EZAYI 3:1 - Boy Lonana

¹ Na daŋ may, Bu Suuna Yawe, ma Saɓakŋa Kom Belna, yow njun mamba njun u Yuda u Yerusalemba kiyo. Ni njunda zeɗ zeɗ halaŋ, funa u yona lay nam ka ɦasisina oloɗi.

EZAYI 3:1 ပူးပေါင်းရင်းမြစ်များ

DLAŊ LEVIRA 26:26

An hin kaɗakagi tina ki kagiya, boyogina doogo yi funa kay givin ma dewna, asi ɦagi fu ma ew namma, agi tammi, ka hoɓogiɗi lay.

EZEKIYEL 14:13

«Goŋ sanna, lini mbas taa dew li dla cora egenu ni, an hin kaɓakŋa kay mbas ndaɗta. Mbas ndaɗta ka jiv va oloɗi. Suu huna ka fi funaɗi, mayra hin ndi kasiya. An hin ci suu warna ki u yoorina lay.

EZAYI 1:24

Kay ndaɗta Bu Suuna Yawe, ma Saɓakŋa Kom Belna, mul ma vi suu duuna, saɓakŋa vi suu Israelna di ana, Hahawra, an hin sa sukulna kay suu gonok mansina, sa sugulun u suu babali mansina.

JEREMI 38:9

Nam dam ana, «Malanna mulna, dlara suu asina laɗ eg Jeremi, sa jok vun Lonara, ni coo. Asi gam kaŋga hu zulla. Nam hin miɗ ki ko mayra hu zulla, kay ana mappana ka hu ɦoŋzina oloɗi.»

JEREMI 37:21

Na daŋŋi mulna Sedesiyas ɦal voɗta ana asi hin Jeremi ki hu taraŋga hin ɦam komnjoɗira dew dew hu buuna tew tew ay hu li ma li mappana ay huna ta ta hu li ma sa ka fi mappa hu ɦoŋzina oloɗina. Na daŋŋi Jeremi hin ki kiɗik hu taraŋga ni na gaw.

EZAYI 51:22

Gola Yawe, malagina di ana, an tlaŋ kop ma lassa ndaɗta ki wa, kop ma yaanda ay oy huna. Las ndaɗta ka a laŋ oloɗi a fafaɗta.

EZAYI 36:12

Sa ma ŋgol kaŋŋa hoŋosi dira ana, «Sa ŋgol manna sunun ay ni eg sa ŋgol maŋŋa u taŋga a dagi boy namma ni magi su? Sunun ay a di boy namma ni ka maŋ suu laki kolo kay gulumuna canaɗi su? Suu asina lay hin ti soɗosiya, ci sumurusi lay ni ko agi tagira na may.»

EZAYI 5:13

Kay ndaɗta suu mansina hin njay kiyo, ni kay asi ka wanɗira. Suu masi suu ŋgolona hin laɓ ki ko mayra, suu hu ziinna ŋgolo hin laɓ ki ko laara.

EZAYI 2:22

Tin saa maŋga kay sanaɗi, musukka ni hu cinim tani ɦawaa, sana ni mege?

SOOLLA 105:16

Nam gi may ŋgolla kay suuna, nam yowosi tlesuu tira ki kasiya.

EZAYI 3:16

Yawe di ana, boyogi suu Yerusalemma ŋga tasi coco, asi tuɗ ni delesi ki tini kolo na ta, irisira golla mbaɗ suuna coco lay, asi tuɗ ni ɓalaŋga soo sesi na ɦur.

EZAYI 9:20

Njaf suu vi Manasena kom suu vi Efrayimma, njaf suu vi Efrayimma kom suu vi Manasena may. Asi hin taɓ u tasi a nda ndug suu vi Yudana. Na lay ni Bu Suuna hurum heɓ ka eg suu Israelna tuɗi. Kom ka ki maɗii a lasasira tuwa.

JEREMI 52:3

Dlara li hu Yerusalem u Yudara mbuɗ huu Yawe ki yara a nam dikisi ha ki egem day. Sedesiyas mbuɗ yara eg mul ma Babilonna.

JEREMI 52:6

Hu til ma fiɗina hu buu ma tleeŋena, hu li ma mayra ka ci hu ɦoŋzina mayna, suu begera kosina ka fi tina oloɗi lay.

YOORA 5:4

Yo mami ma ami camma gusummi u gursura. Njun guumina a kal vora ni ami warakŋi warakiya.

AMOS 4:6

Ni an daŋ may, ɦagi va ka agi gi kay siigi hu ɦoŋziiginaɗi halaŋ halaŋŋi anu, mayra cagi agi ka fi fu ma tiraɗi hu ziigi halaŋ halaŋ, na may agi hoŋogi ay ka egenɗi, Yawe di na.

MISE 4:9

Cecem wan daŋga ndak yi kolo u delek eŋga ni kay me tuge? Mul ha ka vo varakgi su? Sa ma gaɗakŋa viɗ ki wa su, ti tara fak cecem wanda ko ndal cara a vuɗta na ɗaŋgi su?

2 MULINA 25:3

May ŋgolla ndi hu ɦoŋzina cocoo. Va ma ti ka oloɗi tew hu til ma fiɗina buuna dleeŋe.