EZAYI 2:12 - Boy Lonana

¹² Kay ana buu ma vi Yawe, ma Saɓakŋa Kom Belna, hin mbaa, ni kay suu ka furiya, ŋga tasina u suu tli yasi kolona, suu asina halaŋ hin hoŋ ki dagani.

EZAYI 2:12 ပူးပေါင်းရင်းမြစ်များ

EZAYI 23:9

Yawe, ma Saɓakŋa Kom Belna, gaɗ dla ndaɗta ni namu, kay a maŋ ŋga tara vi suu ŋga tasina kiyo, kay a maŋ suu ŋgolo suu kay ndaŋgarana ki halaŋ.

Boy Ma Ayra Ma LUK Ɓiirimma 14:11

Kayme suu tli yasi kolona hin hoŋ ki kaŋgaa. Suu ka tli yasi koloɗina hin tuɗ ni foko.»

VUN ŊGOLNA 16:5

Suu ŋga tasina halaŋŋi ka ii Yawe jiviɗi. Hu buu ma daɓpa ni nam ka hin bay kaasi ɓakŋa kasiɗi.

Magaara JAK Ɓiiriɗta 4:6

Ni kay ndaɗta Lona ɦaygi jivira ŋgolla su hu olo, magara di ana suu ŋga tasina Lona minisiɗi, suu lalamma nam ɦasi oo mamba may.

1 TESALONIKŊA 5:2

Kay agi kay tagira lay wi ki ana Buu ma vi Bu Suunana hin mbaa ni ko sa ma kulna na.

1 KORINTNA 5:5

Sa namma agi gam ha ki maŋ Satanna, nam lasam tamu a ŋgus mamba hin suɗ ki hu buu ma vi Bu Suuna Yesuna.

MATIYE 23:12

Sa col tam kolona hin hoŋ ki kaŋgaa, ma kaŋgana hin mbuɗ ki koloo.

AMOS 5:18

Hahawra ka kay suu ka juɓ Buu ma vi Yawena. Jivi mamba ni mege? Buu namma hin lagi ni me egegi ge Buu ma vi Yawena? Hin li ni ndufunda, ka kiɗikkaɗi.

EZEKIYEL 13:5

Agi ɗiŋ ka kolo kay gulumunnaɗi agi min ka a min gulumunna kolo a doo kay suu Israelna ko suu duuna hu Buu ma Yawe a mbanaɗi lay.

JEREMI 46:10

Na may buu namma Bu Suuna Yawe, ma Saɓakŋa Kom Belna, ni buu ma sa sugulna, sa sugulum u suu mam suu babilira. Ŋgewra ci suuna, hoɓ ki u asiya, guruɗ ki u busuɗusi lay. Ni buu ma furira vi Bu Suuna Yawe, ma Saɓakŋa Kom Belna, hu mbassa mbayawnara fun mbo lumma Efratna.

EZAYI 24:21

Hu buu namma ni Yawe kaɓakŋa kay suu duu suu kolo huulonna u suu muli suu hu duliyarna halaŋ.

EZAYI 24:4

Ndaŋgara ka yoo taɗu, ndaɗ ka so kiyo, duliyara ka daɓ kiyo, huulona ka daɓ ki ko tam u ndaŋgara dew.

EZAYI 13:9

Gola Buu ma vi Yawena mba ni na, ni buu ma yara ma ka wi hahaw saɗina. U yara ŋgol ndaɗta nam hin ɓalak mbassa ki hoŋoɗ ki dagan cocoo. Suu li dla cora halaŋ nam hin daɓasi kiyo.

EZAYI 13:6

Saagi walla, yorogi tagiya, Buu ma vi Yawena hin tok. Ko ndal sa ma ɓalak lina col ay a ɓalakam kira na.

2 SAMUEL 22:28

Suu gi yasi kaŋgana aŋ mbuɗusi suu saɓakŋa. Aŋ cuk iriŋŋi kay suu ŋga tasina.

JOB 24:1

Ma Saɓakŋa tak buu mam ma nam kaɓakŋana ka kiɗi ni kay mege? Suu mam suu ɗegeena ka wi buu nammaɗi ni kay mege?

SOOLLA 131:1

Soolla suu tuɗ luu ma vi Lonna gaɗta, vi David. Yawe, hurun ka ŋga tam oloɗi, irin ka gol ha ki na day oloɗi. An ka hal ŋgolla oloɗi lay. Ka hal dlara su saɓakandaɗi lay.

EZAYI 42:15

An min bow ɦinira u li mbuy kolona ki gaa, ŋgusugi suu kaɗna an hin soosi ki lay. An mbuɗ mbo lumma ki mbasa soom kiyo, mbo ŋgolona halaŋ an soom kiyo.

EZAYI 61:2

Nam sunun ay a di ki kay basara oora vi Yawera. Ni buu ma sa sukulna vi Looygina. Ɗil ii suu ka li hahawrana.

JEREMI 30:7

Ni dla co me ɗaŋge? Gasi buu namma ŋgol cocoo, buu ma tli tam u nam kaɗi. Ni buu ma hahawra kay Yakob. Na may nam hin buɗ kiyo.

MISE 2:3

Ni kay ndaɗta Yawe di ana, gola suu ko ndaɗta nana an tinisi hahawra kasiya. Agi hin ka ndak a paɗagi delegi kiɗi, ka a tuɗ yagi kolo tliɗi lay, kay ana li namma hin li ni li ma hahawra.

MISE 5:11

An hin yowoŋ kumu maŋŋa kiyo, suu li kumuna hin ka li varaŋ oloɗi.

SOFONI 1:16

Ni buu ma tokolomma hin buna, suuna hin yi kolo a duu u ɦoŋzi ma saɓakŋa, u zigini suu fiyek mini kolo keŋ gulumunnana.

SOFONI 3:11

«Hu buu namma ni ndak hin ka haɗ huruk kay dlaaka cora oloɗi, kay yara ndak landa egendaɗi lay, kay hu li namma an yow suu ŋga tasi cocona ki varak da, ndak hin seŋ li mayra li dla cora kay ɦini manda teteɗta kiyo.

SOOLLA 18:28

Aŋ njun u suu hoŋ yasi gana, suu ŋga tasina aŋ hoŋosi ki kaŋgaa.

SOOLLA 37:13

Na may Bu Suuna ka san umu, kay nam wi ana buurum hin tok.

SOOLLA 94:2

Aŋŋi sa ma kaɓakŋa kay suuna halaŋ, kaɓakŋa kay suu ŋga tasina.

EZAYI 5:15

Suu warna halaŋ yasi hin hoŋ gaa, sana hin hoŋ ki dagani. Suu ŋga tasina hin cok yasi ki gaa.

EZAYI 10:12

Bu Suuna di ana, «Lini an daɓ sun manda ay kolo kay ɦinira Siyonda u Yerusalemba ki wa ni, an hin kaɓakŋa kay mul ma Asirina, kay ŋga taamba u tlira nam tli yam kolora.»

EZAYI 10:33

Gola Bu Suuna Yawe, ma Saɓakŋa Kom Belna, kaasi ay ki ga ko gogor guna na. Suu may suu dlasi ŋgol cocona nam kaasi kiyo. Suu sesi tii cocona ka oloɗi, hoŋ ki ga wa.

EZAYI 13:11

An hin kaɓakŋa kay duliyara ni kay dla co maɗta, kay suu ka wi Lonɗina ni kay ci maɗ masina. An hin daɓ ŋga tara vi suu ŋga tasina kiyo. Muli suu ŋga tasi cocona hin puk ga fok ndarayasina.

EZAYI 14:15

Na may cemi aŋ kalni hu lina vi suu miɗina. Kalni ga day hu zul mayra uɗ derewra.

EZAYI 40:23

Suu may suu ka ŋgom duliyarna nam bulumusi ki ni ɦawaa, njaf suu saɓakŋa halaŋ nam bulumusi kiyo.

JEREMI 12:9

Joona ki kan cemi ni ko lay ma suuna ŋgufumma na, ma ndarayam layagi suu ŋgolona ŋgufum zeɗ zeɗta na. Tuɗugi yowogi mburi suu bagina aya, mbaarasi ay a li luuna.

JEREMI 13:9

«Yawe ɓak anaba, ni ko ndaɗta na an hin ɓeŋ furira vi Yudara kiyo, furira jivira vi Yerusalemba.

JEREMI 50:31

Duk ɦoŋ tami mba', ni boy cona, Bu Suuna Yawe ma Saɓakŋa Kom Belna, di na. Buu makŋa mba wa. Ni li ma ndak hin ɓak dlaakka kina.