EZAYI 4:3 - Boy Lonana

³ Hu li namma sa ma hin hu Siyonna u ma hin hu Yerusalemma hin yasi ni ana suu teteɗna. Ni kay suu sesi ɓiiri a lak iiri hu Yerusalemma halaŋ.

EZAYI 4:3 ပူးပေါင်းရင်းမြစ်များ

Boy Ma Ayra Ma LUK Ɓiirimma 10:20

Lagi ayra kay fulina hum ugiraɗi. Furiyugi ni kay segi ma ɓiiri kolo huulona na ɗow.»

WIRA ŊGAYRA 21:27

Va ma njenje ka hin kal hu ɦoŋzi nammaɗi. Sa ma hin tam a li dlara njenjera ka hin kal huɗi lay, sa ma ka boyna ka kalɗi lay. Cuk hu ni suu sesi ɓiiri hu magaarana doy hol, ni magaara vi Goo Timiinara.

EZAYI 60:21

Suu magisina halaŋ mbuɗ ni suu ɗegeena. Asi hin ti mbassa halaŋŋi asi a fafaɗta. An tinisi ni anu, an tinisi na ni kay a suuna halaŋ ŋgaanu.

EZAYI 52:1

Dliɗ ki koloo Yerusalem, cuk saɓak maŋŋa egeŋu. Cuk baraw maŋ ma dlam ŋgolna egeŋu, Yerusalem ɦoŋzi ma teteɗna, kay hin ha fokka ni suu bay caw ɗiwisina u suu ka wi Lonɗina ka fi va huruŋ oloɗi.

SOOLLA 69:28

Ŋgaasi dlaasira cora ni kasiya, hinisi a sa suɗ ki fokoŋgi.

WIRA ŊGAYRA 20:15

Sa ma sem ay ka ɓiiri hu magaara vi iiriraɗina, gam ki duk mbo lum ma kura.

WIRA ŊGAYRA 17:8

Vabak ma aŋ wamma li ay jew iiriya cemi nam ka oloɗi, nam hin kal ay ki hu zulla ŋgolla hin tuɗ hu liim ma ba kina. Suu may suu kay ndaŋgara suu sesi ka day day ɓiiri hu magara iiriraɗina, hin wi vabak namma na ni saara casi ki na ci, nam ay jew iiriya cem cemi nam ka oloɗi, nam hin kal ay ki olo.

WIRA ŊGAYRA 13:8

Suu kay ndaŋgara halaŋ lay cenemmi namu, ni suu ay u gijaŋŋa vi ndaŋgara day sesi ay ka ɓiiri hu magaara vi iiriraɗina, ni magaara vi Goo Timii ma cam kina.

WIRA ŊGAYRA 3:5

Suu col eŋ su kay ndaŋgarana hin cuk tasi ni baraw haɓma ko ndaɗta na. An ka bulumusi sesi ki hu magaara vi iiriraɗi. An hin di ki kasi fok bun u suu sun mamsina ana asi ni suu mansina.

HEBRENA 12:14

Soogi tagi a lakagi u heɓpa u suuna halaŋ kay a poy jivi teteɗ, bay poyra jivi teteɗ ndaɗta bani, sa ndak a wi Bu Suunaɗi.

KOLOSNA 3:12

Agi ni suu vi Lonna, Lona managiya, nam managiya agi mba li ki a suu mamma ni kay ndaɗta agi cukugi dlara jivira kagiya u hoŋga hoŋ yamba kaŋgara lalamba u ɗigilla.

FILIPINA 4:3

Aŋ ndaran goo ma ɗegeena an joɓoŋu aŋ njun usiya, asi taɓ u an kay duurumi a mbee Boy ma Ayra ki ni asiya, u Klement u ndarayan gor suu sunda, ni asi suu sesi ɓiiri hu magaara iirira.

ROMMA 11:5

Suu Lona manasi ay ki u jivi mamba ka cecemi na nde daŋ.

EZEKIYEL 43:12

Gola ni gaɗta kay Ziŋ Lonara, kolo kay ɦinira, ndaŋgara ŋguyuɗta halaŋ ki ni teteɗ. Gaɗta kay Ziŋ Lonara ni na.»

1 PIYER 2:9

Agi ni njaf ma manam kina, suu li ɓivunna vi mul ŋgolna, deera teteɗta, suu vi Lonna. Managi ay kini a di ki kay sunda jivira vi Lona, taɗagi ay ki hu ndufunda a mbaaragi ki hu kiɗik mamba jivira.

EFESNA 1:4

Kay Lona jew bay li duliyara tu ni nam manaygi ki ana aygi ni suu mamsina hu Kristu kay aygi mba li fokommi suu jivi suu bay cora egesina hu min mamba.

SUNDA 13:48

Suu ka njaf suu Juifnaɗina hum boy namma na ni asi li furira ŋgolo, gijaŋ geleɗ boyna vi Bu Suuna. Suu ki ŋgaɓi kay a fi iirira ka daɓ kiɗira halaŋ mbuɗ suu vina halaŋ.

EZEKIYEL 13:9

An hin tak saɓakan ki eg suu jok vun Lona suu kaboyna u suu wi wira mbaɗ vun tara. Asi ka hin li duk tokka vi suu mansinaɗi, sesi ka ɓii hu magaara vi suu Israelnaɗi lay, ka cuk kay ndaŋgara vi suu Israelnaɗi lay. Agi hin wi ki ana an ni Bu Suuna, Yawe.

EZAYI 1:27

Zi ma Siyonna hin suɗ ki ni u ɗegeera, suu may suu homma hin suɗ ni u ɗegeera may.

ROMMA 11:4

Ni Lona hoŋom dira ana mege? «An ŋgom suu manna ka bup bup kiɗisiya suu goɓ ka gaa fok Baalɗina.»

SOOLLA 87:6

Yawe, ɓii sem suuna halaŋ, taɓasi sesi u suu Yerusalemma dew.

EZAYI 28:5

Hu buu namma Yawe, ma Saɓakŋa Kom Belna, hinni a jumba mulla weleɗ cocora. Nammi a walakka humba ura del ko suu mamsinara.

EZAYI 35:8

Voɗ bulna hin wak ki huwa, asi hin yaɗ ana voɗta teteɗta. Sa ma li dlara njenje ka tuɗ hu voɗ ndaɗtaɗi. Kay Bu Suuna u tamba mal voɗ ndaɗta ni namu. Suu giniŋŋa ka viɗ hu voɗ ndaɗtaɗi lay.

EZAYI 46:3

Agi suu Israelna humungi vunun haa, agi njaf Yakob suu hin ka iiri ndena. Agi ni suu an gologi ay hu vuɗ magira dayna. Agi ni suu an tlagi kon gaw hu li ma agi vuɗ ay kina,

EZAYI 62:12

Asi hin yasi ana, «Suu may suu teteɗna,» «Suu vi Yawe suu nam buɗusi ay kina.» Asi hin yi zi ma Yerusalemma ana, «Zi ma halamma,» «Zi ma sa ka noyom kiɗina.»

ABDIYAS 1:17

Suu usi hinna tuɗ ŋgay tasi ha kay ɦinira Siyonda, ndaɗ hin mbuɗ ki teteɗ. Suu vi Yakobma yow tlesuu vi suu ɦurumusi tlegeyesi ki jewna.

MALASI 3:16

Suu li ndaana u Yawena vi vunusi ko wanda na. Nam Yawe hin tin humum kasi hin humusi may. Hin ɓii magaara ŋgolla fokom kay suu li ndaa Yawe ŋgaam sem lay na.

EZAYI 6:13

Lini keŋ ma doogona vi mbas ndaɗta suɗ ko las ndaɗta lay ni, ŋguy masira mba kasi ni u kura may. Ni ko ndal suuna ka ɦoyna kira na, sariyam hin hin kaŋga ni nam hol kay sarina ni ii njaf ma teteɗna.»

ZAKARI 14:2

An hin tok suu eg Yerusalem tok tokŋa a col duuna. Hin tli ɦoŋzina, hin to ziginina ki kaŋga may, ɓeŋ boyogina ki may, ŋgol suuna hin tuɗ ki mbaɓura, na may usira hinda hin ka casi ki ɦoŋzina oloɗi.