EZAYI 2:2 - Boy Lonana

² Buu maa hin mbaa ni ɦinira hu ziŋ Yawera hin mbuɗ fiyek a su ɦinira daŋga halaŋ, ndaɗ hin kak a ŋgolla kay ɦinira daŋga bel bel. Njaf suu daŋŋa halaŋ hin taɓ ay ki uɗu.

EZAYI 2:2 ပူးပေါင်းရင်းမြစ်များ

URA TIN AYRA 49:1

Yakob yi goryom ay egem dasi ana, «Tokogi aya. An min dagi dlara hin li ha egegi fokka kiyo.

JOB 19:25

An u tanda wi ki ana sa ma buɗun kina ka iiriya. Buu maa daɓ daganna nam hin colon ki kolo duk buɗna.

SOOLLA 102:23

hu li ma suuna u mulla tok ki u tasi a sun Yawena.

SOOLLA 2:8

Joɓonu, an hin ɦaŋ njaf suuna a jooŋŋa, vun ndaŋgara daɓ ayra halaŋŋi varaŋu.

SOOLLA 22:27

Suu hoŋ yasi gaana ka ti ki u mayasiya. Suu hal Yawena ka ŋgaamu. Suu agina ni suu kak iri u furira din dinna.

SOOLLA 22:28

Ndaŋgara u taɗta halaŋ humuɗ gaɗu, hoŋ ay eg Yawe, njaf suuna halaŋ hin goɓ ga fokomu.

SOOLLA 48:2

Yawe, nam ŋgol cocoo, nam ndaki a sa ŋgaamu. Hu ɦoŋzi ma vi Looyginana kay ɦini mamba teteɗta.

SOOLLA 68:17

Agi ɦinira daŋga ɓeŋ hurugi eg ɦinira Lona ŋgaɓaɗta ni kay mege? Nam ŋgaɓaɗ ni a kak huwa, nam hin kak hu ni a fafaɗta.

SOOLLA 72:8

Nam kak a ŋgolla kay mbo lumma halaŋ u mbo lum ma gorina lay, kay yam mbassa halaŋ.

SOOLLA 86:9

Njaf suu aŋ lasina halaŋ hin mba goɓ ga fokoŋu, Bu Suuna, hin a seŋ fi bibiŋilla fok suuna.

SOOLLA 87:1

Soolla vi goryoŋ Korena. Lona min ziimma kolo kay ɦinira teteɗta

SOOLLA 87:2

Lona min vun grek ma Siyonna su zi ma vi Yakobma halaŋ.

EZAYI 11:10

Hu buu namma ni mul ma wilina col ay hu njaf David ma goŋ Jesena hin col ki fok suuna a va ma suuna wam halaŋŋa. Njaf suuna halaŋ hin halamu, daŋ may mamba hin lini bibiŋilla.

EZAYI 25:6

Yawe, ma Saɓakŋa Kom Belna, hin tin luuna kay ɦini ndaɗta maŋ suuna halaŋ. Ni luu ma ti tliw ma mbulna u sum veŋ ma basina. Tliw ma mbulna ma yulumma u sum veŋ ma jivina.

EZAYI 27:13

Hu buu namma ni tokolom ma ŋgolna hin buwa. Suu may suu ay ki viɗi hu mbassa Asirira hin mbay kiyo u suu may suu ɗikisi ay ki hu mbassa Egiptera lay. Asi hin mba goɓ ga fok Yawe, kay ɦini mayra teteɗta hu Yerusalem.

EZAYI 30:29

Magi agi suu Yerusalemma ni agi gi soolla ko suuna gi soolla hu njeŋgera luunara na. Agi hin furi cocoo, ko suu tuɗ u diffa ŋguruɗta a tuɗ kay ɦinira teteɗta vi Yawera na, eg Lona, ɦini ma vi suu Israelnana.

EZAYI 49:6

Nam dan ana, «An yaŋ a saan ma sunda ni ka kay a mbaa njaf suu vi Yakobma, a suɗ ki ni suu Israelna holɗi. An manaŋ ay ki ni a kiɗikka fok njaf suuna halaŋ. Kay ana suɗ manda li ha ki ni kay yam mbassa halaŋ halaŋ.»

EZAYI 56:5

an hin kakam hu ziinna, hu gulumun manna, u sem ɓiiri huwa, ni nam hin fi ni dlara jivi su gorrara. Sem hin li ɓiiri kon na din din, ka bulum kiɗi.

EZAYI 56:7

an hin tuɗusi kay ɦini manda teteɗta, an hin oyosi u furira, hu ziinda cenda. Ɓivun masi ma asi lamma an vam u furira kay ziinda asi hin yaɗ ana, zira cenda vi suuna halaŋ.

EZAYI 60:3

Njaf suuna halaŋ hin poy ni u kiɗik maŋga, mulina lay hin tuɗ ni u kiɗikka hin li kaŋga.

EZAYI 65:11

Na may agi suu noy Yawe kina, agi suu maa ki kay ɦini manda teteɗtana, suu li ɓivunna maŋ lo ma ci beelerra, lagi mbul ma hisna ni maŋ ful ma di ki kay dlara fokka.

EZAYI 66:20

Suuna hin mbaaragi gorsegi suu ay ki hu li ma daŋŋana aya, mbaarasi ay ko poora na maŋ Yawe. U kulumina u pus pusna u tlena gani kolo kay kulumina, lay ma buuna lay, koro ma Makkana u jamballa, mbaaasi eg ɦini manda teteɗta. Ko ndal suu Israelna ɦal tlena ay man ŋgoo bagi hu fullara na may.

EZAYI 66:23

Hu buu maragelay luuna hin li ha ni na gak gak, buu ma vi Lonna ha ni na gak gak koɗ tara mba wa kay suu goɓonna hu Yerusalem. Di ni Yawe u tamba.

JEREMI 16:19

Yawe, saɓak manna u ŋgusu ma kanna, liin ma ŋgayra hu li ma wihawra. Suuna hin mbay ni egeŋu, suu ay keŋ ndaŋgara day dayna hin di ana, va ma somoyomi fam hu ɓorowna na ni dla cora kaboyna. Dlara ganyamba sa ka li sun u ndaɗɗira.

JEREMI 23:20

Yara vi Yawera hin ka heɓ kaŋga bay nam li dlara nam di kaɗta kiɗi. Dlara nam gaɗ iriɗ ay ki komba. Tuɗ fok na nde ni agi hin fagi yalna su olo.

JEREMI 26:18

«Mise ma Moresetna, ma li sunda jok vun Lona, hu li ma Ezekiyas a mulna hu Yudana di suu Yudana halaŋ ana, Bu Suuna, ma Saɓakŋa Kom Belna, ɓak anaba, Siyon, suuna hin laɗ ki baraɗna ko senena na, Yerusalem hin mbuɗ ki ni didiŋga zozoɗta, yam zira vi Lonara ma kolona hin mbuɗ ki ni ko bubura na.

JEREMI 3:17

Hu li namma ni asi hin yi Yerusalem ana, «Dlamba mulla vi Yawera.» Njaf suuna halaŋ hin hoŋ irisi ay kaɗu kay sem Yawena ma ɦam ki maŋ Yerusalemma. Asi hin ka su vunna u yasira eŋga kal ki na nderaɗi.

JEREMI 30:24

Saɓak yara vi Yawera hin ka heɓbi. Nam hin li dlara nam min a laɗta ki li gi. Agi hin fagi yalna ha fok tuwa.

JEREMI 31:12

Asi ka mbaya. Asi ka gi soolla furira ay kolo kay ɦinira Siyonda. Asi ka sulul ay kay tlesuu jivi suu vi Yawena, kay wana, kay sum veŋŋa, kay mbul ma heɓma, kay yoori suu gorina u suu ŋgolona. Asi hoŋ ki dliɗta ko sene ma mbaɗagira gamma na. Asi hin ka loɓ ki oloɗi.

JEREMI 48:47

Na may hu buu ma fokŋa an hin hoŋ Moab kolo balamaɗu, Yawe di na. Ɓak ma kay Moab ma daɓmi tani.

JEREMI 49:39

Na may hu buu ma fokŋa an hin hoŋ Elam balamaɗu. Yawe di na.

JEREMI 51:44

An li yara u Bel hu Babilon, an ɓaɗam va funum ma nam komomma kiyo. Njaf suuna hin ka tok ay kam oloɗi. Gulumun ma Babilonna lay ni bow ki kaŋgaa.

EZEKIYEL 38:16

Aŋ hin tuɗ duu u suu man suu Israelna. Aŋ hin kuluɓ mbas ndaɗta ki u suu maŋsina ni ko ndal ɗugulla kuluɓ lina kira na. Dla ndaɗta hin li ni hu li ma lina hin tokŋa. An hin mbaaraŋ ay a duu u mbas manda kay a njaf suu ɦawana wan ki u irisi ana an tak teteɗ manda ki eg Gog.»

EZEKIYEL 40:2

Hu wiin ndaɗta ni nam tuɗun ha ki ni hu mbassa vi suu Israelna. Nam colon ki kolo kay ɦinira fiyekka hu li namma keŋ ma dalina na ni zina ka mini hu ko ndal ɦoŋzi ma ŋgolna na.

DANYEL 10:14

An mbay ni a takaŋ dlara hin mba kay suu maŋŋa hu fokkara, kay ana dla ndaɗta hin tak taɗ ki fok jew kay buu namma tuwa.»

DANYEL 2:28

May Lo ma kolo huulonana ka dew, ma tak u dlara mbuɗ mbuɗta kina, hin tak maŋ mulna Nabukodonosor dlara hin mbay hu fokkara. Doyra daŋga u tlesuu ŋgusuŋ wasi hu liiŋ ma buunana wanni.

DANYEL 2:35

Na ɗaŋŋi kawina, luɓuna, walakka, doonora u lorra luɗ ki ni halaŋ, asi hin mbuɗ ni ko ndal barra sii u semeɗna hu til faɗta na. Semeɗna tuɗ u asiya, sa hin ka fasi balamasi oloɗi. Ndaɗ ɦini mayra waɗ mbuuna ndaɗta mbuɗ ki ni ɦini mayra ŋgolla, hin oy yam ndaŋgara ki halaŋ.

DANYEL 2:45

Ko ndal aŋ wi gogoyra col ay kolo kay ɦinira bay ko sa egeɗu mba luɗ kawina kiyo, luɗ walakka kiyo, luɗ luɓuna kiyo, luɗ doonora kiyo luɗ lorra kira na. Lo ma ŋgolna tak dlara hin mbay fokka ki maŋ mulna. Doyra di mulnara ni gasira, uɗ mayra buɗ kira ndak a sana vi uwa.»

Magaara Vi Sa Jok Vun Lona OZE 3:5

Ŋgoo dagan wanni goryoŋ Israelna hin hal Yawe, Loosina, daŋgadla, u David mul masina, asi hin hoŋ irisi ay eg Yawe u dlakka eg tlegeyem suu jivina hu buu ma fokŋa.

ZAKARI 14:10

Mbassa halaŋ hin mbuɗ ki senena, col ha kay Gueba ta ta tew hu Rimmon keŋ Yerusalem mbayawna. Ndaɗ hin mbuɗ ki kolo ŋgolla, eg liiɗu, col ha vun grek ma vi Benjaminna ta ta tew ha ki hu li ma vun grek ma basina ta ta tew ha ki hu vun grek ma keŋŋa, col ay eg gulumun ma vi Hananeelna ta ta tew ha ki hu li ma em tlena vi mulna na.

ZAKARI 14:9

Na ɗaŋŋi Yawe hin tak tam ki a mul ma kay ndaŋgara halaŋŋa. Hu buu namma wanni Yawe li ni dew, sem dew may.

ZAKARI 8:22

Suuna bolow cocoo u suu saɓakŋa hin mbay Yerusalem hal Yawe, ma Saɓakŋa Kom Belna, hin a heɓ huu Yawera may.

ZAKARI 8:3

Yawe ɓak ana, An hin hoŋ ay eg Siyon, kak hu ɦoŋzi ma Yerusalemma. Asi hin yi sem Yerusalem ma daŋŋa ana, ɦoŋzi ma ɗegeena, ɦinira vi Yawe, ma Saɓakŋa Kom Belna, ɦinira teteɗta.

MALASI 3:12

Suuna hin li furira kagiya, kay agi ni suu paɗvunna li ki kay ndaŋga magirana, Yawe, ma Saɓakŋa Kom Belna, di na.

NDUMBA 24:14

Jiviya cemi ni an tuɗ wa vi suu mansina, may ni mbay an daŋ dlara suu asina hin laŋga eg suu maŋsinara ka kiyo.»

SUNDA 2:17

Gologiya ni va ma Lona dam kay buu ma hin li ay daganna, An hin njay Musuk manda ki kay suuna halaŋ. Gor njufi magisina u gorɓii magisina hin di ki kay Boy Lonana. Gorzoŋi magisina tlena hin tak tasi ki irisiya, suu magi suu maana doyra hin dasiya.

2 TIMOTE 3:1

Humuŋ gaŋ kay boyna wanni, buu ma hin daganna wanni dlara loɓma ka huwa.

HEBRENA 1:2

Kay aygi suu ka hu buu ma dagan cecemina nam daygi boyna ni hu Goromma. Lona li tlena halaŋŋi u namu, tle asina halaŋ Lona hinimsina halaŋŋi komu.

2 PIYER 3:3

Wagi ki anaba hu buu ma hin mbay daganna ni suu may suu kak iiri kay tasi u min masira kay tasina hin panagi anaba,

WIRA ŊGAYRA 11:15

Sa sunda huulona ma kiɗisiyana bu difna, della di ay kolo huulona eŋga ana, «Saɓakŋa a kak mulna kay ndaŋgara cecemi ni maŋ Bu Suuna mayna, u Kristu mamma, nam hin kakŋi a fafatɗa.»

WIRA ŊGAYRA 20:4

Ŋgoo dagan an wi dlamba mulla, suu kaki kay dlam ndaɗta ɦasi saɓak ma kaɓakŋa kosiya, an wi musukka vi suu casi ki kay asi di gasira Yesu takara u Boy Lonana. Ni suu may suu goɓ ka kaŋga fok vabakŋaɗi cen va ma tli tam ko namma mayɗina, ni suu tin huɗukka vi vabakŋa ay ka vokosiɗina, ka kosiɗi lay. Asi yow ay ki kolo iiriya kak hu mulla ko tasi u Kristu basara bup dew.