EZAYI 2:3 - Boy Lonana

³ Suuna bolowo hin yow kolo di ana, «Mbaygi aya ɗiŋiygi kolo kay ɦinira vi Yawera, hu zi ma vi Lo ma vi Yakobma. Nam hin takaygi voɗ mamba, aygi hin tuɗ hu voɗ ndaɗta.» Na daŋ may gaɗ ndaɗta col ay ni hu Siyon, boy ma vi Yawena col ay ni hu Yerusalem.

EZAYI 2:3 ပူးပေါင်းရင်းမြစ်များ

Boy Ma Ayra Ma LUK Ɓiirimma 24:47

Suuna hin njaɗam sem ha ki hu mbassa halaŋ gijaŋŋa ha Yerusalem kay a di suuna asi jok hurusi ki zeɗ, daɓ coosira kiyo.

SOOLLA 110:2

Aŋ, Yawe, ti mulla kay Siyon u zi ma daŋŋa lay, aŋ kak mulna kay suu babali maŋsina lay.

Boy Ma Ayra Ma JAŊ Ɓiirimma 7:17

Sa min a li minda vi Lona hin wi ana haɗ manda col ay ni vi Lona, ɗowba an ɓakŋi u saɓak manna kay tanu.

GA 8ATAMBARA 6:1

Gola ni gaɗta, yalna u nera Yawe Loogina takanda ana an haɗagira, agi may ni li uɗu, goloɗ jivi hu mbassa agi hin tok a cuk huruɗ cemi wandara.

JEREMI 31:6

Buu ma suu gol yamba hin yi kolo kay ɦinira Efrayimba ana, coloygi kolo, tuɗuygi, Siyon, eg Yawe, Looyginana ki ŋgaya.

ROMMA 10:18

An ka joɓ mi anaba asi ni bay hum boyna tu su? Ni asi humiya, kay ɓiira di ana, «Suuna humusi delesi ha ki kay ndaŋgara halaŋ lay. Boy masina tew hu li ma duliyara daɓ ki huna.»

Boy Ma Ayra Ma LUK Ɓiirimma 11:28

Yesu hoŋoɗ dira ana, «Ayra ka ni kay suu hum boy ma vi Lonna, vi umma na ɗow.»

MATIYE 7:24

«Sa hum boy manna, li umma, tli tammi ko sa ma wi yalna ma min ziimba kolo kay ɦinira na.

Magaara JAK Ɓiiriɗta 1:25

Sa ma saa kay gaɗta ɗegee ta buɗuygi kira vi boy namma hurum gasi, ka humum u furira kay a hin maaram ki ɦawaɗi. Li umu, sa namma Lona hin paɗ vunum ki kay sun mamba.

SUNDA 10:33

An cuk suuna ha ni na zak gaw a halaŋga, cecemi aŋ mba wa may, ami ka tani halaŋ a hum va ma Bu Suuna ɦaŋŋa a damma.»

SUNDA 1:8

Musuk Lonara mba kagi wa ni, agi hin fi saɓakŋa, agi hin li ni a suu man suu vovoɗta diki kanda hu Yerusalem, hu mbassa Yudera, u Samarira halaŋ, gak gak tew ha ki hu li may ma vun ndaŋgara daɓ ay huna.»

Boy Ma Ayra Ma JAŊ Ɓiirimma 4:22

Agi suu Samarina goɓmi va agi ka wambina, ami suu Juifna goɓmi va ami wamma, kayme suɗta col ay ni vi suu Juifna.

GA 8ATAMBARA 33:19

Agi hin ndaryagi suu cuki ii hakara u agina ha kolo kay ɦinira teteɗta kay a li ɓivun ma u voɗomma. Kay agi fi bege magira ay ni duk mbo lumma ŋgolna, duk ŋgetlna ga may.

SOOLLA 48:1

Soolla vi goryoŋ Korena.

SOOLLA 119:171

Ko vunun ŋgaaŋŋi aŋ na dew, kay aŋ haɗan gaɗta aŋ daɗta ki wa.

SOOLLA 122:1

Soolla suu tuɗ luu ma vi Lonna gaɗta, vi David. An furi cocoo hu li ma suuna dan ana, «Mbaygi hu Ziŋ Lonarana.»

EZAYI 28:9

Asi ɓak tasi ana, «Sa ma min a haɗta ni gege? Sa ma hin gin u haɗ ndaɗta ni gege? Ni maŋ kemba fun ponara su? Ni maŋ kemba noy pona wilira ɗaŋ su?»

EZAYI 56:5

an hin kakam hu ziinna, hu gulumun manna, u sem ɓiiri huwa, ni nam hin fi ni dlara jivi su gorrara. Sem hin li ɓiiri kon na din din, ka bulum kiɗi.

EZAYI 56:7

an hin tuɗusi kay ɦini manda teteɗta, an hin oyosi u furira, hu ziinda cenda. Ɓivun masi ma asi lamma an vam u furira kay ziinda asi hin yaɗ ana, zira cenda vi suuna halaŋ.

EZAYI 60:3

Njaf suuna halaŋ hin poy ni u kiɗik maŋga, mulina lay hin tuɗ ni u kiɗikka hin li kaŋga.

EZAYI 65:11

Na may agi suu noy Yawe kina, agi suu maa ki kay ɦini manda teteɗtana, suu li ɓivunna maŋ lo ma ci beelerra, lagi mbul ma hisna ni maŋ ful ma di ki kay dlara fokka.

EZAYI 66:20

Suuna hin mbaaragi gorsegi suu ay ki hu li ma daŋŋana aya, mbaarasi ay ko poora na maŋ Yawe. U kulumina u pus pusna u tlena gani kolo kay kulumina, lay ma buuna lay, koro ma Makkana u jamballa, mbaaasi eg ɦini manda teteɗta. Ko ndal suu Israelna ɦal tlena ay man ŋgoo bagi hu fullara na may.

JEREMI 26:18

«Mise ma Moresetna, ma li sunda jok vun Lona, hu li ma Ezekiyas a mulna hu Yudana di suu Yudana halaŋ ana, Bu Suuna, ma Saɓakŋa Kom Belna, ɓak anaba, Siyon, suuna hin laɗ ki baraɗna ko senena na, Yerusalem hin mbuɗ ki ni didiŋga zozoɗta, yam zira vi Lonara ma kolona hin mbuɗ ki ni ko bubura na.

EZEKIYEL 40:2

Hu wiin ndaɗta ni nam tuɗun ha ki ni hu mbassa vi suu Israelna. Nam colon ki kolo kay ɦinira fiyekka hu li namma keŋ ma dalina na ni zina ka mini hu ko ndal ɦoŋzi ma ŋgolna na.

Magaara Vi Sa Jok Vun Lona OZE 3:5

Ŋgoo dagan wanni goryoŋ Israelna hin hal Yawe, Loosina, daŋgadla, u David mul masina, asi hin hoŋ irisi ay eg Yawe u dlakka eg tlegeyem suu jivina hu buu ma fokŋa.

Magaara Vi Sa Jok Vun Lona OZE 6:3

Loɓoygi taygi a waygi Yawe, col mamba kolora ni gasi ko ndal li ma fora na may. Nam hin mbay egeygi ko ndal yona mbay sirara na ko ndal mbaɗagira vun ndolla laɓ yam ndaŋgara na.»

MISE 4:2

Njaf suuna bolowo hin gijaŋ tuɗta hin di ana, «Mbaagi aya, ɗiŋiygi kolo kay ɦinira vi Yawera, hu zi ma vi Loŋ Yakobma. Nam hin takaygi voɗ mamba, aygi hin tuɗ hu voɗ mamba. Gasi haɗ ndaɗta col ay ni hu Siyon, boy ma vi Yawena ay hu Yerusalem may.»

ESTER 9:27

Suu Juifna tin gaɗta kaɗ hin vaɗ ki kasiya, kay njafasi lay kay suu taɓ u asina lay, asi ka hin bay li u buu ma mba' namma hu basara tew tew ko asi tin gaɗta ki kamba na hu buu ma ŋgaamma.

SOOLLA 102:23

hu li ma suuna u mulla tok ki u tasi a sun Yawena.

EZAYI 1:26

An hin tin suu kaɓakŋa ko fok jewra na, suu ɗoɓ ii dlara ko jewra na lay. Ni suuna mbuɗ yaŋ ana ɦoŋzi ma ɗegeena, zi ma bay cora.

EZAYI 11:10

Hu buu namma ni mul ma wilina col ay hu njaf David ma goŋ Jesena hin col ki fok suuna a va ma suuna wam halaŋŋa. Njaf suuna halaŋ hin halamu, daŋ may mamba hin lini bibiŋilla.

EZAYI 19:23

Hu buu namma ni voɗta col ha hu mbassa Egiptera day tuɗ ta ta Asiri. Suu Asirina hin mba hu Egipte, suu Egiptena hin tuɗ Asiri may. Suu Egiptena u suu Asirina taɓ dew ŋga Bu Suuna.

EZAYI 44:5

Gegelay dukusi ni hin di ana, «Anni vi Yawe,» suu daŋŋa hin tin sesi ana, «Yakob.» Suu hiŋŋa hin ɓii ki hu duk kosi ana, «Anni maŋ Yawe,» yi sesi ana Israel.

JEREMI 12:16

Lini asi haɗ tuɗta jivira wa ko suu mansina na, suu tasi u sen ana, «Bu Suuna ka iiriya,» ko asi haɗan suu mansina a suu tasi u Baalla na may ni, asi hin cuk ziisi duk suu mansina.