EZAYI 13:2 - Boy Lonana

² Kolo kay ɦinira yaɗ ki ɦawara tak dlara ay ki huwa, saagi walla koloo, kisigigi kogiya, kay a suu duuna ɦuɗ tasi ay vun grekŋa vi suu ŋgolona.

EZAYI 13:2 ပူးပေါင်းရင်းမြစ်များ

JEREMI 51:58

Na ɗaŋŋi Yawe, ma Saɓakŋa Kom Belna, ɓak anaba, gulumun ma ŋgolo ma vi Babilonna ki kaŋga tooya. Vun goŋga funumba ŋgalaɗ ki u kura. Suuna loɓ tasi ni ɦawa, njaf suuna loɓ tasi ni maŋ kura.

EZAYI 5:26

Yawe yi suu ay ki dayna asi mbaya, nam yasi ay ni hu vun ndaŋgara dodora day. Asi ɓaɗ ay mba ni na zak gaw.

JEREMI 50:2

Ɓakagi boy namma ki maŋ njaf suuna, dagi suuna asi hum boy namma kiyo, neegi suuna ki kamu. Ɓakagi boy namma ki maŋ suuna, ŋgayagina kaŋgaɗi, dagi ana, Babilon ki tliiya, Bel viɗ jiv maɗna ki wa, Marduk mbuɗ ki zolona wa. Kumu maɗna ɓeŋ ki wa, otel maɗ ma li ɓivunna bulum ki wa.

JEREMI 51:25

Ni duk ɦoŋ tay mba', ɦini mayra ɓeŋ tlena kira. Yawe di na. Ndak mayra ɓeŋ ndaŋgara ki halaŋga. An maɗ kon ha kaku, an zuɗuk ay kaŋga kay ɦinira, mbuɗuk ki ɦinira murus kura.

EZAYI 10:32

Hu buu namma gawni, asi tew ki hu Nob, asi ka yorok kosi kay ɦinira Siyonda, kay zi ma Yerusalemma may.

EZAYI 18:3

Agi suuna halaŋ suu zuli kay ndaŋgarana, hu li ma suu duuna njaa ay kay ɦinira kolo tana wa ni, agi gologiya. Hu li ma tokolomma buwa ni agi humugiya.

EZAYI 11:15

Yawe hin so mbo lum ma Egiptena kiyo, nam hin maɗ kom kay mbo lum ma Eufratna, ni u semeɗ ma cuk ay ki funumma. Nam hin ɓorowosina irim ki zeɗ zeɗ kiɗisiya. Suuna hin tuɗ hu lumma ni u sesi ɦawaa.

EZAYI 11:12

Nam hin tak dla mayra ana nam hin tok yam suu mamsinara kiyo. Nam hin tok yam suu Yuda suu njay kina kiyo, suu ay ki keŋ ndaŋgara fiɗira halaŋ.

SOOLLA 60:4

Aŋ geŋeɗ ndaŋgara, aŋ hawaɗ kiyo. Cemi aŋ nereɗ ii wak ndaɗta kiyo kay ndaɗ hal a ɓeŋ kiyo.

EZAYI 19:16

Hu buu namma ni suu Egiptena mbuɗ ki ni ko boyogina na, dlak ndaana hu li ma asi wi ko Yawe ka geŋeɗna, ma Saɓakŋa Kom Belna hin col kolo duu u asiya.

EZAYI 31:9

Mul masina hin paɗ liŋŋa ko ndaana. Suu ŋgolo mamsina mbuɗ ki ndaana lay. Ni boy ma vi Yawena kuumba ka hu Siyon. Zul ŋgolla kura ka Yerusalem.

JEREMI 50:41

Suuna hin col ay ii ko ma mbayawna, suuna bolow cocoo, mulina bolow coco lay min tasi ay a duuna. Hu li ma vun ndaŋgara daɓ ay huna.

JEREMI 51:12

Vagi vun ma tuɗ duuna kay gulumun ma vi Babilonna. Ҥagi saɓakŋa maŋ suu gol u suuna, tinigi suu gol u ziina. Yowogi suuna asi buu guɓura ki kaŋga voɗo. Gasi dlara Yawe daɗ kay suu Babilonnara, nam saa ay ki kaɗu, nam laɗ ki wa.