EZAYI 41:1 - Boy Lonana

¹ Agi suu hu daara, lakagi en humugi haa. Agi suu wanna soogi tagiya fagi saɓakŋa. Ŋgoo dagan agi hin di boyna. Na daŋ may ɦuɗugi tagi aya, agi lay an lay a gaygijaŋ dlara.

EZAYI 41:1 ပူးပေါင်းရင်းမြစ်များ

EZAYI 1:18

Yawe di ana, Mbaagi ay ɓakaygi boyna. Lini co magira tlawra na keŋ keŋ lay ni, ndaɗ hin mbuɗuɗ ki haɓpa ko fuɗta na. Lini ndaɗ tlaw ko busuna na lay ni, ndaɗ hin mbuɗuɗ ki haɓpa ko baraw haɓma na.

HABAKUK 2:20

May Yawe ka coli hu ziimba teteɗta, yam ndaŋgara halaŋ seŋ vunuɗ fokomu.

ZAKARI 2:13

Gasi an wanna, an hin tli kon kolo kasiya, a suu mborɓii masisina ɦurumusi ki may, agi hin wi ki gasi ana Yawe, ma Saɓakŋa Kom Belna, sunun ay ni namu.

SOOLLA 46:10

Nam doo duuna ki kay yam mbassa halaŋ, nam kus mbuurura u saɓpa kiyo, nam ŋgal pus pus ma duuna ki lay.

EZAYI 34:1

Agi njaf suuna halaŋ ɦuɗugi tagi aya, humugi boyna. Agi suuna halaŋ tin humugi jiviya. Ndaŋgara hum ha u tlegeyeɗ suu kaɗna halaŋ, duliyara u tlesuu huruɗna halaŋ.

EZAYI 11:11

Hu buu namma ni Bu Suuna hin maɗ kom njun kay suu mamsina a yamba mbara, kay a buɗ u suu mam suu hin ay ko suu Asirina u suu Egiptena ndena kira, suu ay hu Patros, Kus, Elam, Sinear u Hamatna u suu ay kay daara duk lum ŋgolnana may.

JOB 38:3

Min taŋ, col ko sa njufna na, an min joɓoŋu aŋ hoŋon dira aya.

EZAYI 50:8

Sa ma mbuɗun ki ɗegeena ay ka tok. Sa ma ndak a ci wayra u anna ni gege? Ŋgaaygi taygi fun ɓakŋa, sa ma hin li ɓakŋa u anna ni gege? Sa namma ɦuɗ tam ay egen tani.

EZAYI 49:1

Humungi vunun haa agi suu kay daarna, humugi haa agi suu ha ki dayna. Yawe yan ay ni hu li ma an ka huu sun tuna day. Ay bay vuɗ ki tu lay ni, nam yan ana zoŋ mamma.

EZAYI 48:16

Ҥuɗugi tagi ay egenu, humugi haa, ay hu gijaŋŋa day an di dla taa ka ki ŋgay gumunɗi. Hu cokira dla ndaɗta lira ni an kaa. Cemi ni Bu Suuna Yawe, sunun ay u Musuk mamba.

EZAYI 40:31

Na may suu hin tasi kay Yawena hin fi saɓak ma wilina, asi hin mbuɗ ni ko bakŋa na, asi tuɗ fok na ɗow ɗow ka mbuɗ maŋiɗi. Asi huɗ tasi foko ka loɓ kiɗi lay.

EZAYI 41:5

Suuna hu daara wi dlara an laɗta na ni, li ndaa cocoo, suu ha hu keŋ ndaŋgara dodora halaŋ ka dlak ndaana kay dlara ka lira halaŋ asi ka waɗu.

EZAYI 43:9

Ko suuna kay yam ndaŋgara halaŋ tok tasiya, suuna halaŋ tokka. Sa ma dukusi ma di dlara hin li ha fokka kina ni gege? Sa ma dukusi ma di ay ki jew kay dlara ka li karam wanda ni gege? Asi mba col saasi ma di ki kasina ki a ɗoɓosi dlaasira kina ki fokoygi tani, aygi humum boy mamma hin di ana ni gasira.

EZAYI 43:26

Takan ki dla cora an lagira egegira, njaɗaygi dla ndaɗta ko taygiya a wi ki ana gasira ni vi gegera may.