EZAYI 15:3 - Boy Lonana

³ Suuna tuɗ hu voɗta ɦoŋzina Moab ni cuki tasi ni baraw bolna. Suu kolo kay yam zigininana u suu hu li ma suuna mol huna, suuna halaŋ ka yoo tasiya, asi halaŋ ka tii u simina.

EZAYI 15:3 ပူးပေါင်းရင်းမြစ်များ

MATIYE 11:21

«Hahawra kagiya suu Korazinna, hahawra kagiya suu Betsaidana. Dlara mbuɗta ŋgolla an laɗ varagira, an li laɗ ni hu zina Tir u ma Sidonna ni, suu huna njun doona hurusiya, cuk buɗna kasi may ni, li jok hurusi ki wa.

JEREMI 19:13

Zigini suu njenje suu Yerusalemma u muli suu Yudana mbuɗ ki ko li ma mbuyna na, gasi zigini asina halaŋ suu ŋgal ɓivunna kolo kay yasi maŋ suu duu suu huulonana, li ɓivunna maŋ loogi suu daŋŋa lay.

EZAYI 22:4

Cemi ni an di ana ɦuɗugi ha ki egen na day, hinin an tii cocoo, loɓogi tagi a seŋendaɗi, an tii ni kay ɓalakka vi goora vi suu mansinara.

EZAYI 22:1

Gola ni dlara ŋgayra waɗ kay ɦuɗugumba Yerusalemba. Suu maŋsina ɗiŋ ki kolo kay yam ziginina na halaŋ halaŋŋi amege?

EZAYI 15:2

Suuna ɗiŋ kolo kay li ma teteɗna hu Dibon, diŋ kolo kay mbura mbuy ta kolo dayra a tiina. Kay ɦinira Nebora u ɦoŋzi Medebana suu Moabma ka yoo tasiya, suuna kaa yasi ki halaŋ halaŋ. Njeɓeresi halaŋ asi cawaɗ ki lay.

2 MULINA 6:30

Hu li ma mulna hum boy namma na ni, nam haa baraw mamma kiyo, a nam ki kolo kay gulumunnara ni suuna halaŋ wi ki ana nam cuk baraw bolna egemu.

2 SAMUEL 3:31

David di Joab u suu mamsina halaŋ ana, «Haragi barawi magisina kiyo. Cukugi baraw bolla egegiya, a tiirigi u yoo tara fok Abner.» Mulna David tuɗ ha ŋgoo dagan maɗamu.

GA 8ATAMBARA 22:8

Lini aŋ min zi sor ta wilira wa ni, ŋguy gulumunna ki kay zi ndaɗta, ka a sa ɗiŋ ay kolo kay yam ziiŋga gi tam ay ga a mbuɗuŋ ziiŋga ki zira busunaɗi.

Magaara JAK Ɓiiriɗta 5:1

Humugi boy manna haa agi suu ɦizina, tiirigiya, yoorogi tagiya, kay hahaw mayra hin a mbay kagira.

1 SAMUEL 5:12

Suu bay miɗ tuna, tuguɗii ɦuluna vasiya, tii masi ma hahawra tuɗ ta ta tew ki kolo huulona.

EZAYI 3:24

Mbul ma hisna hin mbuɗ hisni tlesuu buuyna, gandina hin mbuɗ ni zewna. Yamba gira hin kaa ni godlokka. Hin baraw ma jivina ki tani hin cukŋi baraw bolna. Jivira hin ki tani asi mbuɗ ki coo.

JEREMI 48:37

Na ɗaŋŋi asi wel yasi ki halaŋ lay ka ko ŋgusugina ki halaŋ lay, cal hu duk kosi ki lay, njun baraw bolla hurusi may.

YOORA 2:10

Kaki kaŋga duk ndaŋgara seŋira na selewen, suu basi suu vi Siyon ta jivirana ko ndaŋgara kay yasiya. Asi cuk baraw bolla egesiya. Gorɓii suu Yerusalemma cok yasi kaŋga ta ta kay ndaŋgara.

EZEKIYEL 7:18

Asi njun hurusi ki u baraw bolna. Tasi mbuɗ ki ndaa cocoo. Yasi ka tli ki kolo ko zolonaɗi lay. Asi kaa yasi ki godlokka halaŋ halaŋ.

AMOS 8:10

An hin mbuɗugi poy magira ki hahawra, soolla agi gaɗta hin mbuɗ ki ni yoo tara. An hin tinigi sawalna kay ufurugiya. An hin welegi yagi ki halaŋ halaŋ, agi hin ziriɗ ko ndal hahawra laɗ kay maɗ goo ma dewnara na, dlara hin mbay daganda hin li ni ko buu ma yoo tara na.