EZAYI 4:5 - Boy Lonana

⁵ Kolo kay ɦinira Siyonda halaŋŋi Bu Suuna li ɗugulla kolo u ndoosna kay suuna, njeŋge ni nam lasi kiɗikka kasi may kay bibiŋilla vi Lonara li kolo a gol yam zina halaŋ.

EZAYI 4:5 ပူးပေါင်းရင်းမြစ်များ

NEHEMI 9:12

Aŋ tuɗ fokosi faali duk ɗugulla, aŋ tuɗ fokosi njeŋge duk kura a ɓoosi huu voɗta asi tuɗ huruɗta kira.

SOOLLA 78:14

Faali ni nam takasi voɗta, kuluɓusi ɗugulla kasiya, njeŋge ni nam lasi kiɗikka kasi u kura.

EZAYI 60:1

Col koloo, weleɗa, kay kiɗik maŋga kal ay ki wa. Bibiŋilla vi Yawera ka kolo kaŋu.

EZAYI 46:13

Dlaanda an a laɗ kira hin ka day oloɗi, hinni na tok daŋ. Buɗta kira ka day oloɗi, an mba buɗ mbassa Siyonda ki ni u tanda. Na daŋ may suu Israelna an hin ɦasi bibiŋil manda.

EZAYI 33:20

Gologi Siyon ɦoŋzi maygi ma li luuna huna, irigi hin wi ɦoŋzi ma Yerusalemma mbutluɓ ma um ka jok kiɗina nam hin kak heɓpa ni ko ndal pikki ma sa ka paɗam ki oloɗina na. Zewem ka a nja kiɗi lay a fafaɗta.

SOOLLA 85:9

An hummi va ma Yawe, Lona, damma, nam di ana, «Heɓpa» maŋ suu mamsina, maŋ suu ɗegeena. Mariyaɗ asi hoŋ hu dlaasira dawira oloɗi.

MATIYE 28:20

Haɗasi a asi vi vun gaɗta an gaɗagirara halaŋ may. Wi kagi ana, an ka u agi gak gak ndaŋgara tuɗ daɓ ki u ndaɗta.»

SOOLLA 89:7

Sa ma ka kolo ko Yawe nana ni gege? Duk loogi suu ɦawana ma tli tam u Yawena ni gege?

KALKIRA 14:24

Col ay njeŋge day u kura ka vi kasi hu ɗugullara, Yawe ka gol suu Egiptena may. Nam gasi dlara da damba dukusiya.

EZAYI 37:35

An hin njun kay ɦoŋzi namma suɗum kiyo, ni u min manda ni kay saan ma sunda David.»

EZAYI 32:18

Suu mansina hin lak hu liisina ni u heɓpa. Ni hu zi ma asi lak ki fani dla kaɗina, li ma koɗ tara.

SOOLLA 111:1

Halleluya. An geleɗ Yawe u hurun halaŋ, hu tokka vi suu ɗegeena, hu li ma tokka ŋgolla lay, an geleɗemu.

KALKIRA 26:7

Ŋgoo dagan aŋ cil barawna u tlimiɗ ɦugunina, a baram ay kolo kay mbutluɓma. Aŋ cilim na zeɗ zeɗ doogo yam dew.

KALKIRA 26:1

Aŋ min mbutluɓma u baraw ma doɓorokŋa irim zeɗ zeɗ doogo. Suu yalna cil baraw namma u baraw dlemba ni tam ndali zeɗ zeɗ ma tam tlawna u ma wili wilina u ma tlaw keŋ keŋŋa may. Aŋ mba min Serubim hu may.

MATIYE 18:20

Lini suu mba' kala, hindi kala, tok tasi u sen wani, an ka dukusi may.»

KALKIRA 24:16

Bibiŋilla vi Yawera ka kolo kay Ҥinira Sinayra, ɗugulla kuluɓ ki kay ɦinira ta ta buuna karkiya. Hu buu ma kiɗisiyana, nam yi Moiz ay duk ɗugulla.

SOOLLA 105:39

Nam baarasi ɗugulla kasi ko ndal gojolina na, njeŋge ni nam tinisi kura kolo kasiya.

EZAYI 60:2

Ndufunda kuluɓ duliyara ki halaŋ, njeŋgera ka ki kay njaf suuna halaŋ. Na may kaŋ aŋ taŋga ni Yawe ka ɓo kiɗik mamba, bibiŋil mamba ka tak ki kaŋu.