EZAYI 41:8 - Boy Lonana

⁸ Na may aŋ Israel saan ma sunda, Yakob aŋŋi sa ma an manaŋŋa, njaf Abraham, bananna.

EZAYI 41:8 ပူးပေါင်းရင်းမြစ်များ

Magaara JAK Ɓiiriɗta 2:23

Va ma magaara di kam jewna li wa, di ana, «Abraham vi u Lona, Lona golom a sa ma ɗegeena ni kay viimba.» Ni kay ndaɗta Lona yam ana banamma.

2 DLAŊ MULINARA 20:7

Lona, aŋ dik suu hu mbassa wanda ki hu li ma suu maŋ suu Israelna mba na ni ka aŋgi su? Aŋ ɦal mbas ndaɗta ki a fafaɗta maŋ banaŋŋa Abrahammi ka aŋgi su?

GA 8ATAMBARA 14:2

Kay agi ni suu may suu ki tini zeɗ maŋ Yawe Looginana. Agi ni suu Yawe managi ki mam a suu mamsina kay tamma, duk njaf suu kay ndaŋgarana halaŋ halaŋ.

EZAYI 51:2

Humugi gagi kay bugi ŋgolo Abraham u sugi ŋgolo Sara suu vuɗugina. Hu li ma an yasina ni asi ni mba' daŋ, An hin paɗ vunun ki kasiya, zulusi ki bolowo.

EZAYI 44:21

Yakob humuŋ gaŋu. Israel aŋŋi saan ma sunda. An laŋŋi a sa ma sununna. Aŋ Israel ka hinin kiɗi.

EZAYI 29:22

Kay ndaɗta Yawe, sa ma suɗta vi suu Israelna, di ana, Nammi sa ma buɗ Abraham ay kina, hin ha fokka ni njaf ma vi Yakobma ka li ga u sa oloɗi, vogosi ka gol hahaw oloɗi lay.

SOOLLA 33:12

Furira ka kay suu vi Yawe a Loosinana, furira ka kay suu Yawe manasi a suu mamsinana.

EZAYI 43:1

Cemi ni Yawe di ana, aŋ Yakob sa ma laŋŋa ni gege? Israel sa ma miniŋŋa ni gege? Li ndaaɗi kay An suɗuŋ ki wa. An yaŋŋi u seŋu, aŋŋi varanu.

SOOLLA 135:4

Kay Yawe man Yakob ni namu, suu Israelna ni suu mamsina.

JEREMI 33:24

Suu asina ka saara, aŋ wi lay ana Yawe noy njaf suu mba' suu nam ŋgaɓasina kiyo. Na ni asi hin noyon suu mansina ki kay ana asi ka suu masisina oloɗi su?

EZAYI 48:12

Humungi vunun haa, agi suu Israelna, agi goryoŋ Yakobma, agi suu an yagina, anni Lona, anni ma ay jew dayna, ma daɓ daganna lay.

MATIYE 3:9

Saaragi hurugi ana, Abraham ni bumiya naɗi. An dagiya, Lona ndak a mbuɗ ɦinira ki a goryoŋ Abrahamma layɗi su?

EZAYI 63:16

Kay aŋŋi Bumiya, Abraham lay ka wamiɗi, Israel, ka wami oloɗi lay. Aŋ, Yawe, dew ni bumiya. Ni sa ma buɗumi kina, ay day day seŋŋi na daŋ may.

EZAYI 49:3

Nam dan ana, «Aŋ Israel saan ma sunda, an hin tak bibiŋil manda ki ni u aŋu.»

GA 8ATAMBARA 10:15

Kay Yawe njun tammi eg somoyogi doy hol minisiya, ŋgoorosi daganni nam minisi goryosiya, ni ana agi ni suu nam managi ki duk njaf suuna halaŋŋa, ko agi wi cemi wanda na.

DLAŊ LEVIRA 25:42

Kay suu an suɗusi ay ki hu mbassa Egiptera halaŋŋi suu sun mansina, sa ka ndak a gususi ki ko suuna gus mborɓiina naɗi.

SOOLLA 105:6

agi njaf Abraham saam ma sunda, agi goryoŋ Yakob suu nam managina.

GALATENA 3:19

Ҥal gaɗta ay ni kay mege? Ndaɗ ɦal ay ki ni kay tak dla mayra ka li u minda vi Lonaɗira, ndaɗ tuɗ gak gak daɓ hu li ma njafna vi Abraham Lona vi vunum kamma. Gaɗ ndaɗta jok ay ko suu sunda huulona u sa ma duk ɦoŋgana dew.

SOOLLA 136:22

Haɗ ki maŋ suu Israelna ni suu sun mamsina kay ɗegee mamba ka ni na gak gak.

EZAYI 14:1

Yawe hin wi hahaw Yakob. Nam hin man suu Israelna olo. Nam hin hoŋosi ay hu mbas masira. Suu koyogina hin taɓ ay u asiya, asi hin cuk tasi duk suu vi Yakobma.

EZAYI 42:1

Bu Suuna di ana, Gola ni saan ma sunda ma an minimma, saan ma an manama ma an furiyumma, an gi Musuk manda kamu, nam hin tak ɓak ma vi njaf suunana ki halaŋ.

EZAYI 42:19

Sa ma ay dugina ni gege, ni ka saan ma sundaɗi su? Na daŋ may sa ma ŋgeli ko saan ma vun sunda na kaɗi, sa ma dugi ko saan ma vun sunda na kaɗi, sa ma ŋgeli ko sa sunda vi Yawe na kaɗi.

EZAYI 43:5

Li ndaaɗi kay an ka u aŋu. Col ay u maɗiina day an hoŋoŋ njaf suu maŋsina aya. Ay u fiɗigina day an tokogi yagiya.

EZAYI 43:10

Yawe di ana, agi suu Israelna agi ni suu diki kanna, agi ni suu man suu an managina, a agi wan kiyo, tin hurugi kanu. Agi wi ki ana, anni an daŋ may. Sa ŋgol suun ay ka jewɗi, ŋgoron dagan lay sa ma suun kaɗi.

EZAYI 45:4

Ni u min mayra an min Yakobpa, Israel saan ma sunda an yaŋ u seŋu, An ŋgaɓaŋ ay kiyo na may ni aŋ ka wanɗi.

MALASI 1:2

Yawe di ana, «An minigiya,» agi hin hoŋom dira ana, «Aŋ minimi ni u mege?» Yawe di ana, «Ezaw ka ni wayaŋ Yakobmaɗi su? An hin min Yakob nige,

1 DLAŊ MULINARA 16:13

Agi suu Israel suu sunumma, agi goryoŋ Yakob suu nam managina.

SOOLLA 136:21

Nam ɦaygi mbas masira ki a jona kay ɗegee mamba ka ni na gak gak.