EZAYI 41:4 - Boy Lonana

⁴ Sa ma njun a li dla ndaɗta nana ni gege ni ka anɗi su? Sa ma yi njaf suuna ay ki zeɗ zeɗ hu ura tin ayra day. An tanda Yawe ni ma ay fok jew dayna, an hin a daɓ daganda dodora ni an lay.

EZAYI 41:4 ပူးပေါင်းရင်းမြစ်များ

WIRA ŊGAYRA 22:13

An ni Alfa u Omega, ma Jewna u ma Daɓ daganna, Gijaŋŋa u Daɓpa.»

EZAYI 48:12

Humungi vunun haa, agi suu Israelna, agi goryoŋ Yakobma, agi suu an yagina, anni Lona, anni ma ay jew dayna, ma daɓ daganna lay.

WIRA ŊGAYRA 1:17

An wam wi ni ndi kaŋga fokom ko miɗira na. Nam tin kom ma njufna kan dan ana, «Li ndaaɗi, an ni ura tin ay jewra u daɓpa daganda lay.

EZAYI 41:26

Sa ma dukugi ma dam boy namma ay ki fok jewna ni gege? Tak tam ki ami wam gege. Sa ma di boy namma ay ki fok jew a ami di kam ana nam di ni gasira ni gege? Sa ma dam ki kaɗi, ma wam kaɗi lay, sa ma hum boy namma kaɗi lay.

EZAYI 46:10

Ay hu gijaŋŋa day ni an di dlara, an min a laɗta ay kiyo. An di dla mayra hin a lira, ta bay sa waɗ tura ay ki jewe. An di ana gola dlaanda hin li ni na, ndaɗ hin li ki may. Dlara an miniɗta halaŋ an laɗu.

EZAYI 43:10

Yawe di ana, agi suu Israelna agi ni suu diki kanna, agi ni suu man suu an managina, a agi wan kiyo, tin hurugi kanu. Agi wi ki ana, anni an daŋ may. Sa ŋgol suun ay ka jewɗi, ŋgoron dagan lay sa ma suun kaɗi.

SUNDA 17:26

Nam cuk suuna halaŋ col ay ni u sana dew. Nam ɦasi ndaŋgara ni masiya. Nam ŋga ii lina ha ki fok jewe, hin ɓorowosi li ma asi kak huna ki kosiya.

WIRA ŊGAYRA 1:8

Anni Gijaŋŋa u Daɓpa, Alfa u Omega, Bu Suuna, Lona ma Saɓakŋa, di na ni namu, ammi ma ka cecemma, ma ay jewna lay, ma hin a mbay fokŋa lay.

EZAYI 42:24

Sa ma ɦal Israel njaf Yakob ki ko suuna a vamma ni gege? Ni ka Yawe ma aygi li cora egemmaɗi su? Ma aygi ka min a tuɗ hu voɗ mambaɗina ɗi su? Ni kay asi hum ka u gaɗtaɗira.

WIRA ŊGAYRA 2:8

Ɓii magaara maŋ sa sunda huulona vi suu vi Kristuna hu Smirn, humugi boyna vi sa ma gijaŋŋa ay jewna u daɓpa daɓ daganda damma, nam ma miɗ ki hin col ay kolo iirina.

WIRA ŊGAYRA 1:11

Di ana, «Tlesuu aŋ wasina aŋ ɓiirisi hu magaara, sun maga ndaɗta ha maŋ suu vi Kristuna kiɗisiya ko wanda na, maŋ Efes, Smirn, Pergam, Tiyatir, Sard, Filadelfi u Laodise.»

EZAYI 40:12

Sa ma ŋga mbo lumma hu duk komma ni gege? Sa ma ŋga fiyek huulona u komma ni gege? Sa ma tuk tam a ŋga gugum ma sii kolo wanna ni ge mayge? Sa ma tli nek ɦinira u gogoyra ŋgolora kay kelewna ɦoyna ni gege?

SUNDA 15:18

Bu Suuna li ki u tlegeyem su nam takasi ay ki jew day dayna.»

MATIYE 28:20

Haɗasi a asi vi vun gaɗta an gaɗagirara halaŋ may. Wi kagi ana, an ka u agi gak gak ndaŋgara tuɗ daɓ ki u ndaɗta.»

MATIYE 1:23

«Goowayra hin vi wiina, ndaɗ hin vuɗ goona, tinim sem ana Emmanuel,» (ni ana Lona ka u aygiya).

EZAYI 40:26

Tlagi irigi kolo, gologi ciciwra gige, sa ma lasina ni gege? Sa ma cukusi ay ki fun tasi na halaŋ ko suu duuna nana ni gege? Asi halaŋŋi suu lam sun mamba, saɓak mamma cocoo, mul mamba ti kasi halaŋ. Va ma sem viɗ ki kam na dew kaɗi.

GA 8ATAMBARA 32:39

Na daŋ may gologiya ni anu, sa ma daŋ ay ka egenɗi, lo ma daŋ ka egenɗi. Anni sa ma ci sana kina, ni sa ma hin sana iirina lay. Lini an dag sana wa ni hin cilim mbilimmi an lay. Sa ma suɗ ki hu duk kon kaɗi.

SOOLLA 102:27

Asi hin ɓeŋ kiyo, aŋ taŋga ka ni na gak gak. Asi ɓeŋ ki ko ndal barawna na, aŋ mbuɗusi ko ndal barawna na, asi hin hiniŋ lina maŋ halaŋ.

EZAYI 41:3

Nam dikisiya, jak hu ziisi ni va ka lambi. Sa ka humum sem ma tin kaŋganaɗi lay.

EZAYI 43:13

Na daŋ may, anni anu. Va ma an damma sa ndak a buɗuna ki kon kaɗi, sa namma hin li ni gege? Sunda an laɗta sa ndak a ɓeŋeɗ kiɗi lay.

SOOLLA 102:28

Gola aŋŋi na, basa maŋga ka daɓbi.

EZAYI 41:20

Kay a suuna gola, wi ana asi ndak a li dlara ko tasi dew. A asi wi ki ana ko Yawe li tle asina ni namu. Ma Teteɗ ma vi suu Israelna lasi ni namu.