EZAYI 32:2 - Boy Lonana

² Gegelay dukusi ni ko ndal ŋgusu ma kay suunana na, ni ko gi ma doo babaana na. Asi ni ko ndal mbo ma ɓaɗ kay ndaŋgara haw yona na. Ni ko ŋgus ɦini mayra kuluɓ ay kay ɦoŋzi ma faɗta ti hu cocona na.

EZAYI 32:2 ပူးပေါင်းရင်းမြစ်များ

EZAYI 25:4

Kay aŋŋi mbari ma vi suu maŋinana mbari ma vi suu hawra suu ka hu yoorana. Aŋŋi li ma ŋgay ko babaana, ni ŋgus ma koɗ tara, kay ana boy ma vi suu las suuna ni ko babaa ma bow gulumuna ki gana na.

EZAYI 44:3

An hin si mbona ki hu li ma yo ka huɗina, gi mbo ma ɓaɗna hu mbas mayra yo ka huɗira. An hin fo Musuk manda kay goryoŋu. Paɗ vunun ki kay njafaŋ halaŋ.

EZAYI 9:6

Mul mamba hin li ha ni na din din heɓpa uɗ ka doɗira. Ni kay dlamba mulla vi David u mul mamba. Nam hin tin mulla coloɗ eŋŋe, ni kay gasira u ɗegeera col ha cemmi tuɗ ha na gak gak, saɓak ma vi Yawe, ma Saɓakŋa Kom Belna, hin li dla ndaɗta.

ZAKARI 13:7

Ŋgewra col ki kolo kay saan ma taa yoona, kay sa tuɗ u an ma jivi cocona, Yawe, ma Saɓakŋa Kom Belna, di na. Waɗ sa taa yoona, timigiina hin njay kiyo, kon hin hoŋ waɗ suu gorina lay.

EZAYI 43:20

Tlebagi suu ŋgoo bagina lay hin geleɗenu. Bayakka u ergetta kay an li mbona ki ŋgoo hu li ma yo ka huɗina, wak lumma ki ŋgoo hu fulla, kay a ɦal yona maŋ suu mansina, suu an manasina.

EZAYI 41:18

An hin wak lumma ki hu li ma mbo ka huɗina, goloŋga hu li ma haw mbona. An mbuɗ li ma ŋgoo bagi hu fullana ki li ma mbona, li ma yol yolla ki goloŋga lawra.

EZAYI 7:14

Gola Bu Suuna u tamba hin takagi dlara dew, go tamara bay buu u sa njuf tura hin vi wiina, hin vuɗ goona. Ndaɗ hin tinim sem ana, Emmanuel, Lona ka u aya.

SOOLLA 143:9

Yawe, buɗun ki ko suu babali mansina, an min liin ma ŋgayra ha ni tok egeŋu.

WIRA ŊGAYRA 22:1

Sa sunda huulona takan mbo lumma vi iirira nam weleɗ ko kristal na, nam ɓaɗ ay ki u dlamba mulla vi Lonna u Goo Timiina.

1 TIMOTE 3:16

Sa ndak ka a di va ma daŋgi, ŋgayra vi ɗegee ndaɗta wanni ŋgol ɦay. Nam mba tak tam ki ko sa warna na, Musukka takam tam ki ana nammi sa ma ɗegeena. Suu sunda huulona wamu, suuna halaŋ dlaamba di ay ki dukusiya, suuna vi um coco lay. Nam kal ki kolo huulona.

Boy Ma Ayra Ma JAŊ Ɓiirimma 7:37

Buu ma daɓ dagan a luuna ni ma ŋgolna. Buu namma Yesu col kolo fok suuna sawalla ana, «Sa laara camma mbay egen, ciya.

EZAYI 28:17

An tli ɗegera ni a zew ma ɗegee goŋga, gasira ni a gu ma gol ɗegee goŋga may. Dlaŋmagina hin ɓeŋ li ma ŋgay ma vi suu kaboyna kiyo, mbo ɓatna hin tuɗ u ziigina.

SOOLLA 63:1

Soolla vi David hu li ma nam pii ki ŋgoo bagi hu fulla Yudara.

SOOLLA 32:7

Aŋŋi ŋgus ma kanna, aŋ ka ŋgayan ki ko yoora. Aŋ ŋguyun yan u soolla furira ta buɗun kira.

SOOLLA 91:1

Sa ma kak hu li ma Kolo Dayna ka huna, nam ma buu u ŋgus Lona ma Saɓakŋa Kom Belna.

EZAYI 12:2

Gola, Lona ni sa ma suɗunna, an tin hurunni kamu, va ma lan kaɗi, kay saɓak manna u soolla an gaɗta ni Yawe dew. Nammi sa ma suɗunna.

EZAYI 16:3

Asi di suu Yudana ana, «Njunumiya, baa koŋ kami ko ŋgus ŋgolna li ŋgusum kay suuna hu li ma faɗta ka ti cocona na, njeŋge lay aŋ ŋgayamiya, ŋgay suu suuna dikisi ay kina, hinimi a asi famiɗi.

EZAYI 43:19

Gola an min a li ni dlara wilira ndaɗ gijaŋŋa da, agi ka waɗɗi su? Na daŋ may an min wak voɗta ki ŋgoo bagiya, an hin ɦagi mbona ha hu lay.

JEREMI 33:14

Buuna ka mbaa, Yawe di ana nam hin li dlara nam vi vunum kaɗ a suu Israelna u suu Yudana may.

YOORA 4:20

Semeɗ ma sel ay ki cinimina, sa suɗta vi Yawe, hinimi ki mbaɓura hu li ma asi maaram kina, ma aygi di kam ana, Aygi hin kak iirira duk njaf suuna ni u saɓak mammana.