EZAYI 3:8 - Boy Lonana

⁸ Na daŋ may Yerusalem daɓ sem wa, Yuda bow ki ga wa. Dlara asi daɗta u sunda asi laɗ fok bibiŋilla vi Yawe ni ciwayra.

EZAYI 3:8 ပူးပေါင်းရင်းမြစ်များ

1 KORINTNA 10:22

Ɗowba aygi ndak a li yowmusna eg Bu Suuna na su? Agi saa ana aygi saɓak suum su?

Magaara Vi Sa Jok Vun Lona OZE 7:16

Li ni asi hoŋ aya ni, ka hoŋ ay ni egenɗi, asi ni ko ndal gu mbuurura eŋeɗ kaɗira na. Muli masisina hin casi ki u ŋgewra, ni kay dla cora vunusi daɗta, asi hin san usi hu mbassa Egiptera.

Magaara JUD Ɓiiriɗta 1:15

Kay a kaɓakŋa kay suuna halaŋ, ɓakŋa hin mba vi suu may suu li dla cora kay dlaasira asi laɗta halaŋ, duu tasi u Lonara, ŋgulla asi ŋgulumba u boy co ma asi damma kamma halaŋ.»

HABAKUK 1:13

Iriŋ ki saɓaki pasiyak a wi cora, aŋ ka min col gol dla cora u iriŋgi, ni kay me aŋ min gol suu li dla cora may, seŋ taŋ, ka di vaɗi hu li ma sa cona ka ci sa jivi suumma kina nige?

MISE 3:12

Kay ndaɗta ni kagi agiya, ɦoŋzi ma Siyonna suuna hin zumum ki senena, Yerusalem hin mbuɗ ki ni didiŋga, ɦinira, Ziŋ Lonara mini kaɗta, hin mbuɗ ki ni bubura.

EZEKIYEL 9:9

Nam dan ana, «Suluk ma vi suu Israelna u suu Yudana kal ki saɓakiya, mbassa ki oy u busuna cocoo, ɦoŋzi ma ŋgolona halaŋ ki hoɓi u dla cora. Kay asi ka di ana, Yawe noy mbas ndaɗta ki wa, nam ka ndak a waɗ oloɗi.

EZEKIYEL 8:12

Nam dan ana, «Goŋ sanna, aŋ wi wa su? Gola ni dlara suu ŋgolo suu Israelna ka laɗ ki ŋgay gumunda, gegelay ka hu zira fuli mamma ka hura. Asi di ana, Yawe ka ndak a wamiɗi, Yawe noyomi mbas mamira ki wa.»

JEREMI 26:18

«Mise ma Moresetna, ma li sunda jok vun Lona, hu li ma Ezekiyas a mulna hu Yudana di suu Yudana halaŋ ana, Bu Suuna, ma Saɓakŋa Kom Belna, ɓak anaba, Siyon, suuna hin laɗ ki baraɗna ko senena na, Yerusalem hin mbuɗ ki ni didiŋga zozoɗta, yam zira vi Lonara ma kolona hin mbuɗ ki ni ko bubura na.

JEREMI 26:6

Na ɗaŋŋi an hin li dla cora eg zi namma ko an laɗ eg Silora na, hin mbuɗ ɦoŋzi namma ki ni zi ma suuna hin ɓak kam duk suu an gasi vunna kay ndaŋgara duk njaf suuna halaŋ halaŋŋa.

EZAYI 57:4

Agi a panagi ni gege? Agi ɗus irigi ni eg gege? Agi tanaɗ sinigi ni u gege? Ni ka agi gor suu yagi eŋŋaɗi su? Ni ka agi njaf suu kaboynaɗi su?

EZAYI 9:17

Kay dla cora vi suunara ni ko kura ŋgalla na, ndaɗ ŋgal gu ma siina u meera ki halaŋ, ŋgal tlesuu ŋgoo hu fullana ki bel, ndoosna ɗus kolo ni nam doy hol.

EZAYI 1:7

Mbas magira mbuɗ ki ni ko ŋgoo bagira na, ɦoŋziigina ŋgal ki wa, suu daŋŋa tlagi mbas magira kiyo, mbassa ɓeŋ ki ko suu duuna a tli mbassa na, agi ka golosi may.

2 DLAŊ MULINARA 33:11

Yawe cukum suu duu suu vi mul ma Asirina ay kamu. Asi mba ndugusiya, vi Manase, cukum njamara funumu, njunum u galina, tuɗum ki vo hu Babilon.

2 DLAŊ MULINARA 28:18

Ay keŋesi olo ni suu Filistinna mba ndug ɦoŋzi ma hu mbassaa gara gaw may. Ni hu mbassa Yudara. Asi tli zi ma Bet Semesna kiyo, Ayalon u Gederot u Soko Timna Gimzo u ɦoŋzi ma ŋguy egem tok tokŋa. Asi cuk ki hu ɦoŋzi namma ni na gaw.

EZAYI 6:11

An hin joɓ ana, «Dla ndaɗta hin daɓmi saɓage, Bu Suuna?» Nam dan ana, «Ni ta ta hu li ma ɦoŋzina ɓeŋ kiyo, suuna njay kina, zina sa ka hin kaki hurum oloɗi. Mbassa mbuɗ ki ni ko ŋgoo bagira na, ɓeŋ ki cocoo.

EZAYI 49:19

Na daŋ may mbas maŋga ki ɓalakiya, suuna ka hu ŋgolɗi lay. Tuɗ fok nde ni, mbas ndaɗta hin mbuɗ goora, suuna ka fi li ma cuk zinaɗi lay. Suu gaŋaw maŋsina halaŋ hin njay kiyo.

EZAYI 59:3

Huu duk kogi ki coori u busuna, gogor kogi oy u dla cora, vunugi ɓakŋi dlara ganyamba, sinigi hosokŋi dlara gi sulukŋa sak sak.

JEREMI 4:13

Ko ndal ɗugulla na asi col kolo duuna, pupus mamma soo ko ndal semeɗna na, kulumi mamsina jaŋ ko ndal ɓarawna piira na. Aygi ki hahawi. Asi caygi ki wa.

JEREMI 44:3

Ni kay suu vun ma asi lama, asi ɓeŋen hurun ki u tuɗta asi tuɗ ŋgal ɓivunna may, goɓ kaŋga fok loogi suu li va ka kasiɗi layna, ka kagiɗi lay, ka kay somoyogiɗi layna.

YOORA 1:9

Zozoɗ maɗta ki eg baraw maɗna lay. Ndaɗ ka saa kay dlara mbay dagandaɗi. ɓeŋ maɗta ki ŋgol cocoo. Sa heɓeɗ huruɗ kaɗi. Gola Yawe ni zolo manna, babali manna wul ni wuliya.

MISE 6:12

Ҥoŋzi ma suu begera hurumma li ni dlara saɓakŋa, suu hu zi nammana ɓakŋi boy ma ganyamba, ay funusi u sinisi ni boy ma viɗ suuna kina.

VUN ŊGOLNA 26:27

Sa ma vek zulla hoŋ ndi hu zul ndaɗta tok, sa ma lagaɗ ɦinira, ɦini ndaɗta hoŋ ndi ay ni kam tok.

JEREMI 23:36

Na ɗaŋŋi kay nekka vi Yawera ni agi yagi sem dla ndaɗta oloɗi. Nekka hin li ni kay gegelay u boy mamma, kay ana agi ɓeŋ boyna vi Yawe, ma Saɓakŋa Kom Belna, Looygina, kiyo.

Magaara Vi Sa Jok Vun Lona OZE 5:5

Ŋga tara vi Israella ɓak ki kaɗu. Israel u Efrayim ka daɓ sesi eg coosira, Yuda may ni ka daɓ seɗ u asi may.