EZAYI 2:8 - Boy Lonana

⁸ Mbas masira oy ki u dlara fulina. Asi goɓ ga fok tlesuu asi minisi u kosina, goɓmi fok tlesuu kosi minisina.

EZAYI 2:8 ပူးပေါင်းရင်းမြစ်များ

WIRA ŊGAYRA 9:20

Suu hin bay ci ko lassa ndaɗta halaŋ, ka hom kay dla cora asi laɗtaɗi, asi ka hin cenda cen fulina u gugunina mini u lorna, u doonora, u kawina, u ɦinira, u guna, tlesuu irisi ka wiɗi, ka humbi, ka tuɗɗi layna.

JEREMI 2:28

Loogi suu minisi u konana ni arage? Asi col kolo li ni asi ndak a suɗuk hu li ma ndak ki hahawrana, kay ana loogi maksina mbuɗ ki bolow coco ko ɦoŋziikŋa na ndak Yuda.

EZAYI 37:19

Asi ŋgalasi loosina ki duk kura lay, na may loogi asina ni ka Lo ma gasinaɗi. Asina ni tlesuu sana lasi u komma ɦawaa, ni guna ugi ɦinira. Kay ndaɗta muli suu Asirina ɓalakasi kiyo.

SUNDA 17:16

Hu li ma Pol ka juɓ Silas u Timote hu Aten wanni, nam wi ana ɦoŋzi namma oyra u fulina cocoo ni ɦam saara ɦay.

Magaara Vi Sa Jok Vun Lona OZE 14:3

Vagi boyna kogi hin hoŋogi ay eg Yawe dam ana, «Aŋŋi sa bulum cora ki halaŋŋa, min dlara jivira, balam bolo mbutlina ami hin ɦaŋ a ɓivunna ni boy ma funumina.

Magaara Vi Sa Jok Vun Lona OZE 13:2

Cecem wanda asi ka tuɗ fok u cora lira. Asi min tlesuu yoo kina u doono masira u yal masina asi li fulina. Halaŋ ca ni tlesuu suuna ceɗesina. Suuna ɓak kasi ana, «Suu wara suu li ɓivunna, furi tasi u gor mbutli suu asi minisina.»

Magaara Vi Sa Jok Vun Lona OZE 12:11

An hin ɓak u suu jok vun Lona, an hin tak tlena ki ii suuna cocoo. An hin ɓakagi ndal boy manna ki fun suu jok vun Lona.

JEREMI 11:13

«Loogi maŋsina mbuɗ ki bolow coco ko ɦoŋziiŋŋa na lay aŋ Yuda, otel ma li ɓivun ma agi minimma mbuɗ ki zolona lay. Otel ma ŋgal ɓivunna maŋ Baal huna bolow coco ko voɗ maŋga na lay Yerusalem.

EZAYI 57:5

Agi ŋgaagi fuli magisina duk gura girmindiŋga u bubura ŋgoo bagiya. Agi ŋgaɗagi goryogi ki fun mbo ŋgolona, u ɦinira lay.

EZAYI 17:8

Asi ka gol ni givin ma togolla oloɗi, kay ni sunda asi laɗ u bik kosira, tlesuu asi golosi teteɗna u va ma asi minim ko faɗta nana.

2 DLAŊ MULINARA 27:2

Nam li dlara jivira ii Yawe ni ko ndal bum Oziyas lira na may. May ni nam kal ka hu Ziŋ Lonara koɗi. Suuna hu coki ndaɗta may ni ki ɓalakiya.

GA 8ATAMBARA 4:28

Hu li namma agi hin sunni loogi suu sana minisi u komma, gugunina, ɦinira, tlesuu irisi ka wiɗi lay, ka humbi lay, ka ti vaɗi lay, tasi ka tuɗusiɗi lay na.

Magaara Vi Sa Jok Vun Lona OZE 8:6

Nam mbay ni hu Israel, sa ceɗ tlena lammi namu, nam ka Lonaɗi. Gasi goo mbutl ma Samarina hin hoŋŋi kamiyamu.

1 MULINA 16:7

Hu li ma Yawe di dlara maŋ Beasa fun sa ma jok vun Lona, Jehu, ma goŋ Hananina, na ni kay dla cora na mba' ta jewra ni Beasa u suu mamsina halaŋ li dlara ka ii Yawe jiviɗira. Asi ɓalakam hurum ki u dla coosira asi laɗta ni ko ndal Jeroboam u suu mamsina lira na olo. Ta mbara ni kay ana Beasa ci dee suu vi Jeroboamma ki na halaŋ halaŋga may.

EZAYI 26:13

Yawe, Loomina, muli suu daŋŋa ti mulla kamiya, na may ami yaŋŋi seŋ aŋ na dew.

EZAYI 40:19

Fulina su? Tle asina yoorosi ni sa warna ɦawaa, suu wi dlara hoo lorra kayammi asi ɦawaa, asi yoo kawi doonora ni asi lay.

EZAYI 41:29

Gola asi halaŋ ki ni ɦawaa, sun masira ki ni ɦawa lay. Tlegeyesi suu asi goɓosina ki ni semeɗna ɦawaa.

JEREMI 1:16

«An ɓakasi gaɗ manda kay boy dla coosira. Asi noyon kiyo. Asi li ɓivun ma ŋgalam kina maŋ loogi suu ɦawana. Asi goɓ kaŋga fok sunda asi laɗ u kosira.

2 MULINA 17:10

Asi ceɗ ɦinira pi gu ma vi Aserna kolo kay mbura u ŋgusugi suu ɗufi cocona may.

2 MULINA 17:16

Asi noy gaɗta vi Yawe, Loosinara, ki halaŋ halaŋ. Asi yoo fuli gor mbutlina mba'. Asi pi gu ma vi Aserna fokosiya. Asi goɓ vogosi kaŋga fok tlesuu kolo huulona, asi sunni Baal may.

MISE 5:12

An hin yow tlesuu aŋ minisina u gogoyra kiyo, aŋ hin ka goɓ kaŋga fok tlesuu aŋ minisi u koŋŋa oloɗi.