EZAYI 40:2 - Boy Lonana

² Di suu Yerusalemma, dasi ana buu masi ma wihawra hin daɓa, dla coosira warak ki wa, an hin ɦasi warak masina u tanda, asi fi warakŋa sesi mba' mba' ko Yawe kay dla coosira.

EZAYI 40:2 ပူးပေါင်းရင်းမြစ်များ

ZAKARI 9:12

Tuɗugi hu liigi ma saɓakŋa daŋgay suu hurusi tinina. Karam gaw an di boy namma na. An hin ɦagi warakŋa ŋgol su olo.

EZAYI 61:7

Pan ma suuna panagina u zolona ka lagi oloɗi, agi hin yowosi nus ndaŋga masira ay ki a jona. Furi magira hin li ha ni na gak gak.

Magaara Vi Sa Jok Vun Lona OZE 2:14

An ɓeŋeɗ sene maɗna kiyo. Ŋgus tulum maɗna ki lay, ndaɗ hin di ana, «Gola, ni warak ma banayanna ɦanna na.» An hin mbuɗum ki bubura, mbuuri suu bagina hin ti ni huwa.

WIRA ŊGAYRA 18:6

Lassaɗ ko ndaɗ lasagira na may, warakaɗ sem mba' u dlaaɗta ndaɗ laɗta, oyoɗ kop maɗna sem mba' u sum ma yara sum ma ndaɗ ɦagina na.

JEREMI 16:18

An gijaŋ warakasi dla cora asi laɗta yasi mba' mba', dla cosira lay kay ana asi mbuɗun mbas manda ki njenjera u dlasira moli ko didiŋga nara, oyon joonna ki u dla coosira.

EZAYI 44:22

An bulumuŋ cooŋga ki ko ɗugulla valaw kira na. An bulumugi suluk magina ki ko kuɗna valaw kira na. Hoŋ ay egenu, an suɗuŋ ki wa.

EZAYI 43:25

Anu, an bulumugi coogira ki wa, an ka saa kay suluk magina oloɗi.

HABAKUK 2:3

kay ana ni dlara tak taɗ ki kay faɗ vun dlara. Ndaɗ tew ki hu liiɗ wa, ndaɗ ka kaboyɗi, lini yaɗ ka vi aya ni juɓuɗu, ndaɗ hin mba gasi daŋ may, ka kaboyɗi.

JEREMI 29:11

An wi dla mayra an vi vunun kaɗ a lagira egegira. Di na ni Yawe. Ni vi vun ma ɦagi begera, ka vi vun ma mbuɗugi hahawɗi. An hin ɦagi jivira, agi hin saa kan may.

EZAYI 35:4

Dagi suu ɓik vun digisina ana, Lakagi saɓaki, laki ndaaɗi, gologiya, Loogina mba wa. Sa sugulna mba ni namu. Ni warak ma col ay vi Lonna Nam u tamba suɗugi kiyo.

SUNDA 1:7

Yesu hoŋosi dira ana, «A wi lina u buu ma Bun ŋgaam a mbara ni dla ndaɗta ka ni magi agiɗi, Bun u dew tamba ŋga dla ndaɗta ni namu.

DANYEL 11:35

Suu neey suu dukusina ɦiw asi hin casi kiyo, maɗ masina hin li ni a ɓivun ma mbuɗusi ki jivi teteɗna, mbuɗusi ki haɓpa ta ta hu buu ma daɓpa, kay nam hin tew ki ni buurum tuwa.

EZAYI 12:1

Hu buu namma ni suuna hin di ana, Ami gaŋ deɓe, Yawe, kay aŋ li yara egemiya, na may huruŋ heɓ wa, aŋ ɗilimi irimi wa.

GALATENA 4:4

Hu li ma lina ndakŋa Lona sun goromma aya nam vuɗ ay hu cara hum u gaɗta vi suu Juifna.

EZAYI 49:25

Na daŋ may Yawe di ana, Suu saɓak suu suuna yowosi ha fun duunana hin cukusi ay kiyo. Muli suu asi vasi ha fun duunana hin cukusi ay ki lay. Suu li honira u aŋŋa an hin li u asi ni anu. An hin suɗuŋ goryoŋ ki ni an lay.

EZAYI 33:24

Suu hu zi nammana halaŋ sa ma di ana, «Tan karam tanu» kaɗi. Suu cuk zina hu Yerusalemma halaŋ, Lona bulumusi coosira kiyo.

SOOLLA 32:1

Soolla haɗta vi David. Furira ka kay sa ma coomba bulum kina, suluk mamma yam baa ki wa.

ZAKARI 1:15

Na may an hurun ki ɓeŋi coco eg mbas mayra ki mini jivira. An may ɗaŋŋi hurun gin ki ɓeŋira ni ew kay Israel, asi may ni mba cuk kay cooɗta ni cuk kiyo.

DANYEL 12:9

Nam dan ana, «Tuɗa, Danyel, kay tle asina ni ŋgay tuwa, asi hin li ki ni hu buu ma daɓpa may.

DANYEL 12:4

Aŋ, Danyel, may ɗaŋŋi ŋgay boy namma huruŋu, li um ta ta hu daɓpa. Suuna bolowo hin ndum boy namma, saa masira hin wul fok may.

DANYEL 9:12

Lona li ki ni dlara nam ɓakaɗ ki kamira, kay suu ti mulla kamina, hoŋomi dla cora ŋgolla ay kamiya, dla ndaɗta ka bay li hu li ma daŋ kay yam mbassa ko ndaɗ li hu Yerusalemba na tuwa.

DANYEL 9:2

hu basaɗamba dewra a mulna, an Danyel hal ndum basara hu magaara ko boyna vi Yawe di sa jok vun lona Jeremiera a faɗ u ɓeŋga vi Yerusalemba basara dok kiɗisiyara na.

JEREMI 17:18

Ko zolona li kay suu lasanna, li kan anɗi, ko dla cora ndi ni kasiya ndi kan anɗi. Mbaasi buu ma cona ay kasiya, casi ki u koŋ ma waɗ eŋ cocona.

2 DLAŊ MULINARA 30:22

Boy ma vi Ezekiyasna kal huu suu vi Levina jivi cocoo. Asi ɦal tasi ki u furira maŋ Yawe. Asi li luuna ta ta buuna kiɗisiya, li ɓivun ma mbaa heɓpa u gi deɓpa maŋ Yawe, Lo ma vi somoyosina.

URA TIN AYRA 34:3

Hurum min Dina goŋ Yakobpa cocoo. Nam ɓakaɗ u della jivira a heɓeɗ huruɗta.

EZAYI 6:7

Nam ŋgenen vunun u kura di ana, «Hu li ma ku ndaɗta ŋgeneŋ vunuŋ na gawni, dla cooŋga daɓ ki wa. Suluk maŋŋa bulum ki wa.»

EZAYI 14:3

Agi suu Israelna, hu buu ma Yawe hin ɦagi koɗ tara ŋgoo lassa agi las ay cocora, u sunda mbaɓura agi laɗta.

EZAYI 53:5

Na may nam mbuɗ ki zolona ni kay ŋgel vun maygina. Suuna dagammi kay co maygira. Ɓak ma kaam kay sana a heɓ ta suuna halaŋ tokŋi kamu. Mbil ma nam famma garaɗaygi ki wa.

EZAYI 53:6

Aygi halaŋŋi ko timigiina na, ay ki viɗiya, gegelay ni tli voɗta nam tuɗ hura. Yawe tokoygi dla cooygira ki kam halaŋ.

EZAYI 54:15

Lini suu mba ndaŋ ya lay ni col ay ka konɗi, gegelay ma mba ndaŋ yarana hin puk kaŋga fokoŋu.

EZAYI 54:17

Kawi ma asi dlam a laŋ hawra u namma halaŋ ka ndak a laŋ vaɗi. Suu may suu ka di dlara kaaŋ ɓakŋa kaŋga halaŋ aŋ hin su kasiya. Gola ni dlara an, Yawe, a laɗ kay suu man suu sununara. Dla ndaɗta daɗ kasi ni an Yawe daŋ may.

EZAYI 55:7

Ko suu li dla cora hin dla coosira kiyo, sa ma las ndarayamma hin saa mam ndaɗta kiyo. Ko nam hoŋ ay ni eg Yawe ma ka takam ɗili mambana eg Looygina, ma bulum cora vi suuna ki halaŋŋa.

EZAYI 66:13

Ni ko sa ma sum lam um cocona na, an may ni hin lagi ugi ni na may. Na daŋ may agi hu Yerusalem halaŋ hin fi saɓakŋa.

JEREMI 51:10

Yawe takaygi suɗ maygira iriygiya, mbagi aya, ɓakaygi dlara vi Yawe, Looyginara, hu Siyon.

YOORA 4:22

Siyon ta jivira dla co makka daɓ ki wa. Nam hin ka tuɗuk ki mbaɓu oloɗi. Ndak Edom ta jivira nam hin gak daŋgayna kay dla co makka, nam ka ndum dla cora ndak laɗta kiyo.

EZEKIYEL 16:42

An hin heɓ hurun ma yara ki egekŋi na halaŋ. An hoŋ hurun ma ɓeŋŋa ni kak bel, yaanda hin heɓ ki gaa ka lak oloɗi.

ZAKARI 1:13

Na ɗaŋŋi Yawe hoŋ dira maŋ sa sunda huulona ma ɓak u anna ni hoŋ dira so ura, hoŋ dira heɓ huna.

KALKIRA 22:3

Lini yoo ma kulumma, mbutl kala, kor kala, timii kala, famma kom iiri tuwa ni, nam warak u va namma sem mba'.

SOOLLA 85:3

Aŋ bulum cora vi suu maŋsina ki wa, aŋ baarasi yam suluk masina ki halaŋ.

DI BOLLA 3:4

Buu ma tiina dew may, buu ma sanda ni dew may. Buu ma yoo tara ni dew, buu ma luu njoŋŋa ni dew may.

EZAYI 27:9

Cora vi goryoŋ Yakobma hin bulum ki ni ko ndaɗta na may. Ni vuɗ dlara hin tak ki ana coosira bulum kiwara. Asi hin to ɦini mayra asi njaraɗ a givin ma togolla kiyo, to li ma ŋgal mbul ma hisna ki lay. Sa ka wi tle asina u irim oloɗi.

EZAYI 51:17

Col koloo, coli kolo u seŋu, Yerusalem. Aŋŋi sa ma Yawe lasaŋ u yaamba coco ɦayna, lassa vi Yawe guruɗuŋ yaŋ ki cocoo. Aŋ las cocoo, wi dla ndaɗta u iriŋ lay.

Magaara Vi Sa Jok Vun Lona OZE 2:16

Na ɗaŋŋi anni sa hin tukuɗna. An hin tuɗuɗ ha ki hu fulla an hin ɓakaɗ huruɗ kurufuwa.

SOFONI 3:15

Yawe yowok ɓak ma gin kak nekŋa ki wa, nam tin ii babali makŋa ha ki hu li ma daŋŋa wa. Mul ma Israelna, Yawe, u tamba ka varaku. Ndak ka li ndaa ko dla coraɗi.