas ndaɗta na ni amege?»

1 MULINA 8:35

«Hu li ma huulona duk ki wa, yo lo ka si kay yam ndaŋgara oloɗi kay ana suuna laŋ dla cora egeŋu, lini asi cen hu li namma, geleɗeŋ seŋu, hom coosira ki may kay aŋ tinisi dlara hahawra kasira ni,

JOB 31:40

Hin dlara tlesuu tira dayra tani, tlesuu siina day ki hu senena. Ciŋirira ko day ki huwa. Boy ma vi Jobma daɓmi na.

EZAYI 7:19

Asi hin mbay wani laki hu li ma mbona huna, ki kay ɦinira lay ki hu li ma haɗna huna lay.

EZAYI 32:10

Cukuni ni agi ka furi cocoo ka yoo haw vaɗi. Hu basara daara ni ka na oloɗi, tlesuu agi lasi vo wanna hin daɓ kiyo, agi ka hin fi va ma a lam ay vo na oloɗi.

EZAYI 49:19

Na daŋ may mbas maŋga ki ɓalakiya, suuna ka hu ŋgolɗi lay. Tuɗ fok nde ni, mbas ndaɗta hin mbuɗ goora, suuna ka fi li ma cuk zinaɗi lay. Suu gaŋaw maŋsina halaŋ hin njay kiyo.

EZAYI 55:13

Wayra hin dlara day hu liigina tani, day ni ŋgusugi suu ŋgolona, usu ma cona ka day hu sene maginaɗi, day ni mbitl mayra his jivira. Tle asina a tak ki ni ŋgolla bibiŋilla vi Yawera. Ni dlara a tak ha ki na gak gak ka daɓ kiɗira.

Magaara Vi Sa Jok Vun Lona OZE 9:6

Gola, asi ŋgay tasi ki ko ɓeŋga wa, Egipte hin tokosi eg tasiya. Memfis hin li ni a zulusira tososira. Bege masira jivira gu njaana hin taɗ kiyo, gu wayra hin tlasi liisi ma mbutluɓma huna kiyo.

JOEL 1:7

Nam mbuɗun sene gugutlu manda ki fulla, ŋgusu tulum manna nam paliyam kiyo. Nam hawaɗasi cukusi ki kaŋgaa, gogor kosi mbuɗ ki haɓpa.

VUN ŊGOLNA 24:31

Huu sene mamma ki oyra ni u tlesuu siina, usuna hu sene mamma cocoo, gulumun ma ŋguy kay senenana bow ki kaŋga lay.

YOORA 2:6

Nam ɓeŋ senena u li ma asi ŋgaf vok tasi huna kiyo. Nam ɓeŋ li ma asi li luuna huna kiyo. Yawe maa ki kay luu mamma u buu ma Sabbatna. Nam mbuɗ suu mulina u muli suu li ɓivunna ki zolona u yaamba.