EZAYI 39:3 - Boy Lonana

³ Sa ma jok vun Lona Ezayi mbay eg mulna Ezekiyas mba joɓom ana, «Suu asina col ay ni arage? Asi mba daŋŋi ana mege?» Ezekiyas hoŋom dira ana, «Suu asina mbay egenni col ay ni hu mbassa dayra, ay ni hu Babilon day.»

EZAYI 39:3 ပူးပေါင်းရင်းမြစ်များ

GA 8ATAMBARA 28:49

«Yawe hin sunugi njaf suu col ay ki na dayna ay kagiya, ay hu vun ndaŋgara do dora, pii ko ndal bakŋa a piira na, ni njaf suu agi ka humusi vun masinaɗi layna.

JEREMI 5:15

An hin mbaagi suuna ay kagi agi suu Israelna, suu ay dayna. Yawe di na. Suu ka gasiɗina, suu u gu ma basina, suu aŋ ka wasi vun masinaɗi layna, suu aŋ ka wasi dlaasiraɗi layna.

2 DLAŊ MULINARA 16:7

Hu coki ndaɗta sa ma jok vun Lona Hanani mbay eg Aza, mul ma Yudana, dam ana, «Aŋ min ka a hal Yawe Looŋŋaɗi, aŋ ŋgaɓ a ɦal taŋ ki kay saɓak ma vi mul ma Sirina, dlara aŋ laɗ wanda aŋ mbuɗ a suu duu suu Sirina suɗ ki ko saɓak maŋŋa ni aŋgi su?

2 SAMUEL 12:1

Yawe sun Natan eg David. Nam tuɗ egem dam ana, «Suuna ka hu ɦoŋzina na mba', maa dew ɦizi may, ma hiŋŋa ɦaw may.

EZAYI 38:5

«Tuɗ di Ezekiyas ana, Yawe Lo ma vi buŋ Davidna di ana, an humuŋ cen maŋga wa, waŋ simi maŋŋa wa may. An cukuŋ buu fun maŋŋa basara doogo yam vadl.

EZAYI 38:1

Hu buu namma ni Ezekiyas vi tuguɗiira, ndaɗ ki egem eŋ cocoo. Sa ma jok vun Lona Ezayi ma goŋ Amosna mbay egem dam ana, «Gola Yawe di ana aŋ di dlara huruŋga ki maŋ suu maŋsina kay aŋ ka suɗɗi, hin miɗ kiyo.»

2 DLAŊ MULINARA 25:15

Huu Yawe ɓalak ki eg Amasiyas. Nam sunum sa ma jok vun Lona ay egem dam ana, «Aŋ ŋga lo ma vi suu may suu nam ndak ka a suɗuŋsina ki hu duk koŋgina ni nanage?»

JOSUWE 9:9

Asi hoŋom dira ana, «Suu sun maŋsina col ay ni hu mbassa dayra ni kay dlara vi Yawe, Looŋŋa, ami hum sem tii ha ki cocoo, dlara nam laɗ ay hu mbassa Egiptera.

JOSUWE 9:6

Asi tuɗ eg Josuwe hu Gilgal. Asi dam u suu Israelna ana, «Ami yow ay ni hu mbassa dayra. Ami mbay ni a agi vagi galamba u amiya.»

2 DLAŊ MULINARA 19:2

Sa ma jok vun Lona, Yehu, ma goŋ Hananina, mba ŋgafam vogom dam ana, «Aŋ a njun u sa ma cona ni ana mege? Aŋ sana ndak a min sa ma ka min Yaweɗina su? Dlara aŋ laɗ ndaɗta, Yawe hurum ki ɓalaki egeŋu.

EZAYI 39:4

Ezayi hoŋ joɓom ana, «Va ma asi wam ay kalafi varaŋŋa ni mege?» Ezekiyas hoŋom dira ana, «Tlesuu vo varanna halaŋ asi wasi kiyo, va ma hin varan dew ma bay an takasina ki kaɗi.»

JEREMI 4:16

Neegi suuna, neegi Yerusalem. Suu duuna col ay hu mbassa dayra ka mbaya. Asi ka yi ay kolo a duu u ɦoŋzi ma Yudana.

JEREMI 8:19

Asi hum yira ndaana suu mansina yaɗ ay hu ndaŋgara dayra. Yawe ay ka hu Siyonɗi su? Mul mamma ay ka huɗi su? «Ni kay me asi lan dla cora egen u fuli masisina nige, u dla mayra bay uɗta col ay hu lii daŋŋarage?»