An hin ɦuɗ tan ha egegi a kaɓakŋa. An hin kaɓakŋa kay suu vi kumuna, kay suu li zoŋga, kay suu suu tasina, kay suu hoŋ til suu li sunda ki kaŋgana, kay sa kuyuna u cara donora, kay suu las suu ka hu njaf masinaɗina, suu ka lan ndaaranɗi layna, Yawe, ma Saɓakŋa Kom Belna, di na.
Suu li sunda hu sene magina agi min ka warakasi sunusi kiɗi. Agi humugi sek masira haa, suu feɗegi waagina vona tii masina kal hum Lona, Bu Suuna ma Saɓakŋa Kom Belna wa.
Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»
Humugi boyna haa, dogoni mbutli suu Basanna, agi suu ti haɗna ay kay ɦinira Samarira doorogi suu maŋina kiyo, lasagi suu hawra lay, dagi malayagina ana, ɦal ay tlesuu cira.
Huruŋ olo ni suu daŋŋa vi warakŋa a tuɗ ci maɗna. Suu daŋŋa ka joɓ balna ko ndaryasina u mbona. Asi yow tlena ko ndarayasi suu vok zina u saɓkŋa. Asi ka ɦeɓesi kay a fi mbo ma bay umma. Humuŋ maa ki kan gaw may. Di ni Bu Suuna Yawe.
Honira vi suu Efrayimma ka oloɗi. Suu babali suu vi Yudana hin daɓ kiyo. Efrayim ka li honi duk tasi u Yuda oloɗi, Yuda ka li honi u Efrayim oloɗi may.
Hahawra ka kay njaf suu co asina, suu may suu dlara vasina. Njaf suu li dla cora, gor suu mbuɗ dlara jivira ki dla corana. Asi noy Yawe kiyo, asi noy ma Teteɗ ma vi suu Israelna kiyo, asi hoŋ ki dagani, mbuɗ ŋgorosi mamu.
Nam tuɗ ha kolo hu Betel, hu li ma nam taɓa ha kolo hu voɗta na ni, gorkemba sel ay ki hu ɦoŋzina panam di ana, «Tuɗa, sa ma yam korina, tuɗ ɗow sa ma yam korina.»
An hin ɓeŋ huu suu Egiptena ki eg tasiya. Asi gegelay ni hin duu tam u wayamma, gegelay ni u ndaram ma vok zina. Ҥoŋzi ma ŋgolona hin duu duk tamu, mulina duu duk tasi may.
Ma ɗegeena tuɗ ki hin mbassa wa, sa ma jivi hin ka duk suuna oloɗi. Asi halaŋ saarasi tinira ni kay vora vo busuna kira. Gegelay min a vi wayamma kaŋga hu bayra.
Yawe di ana an hin ka wi hahaw suu kay ndaŋgarana oloɗi. Gasi, an hin hin suuna kiyo, gegelay ko ndaram ma zina, ko mul mamma may. Mulina hin ɓeŋ ndaŋgara kiyo, an hin ka buɗ suuna ay ki kosiɗi.»