EZAYI 12:2 - Boy Lonana

² Gola, Lona ni sa ma suɗunna, an tin hurunni kamu, va ma lan kaɗi, kay saɓak manna u soolla an gaɗta ni Yawe dew. Nammi sa ma suɗunna.

EZAYI 12:2 ပူးပေါင်းရင်းမြစ်များ

KALKIRA 15:2

Saɓakan u sool manda ni Yawe. Nammi sa ma suɗun kina. Nammi Loonna an geleɗemu. Lo ma vi bunna an ŋgaamu.

SOOLLA 27:1

Soolla vi David. Yawe ni kiɗik manda u suɗ manda, an li ndaana ni ko ge ologe? Yawe ni ɦoŋzi ma saɓakŋa vi iiri manda, an dlak ndaana ni ko ge ologe?

SOOLLA 118:14

Saɓakan ma sawalla a duuna col ay ni komu, kay ndaɗta an ka ŋgaamu.

WIRA ŊGAYRA 7:10

Asi sawalla kolo u delesi eŋga ana «Suɗ mamira ay ni ko Loomina nam ma kaki kay dlamba mulla, u Goo Timiina may.»

JONAS 2:9

Suu goɓ loogi suu hawana, ɦuɗusi ha ki egeŋ day.

EZAYI 45:17

Yawe suɗ suu Israelna ki ni namu. Suɗ ndaɗta hin ha kasi ni na din din. Agiya zolo ka kagiɗi, ŋgul kaɗi lay, ha ni a fafaɗta.

JEREMI 23:6

Hu coki mamba ni Yuda ki suɗiya. Israel kak u heɓpa. Gola ni sem ma asi hinimma kamma, «Yawe ni ɗegee maygira.»

JEREMI 3:23

Gasi daŋ may tlesuu col ay kolo kay ɦinirana ki coo. Asi li kolo kay ɦinira ni vunna ɦawaa. Gasi daŋ may ni u Yawe, Loomina, Israel fi suɗta.

SOOLLA 83:18

Asi mbuɗ ki zolona li ndaana tew tew, asi ba ha ki hu zolo masi namma.

1 TIMOTE 3:16

Sa ndak ka a di va ma daŋgi, ŋgayra vi ɗegee ndaɗta wanni ŋgol ɦay. Nam mba tak tam ki ko sa warna na, Musukka takam tam ki ana nammi sa ma ɗegeena. Suu sunda huulona wamu, suuna halaŋ dlaamba di ay ki dukusiya, suuna vi um coco lay. Nam kal ki kolo huulona.

ROMMA 1:16

An ka li zolo kay Boy ma Ayraɗi, nammi saɓak Lonna kay suɗ gegelay ma tin hurumma, ay jewni suu Juifna, hinni maŋ suuna halaŋ may.

Magaara Vi Sa Jok Vun Lona OZE 1:7

Na may zi ma vi Yudana hin minimu, an hin suɗusi ki u Yawe Loosina. An hin ka suɗusi ni u gu mbuuruɗi lay, u ŋgewɗi lay, u duunaɗi lay, ka u kuluminaɗi lay, ka u suu li duuna u kuluminanaɗi lay.»

EZAYI 62:11

Yawe hin tak dlaamba ha ki ni hu vun ndaŋgara do dora. «Dagi suu Yerusalemma ana, saagi ma suɗta mba wa, nam mbaa suu may suu a fi warakŋana ay umu, warak mamma mbay ki ni fokom jewe.»

EZAYI 32:2

Gegelay dukusi ni ko ndal ŋgusu ma kay suunana na, ni ko gi ma doo babaana na. Asi ni ko ndal mbo ma ɓaɗ kay ndaŋgara haw yona na. Ni ko ŋgus ɦini mayra kuluɓ ay kay ɦoŋzi ma faɗta ti hu cocona na.

EZAYI 7:14

Gola Bu Suuna u tamba hin takagi dlara dew, go tamara bay buu u sa njuf tura hin vi wiina, hin vuɗ goona. Ndaɗ hin tinim sem ana, Emmanuel, Lona ka u aya.

1 SAMUEL 2:1

Ane cen di ana, «An hurun fi heɓpa ni u Yawe, ɗegee yan ki kolo ni u Yawe. Vunun mal ki ŋgolla eg suu babali mansina. An li furira kay saɓak maŋŋa.

JOB 13:16

Lini an tew wa ni suɗ manda, kay an wi ana sa ma dlam cona ka ndak a tew fok Lonaɗi.

SOOLLA 112:8

Huu ma sooy eŋŋa ka li ndaa vaɗi, nam wi ki ana nam hin su kay suu babali mamsina.

EZAYI 10:24

Kay ndaɗta Bu Suuna Yawe, ma Saɓakŋa Kom Belna, di ana, «Agi suu mansina, suu cuki hu Siyonna, lagi ndaa ko suu Asirinaɗi, asi suu ka poŋogi u tokolora, yow tokolo masira kolo egegi ko ndal suu Egiptena lagira na.

EZAYI 17:10

Kay aŋ maa ki kay Lona sa ma suɗuŋŋa wa, humuŋ gaŋ ka kay ɦini maŋŋa aŋ ŋgay taŋ irimbaɗi. Aŋ zaa ŋgusugi suu jivina, aŋ zaa ni ii tlesuu ay ki keŋŋa.

EZAYI 27:5

May ni sa ma ŋgay tam egenna, ma hal heɓpa u anna, nam ndak kak u heɓpa u anu.

EZAYI 49:5

Cemi ni Yawe ɓak wa, nammi sa ma minin ay huu sun dayna, mbuɗun ki a sa sunumma, kay a hoŋom njaf suu vi Yakobma ay egemu, kay a taɓ yam suu Israelna kay tasi u mamu. Cemi ni an mbuɗ ni sa ma ii Bu Suna jivina. Saɓak manna ni nam Lona.

EZAYI 50:10

Dukugi ni sa ma li ndaa Yawe ka su? Sa namma humum vun saam ma sunda haa, sa ma ka tuɗ duk ndufunda bay wi kiɗikka tu ka su? Nam tin saa mamba ni kay sem Yawe, nam deŋ tammi eg Loomma na ɗow.

EZAYI 61:10

Yerusalem ŋga Lona di ana, an furi cocoo, furi coco ni kay Yawe, iri manda furi coco kay Loonna, kay nam cukun baraw ma suɗta egenu, nam kalan hu baraw ŋgol ma kaɓakŋa, ko ndal goora min taɗ a hal njufna, ɗowba mul ma li ɓivunna tin jumba jivira kamba na, ko goora hal a i njufna min taɗ ki jivira na.

EZAYI 65:18

Hin li ha ni furira na gak gak kay tlesuu an hin a lasina. Yerusalem ta furira, suu huna oy ki u ayra may.

DANYEL 3:28

Nabukodonosor ɓak boyna di ana, «Ko sem Lo ma vi Sadrakŋa, Mesak u Abed Negona, suuna ŋgaamu, ma sun sasunda huulona mamma ay suɗ suu mam suu sunda ki kay ana asi ɦal tasi ki mam mayna. Hu li ma asi su vun mulna, asi ɦal tasi ki a lassa, goɓ lo ma daŋgi may, Loosina dew.

JOEL 2:23

Agi suu hu Siyonna lagi furira u Yawe Loogina. Nam ɦagi mbo lo ma ndolna a suɗugi kira. Nam si yo ma ndolna hu lina kagi ko ay fok jew dayra na.

HABAKUK 3:18

An hin kak u furira ni u sem Yawe. An hin li furira kay Lona hin suɗunu.

2 SAMUEL 7:24

Aŋ hin tin suu Israelna a suu maŋsina a fafaɗta, aŋ taŋga Yawe aŋ hin mbuɗ ki ni Loosina.

SOOLLA 65:6

U ɗegee maŋga aŋ hoŋomi dira kay cen mamira, Lona, saami ma suɗta. Aŋŋi heɓpa kay ndaŋgarara halaŋ gak gak hu vun mbo ŋgolna lay.

SOOLLA 68:20

Gagi deɓ Bu Suuna hu buuna halaŋ, nam ka tlaygi nek maygira ki kamu, nam mi Lona ma suɗuygina.

SOOLLA 68:21

Looygina ni Lo ma suɗta, Bu Suuna Yawe mayna ndak a suɗuygi ki fun miɗna.

SOOLLA 118:21

An geleɗeŋu, kay aŋ hoŋon dira wa, kay ndaɗta an ka ŋgaaŋu.

EZAYI 33:22

Na daŋ may Yawe ni saaygi ma kaɓakŋa, nammi sa ma ɦaygi gaɗta, Yawe ni mul maygina, nam buɗuygi ki ni namu.

EZAYI 38:20

Yawe ko aŋ suɗun ki na ni, ami min bu tlegeyemi hu buuna halaŋ hu li ma ami ka iirina fok ziŋ Yawena.

EZAYI 51:12

Anni sa ma njunugina. Agi li ndaa sa war ma miɗ kina ni kay mege? Goŋ Adamma ni ko ndal ɓo usuna ɦawa na.