EZAYI 26:2 - Boy Lonana

² Mal vun gulumuna kiyo, suu ɗegeena sel voo, ni suu may suu gol tasi ay jivina.

EZAYI 26:2 ပူးပေါင်းရင်းမြစ်များ

WIRA ŊGAYRA 5:9

Asi gi soolla wilira ana, «Aŋ ndaki a tli magaara koŋu, a haw tampoŋŋa ki lay, aŋ ay ki jew ni miɗiya, u miɗ maŋŋa aŋ gus suuna ay maŋ Lona, suuna ay ki hu njafasi zeɗ zeɗ halaŋ, u vunusi zeɗ zeɗ halaŋ, u suuna halaŋ halaŋ kay ndaŋgara.

SOOLLA 118:20

Ni vun zina vi Yawe, ko suu ɗegeena cuk huwa.

1 PIYER 2:9

Agi ni njaf ma manam kina, suu li ɓivunna vi mul ŋgolna, deera teteɗta, suu vi Lonna. Managi ay kini a di ki kay sunda jivira vi Lona, taɗagi ay ki hu ndufunda a mbaaragi ki hu kiɗik mamba jivira.

EZAYI 60:11

Vun grek magina hin li ki mali tew tew, faali lay, njeŋge lay, nam ka dug oloɗi. Kay a cuk njaf suu col ay day suu mbayna vora. Muli masisina mbaa begera ay u tasi ni na zomolok.

EZAYI 62:10

Agi suu Yerusalemma, cukugi ki bunsuwa, minigi voɗta ki maŋ suu hoŋ ay vona, tos zulla kiyo, yowogi gogoyra hu voɗtara kiyo. Pagi va ma tak voɗta ha ki maŋ suuna halaŋŋa ki koloo.

EZAYI 62:2

Njaf suuna halaŋ hin waŋ ɗegee maŋga, mulina halaŋ hin waŋ bibiŋil maŋga. Asi hin yaŋŋi u sem ma wilina, sem namma Yawe hin tiniŋŋa kaŋŋi namu.

SUNDA 2:47

Asi geleɗ Lona, suuna halaŋ ŋgaasiya, hu buuna halaŋŋi Bu Suuna cuk suu ki suɗi wilina dukusiya.

EZAYI 60:21

Suu magisina halaŋ mbuɗ ni suu ɗegeena. Asi hin ti mbassa halaŋŋi asi a fafaɗta. An tinisi ni anu, an tinisi na ni kay a suuna halaŋ ŋgaanu.

EZAYI 54:14

Aŋ hin kak eŋŋe va ma ŋgeneŋ kaɗi. Aŋ ka li ndaa ko suu babali maŋsina oloɗi, aŋ buɗ ki wa ko dlara laŋ ndaana, ndaɗ ka laŋ va oloɗi.

SOOLLA 106:5

Hinin an wi jivira vi suu aŋ manasina u irin may, taɓ furi manda u suu maŋsina may, ɓorow jivira u asi hu mbas maŋga may.

KALKIRA 19:6

Agi hinni a muli man suu ɓivunna, agi ki ni a njaf ma teteɗna. Ni boyma aŋ tuɗ dam maŋ suu Israelnana.»

WIRA ŊGAYRA 21:24

Suuna hu ndaŋgara hin tuɗ ni u kiɗik mamba, muli suu hu ndaŋgarana hin mbaa bege masina huwa.

ZAKARI 8:20

Yawe, ma Saɓakŋa Kom Belna, ɓak ana, gasi, agi hin wi suuna mbay cocoo, suu ay hu ɦoŋzi ma ŋgolona.

EZAYI 58:8

Na ni kiɗik maŋga hin tak ki ko faɗta day maɗiira na. Mbil ma egeŋŋa hin cil ki ni na zak gaw. Suɗta hin tuɗ fokoŋu, bibiŋil Yawera ha ŋgorogi daganna.

Magaara JUD Ɓiiriɗta 1:3

Banayanna an hurun haɗ ana bay ɓiirigi magaara ha kay boy ma Lona suɗuygi ki halaŋŋa baɗi, Lona ɦeɓen a ɓiirigi magaa ndaɗta kay a njunugi a duu kay vira Lona ɦaɗ maŋ suu mamsina yam dew ni a fafatɗara.

2 PIYER 3:13

Lona di ana nam hin min huulona ma wilina u ndaŋgara wilira, hin li hu li namma ni ɗegeera sak sak ni va ma aygi ka juɓumma.

SOOLLA 24:7

Vun ma dugi kolo jew dayna, mal kiyo, hin mul ma bibiŋilna kal kalafiya.

SOOLLA 118:19

Malan ki vun goŋga vi ɗegeera kiyo, an hin kal hu a geleɗ Yawe.

EZAYI 45:25

U oora vi Yawe njaf suu Israelna halaŋ hin fi ɗegeera umu, asi hin ŋga tasiya.

EZAYI 54:17

Kawi ma asi dlam a laŋ hawra u namma halaŋ ka ndak a laŋ vaɗi. Suu may suu ka di dlara kaaŋ ɓakŋa kaŋga halaŋ aŋ hin su kasiya. Gola ni dlara an, Yawe, a laɗ kay suu man suu sununara. Dla ndaɗta daɗ kasi ni an Yawe daŋ may.

EZAYI 60:18

Hin ha fokka ni della ya ta las suuna ka njaɗ hu mbas magira oloɗi. Ka li ii hagara u suu ŋguy kay mbas magiranaɗi lay. Aŋ hin tin sem gulumun maŋŋa ni ana, «Suɗta.» Vun grekŋa aŋ hin yammi ana, «Geleɗta.»

EZAYI 61:3

A ɦal jumba furira maŋ suu hu Siyon suu ka yoona, kay balam buɗ masina. Ҥasi mbul ma his jivina, ka yoora oloɗi. Cukusi baraw ma ŋga tara, ka baraw bolna oloɗi. Asi hin yasi ana, ɦoy ma suuna ŋga Lona u namma, sene ma vi Yawena, ma suuna ŋgaam u namma.

EZAYI 62:1

Kay boy dla Siyonni an ka kak enɗi, kay ɦoŋzi ma Yerusalemma ni an ka koɗ tanɗi, ta ta ɗegeera vi zi namma kal ki ko kiɗikka lira na. Suɗta vi zi nammara wi ha ki kolo ko kura yira na.