EZAYI 41:2 - Boy Lonana

² Sa ma col ay u maɗiina su kay suunana. Ҥam saɓak namma ni ka anɗi su? Nam dik njaf suu daŋŋa ki halaŋ, tayasi muli masisina ki ga u semu, ŋgew mam ma duuna gulukusi ki ko gugum ndaŋgara na. Asi dol ki kolo u semeɗna ko usuna na.

EZAYI 41:2 ပူးပေါင်းရင်းမြစ်များ

EZAYI 45:1

Yawe di saam ma Lona fuurumma ana, Sirus ni mul ma Bu Suuna manamma. Nam vam kom ma njufna koloo, njaf suuna halaŋ cuk kaŋga fokomu. Mulina halaŋ malam vun kaana ha ki fokomu. Yawe di ana,

2 SAMUEL 22:43

An yursusi duk gugumma. An luɗusi kiyo. An tayasi ki kaŋga u senu, ko luɓu ma hu voɗtana na.

EZAYI 46:11

Ay u faɗta maɗiira day An yi bakŋa ay kay ɦaana. Ni sa ma hin lan dlaanda an min a laɗta kina. An yam ay ni hu mbassa dayra. Dlara an daɗta na zak gaw ni ndaɗ li may.

EZAYI 41:25

Sa maa ay ka mbayaw dew an manam kiyo, tin ay u maɗiina na nam ka yanni senu, nam tay mulina ki ga u sem ko suuna a hoɓ luɓuna na. Ko ndal sa ma min doyogina taɓak luɓu mamma ki u semba na.

EZAYI 40:24

Lini asi pi ŋgusugina lay ni, boy ka huɗi, lini ŋgusugi masisina kal sariyasi ga lay ni, boy ka huɗi. Lini nam fo musukum ay kasi wa ni asi so ki halaŋ halaŋ. Semeɗna hin siirisi ki ni ko ndal sii barra na.

EZDRAS 1:2

«Mulla kay ndaŋgarara halaŋ, Yawe Lo ma kolo huulonana ɦanda ki wa, nam ɦan voɗta u tamba ana an minim zira hu Yerusalem hu Yuda.

EZAYI 45:13

An u ɗegee manda buɗ sa ma agi wam wanna ay ki ni anu. An hin minim voɗta ha ki fokom halaŋ. Nammi sa ma hin minin ɦoŋzi man ma Yerusalemma kolona. Nam hin cuk suu ay ki ŋgayrana ay ki ni ka u warakgi lay. Yawe ma Saɓakŋa Kom Belna di na.

2 DLAŊ MULINARA 36:23

«Gola ni boy ma Sirus, mul ma Persna, damma, Yawe, Lo ma ay kolo huulonna, ɦoŋ yam ndaŋgara ga hu saɓak manna halaŋ. Nam tlan a an minim ziimba hu Yerusalemba, hu mbaassa Yudara. Suu may suu vi Lona suu ka dukugi na halaŋ mba hoŋ vo hu Yerusalem, ko Yawe Loosina li ha u asiya.»

HEBRENA 7:1

Melkisedek mul ŋgolna hu Salem, mul ma li ɓivunna vi Lo ma Kolo Dayna lay. Hu li ma Abraham ay duuna, ni nam ti mulina aya, a mba vora wanni Melkisedek ŋgafam vokomu paɗ vunum ki kamu.

2 MULINA 13:7

Suu duu suu hin ko Joasazna ni suu jaŋ kulumina na dok-vadl, pus pusna ni doogo, suu duu suu semba ni buɓ buɓ doogo may. Kay mul ma Sirina ci suu wanna ki ni halaŋ halaŋ. Nam lasi ki ko ndal gugum ndaŋgara suuna tayaɗ ki kaŋga u sesira ɦawa na.

URA TIN AYRA 17:1

Hu li ma basa Abram li ki dok-dleeŋe yam dleeŋe ni, Yawe tak tam ki irim dam ana, «Anni Lona ma Saɓakŋa. Aŋ poy fokonu li ɗegee.

URA TIN AYRA 11:31

Tera tay goromma, Abram, u goŋ ŋgolo mamma, Lot, ma goŋ Haranna, u Sarai, caŋ goomma, Abramba. Nam col ay u asi Ur hu mbas Kaldera a tuɗ Kanaan. Asi tuɗ ta ta tew Haran hin lak huwa.

WIRA ŊGAYRA 7:2

An wi sa sunda huulona ma daŋŋa col ay u maɗiina, nam vi tampoŋ ma vi Lo ma iirina komu, nam sawalla ay u delem kolo eŋga maŋ suu huulona suu fiɗina suu fi saɓakŋa kay a ɓeŋ ndaŋgara ki u mbo lumma ŋgolna belna.

WIRA ŊGAYRA 16:12

Sa sunda huulona ma karkiyana vo yara hu kop mammara kay mbo lumma Efratna. Lumma so ki a hin voɗta maŋ muli suu u maɗiinana asi jaka.

EZAYI 41:3

Nam dikisiya, jak hu ziisi ni va ka lambi. Sa ka humum sem ma tin kaŋganaɗi lay.

EZAYI 42:6

Ni an Yawe, an yaŋŋi u gasira, an vaŋ koŋ kolo wa, an ka goloŋu, a aŋ faɗan vun galam manda an vaɗ u njaf suu warnara kiyo, aŋŋi sa ma hin takasi kiɗikka kina.

EZAYI 48:15

An di ni an daŋ may, an yammi anu. An mbaaram ay wa, dlara nam mba kaɗta hin li kiyo.

YOORA 1:15

Bu Suuna dik suu saɓak suu li ay varanna ki halaŋ. Nam ŋgaɓ buuna ki kay a can gorzoŋi mansina kiyo. Bu Suuna luɗ go tamara ki hu fuɗukŋa, Yuda ta jivi ɦayra.