EZAYI 10:3 - Boy Lonana

³ Hu buu ma kaɓakŋa agi hin li tagi ni nanage? Hu li ma bil mbona mba wa toko ni agi hin li ni nanage? Sa ma agi hin liŋ egem a njun kagina ni gege? Bege magira agi hin cukuɗ ni arage?

EZAYI 10:3 ပူးပေါင်းရင်းမြစ်များ

Boy Ma Ayra Ma LUK Ɓiirimma 19:44

Asi hin hawaɗaŋ ki kaŋgaa, caŋ suu maŋŋa ki halaŋ lay. Ҥini ta dew hin ka a li jaki kolo kay ndaraɗɗi. Asi hin tooɗ ki kaŋga halaŋ, kayme aŋ wi buu ma Lona mba a njun uŋ huna kaɗi.»

Magaara Vi Sa Jok Vun Lona OZE 9:7

Li ma kaɓakŋa mba wa, li ma ɓak dlara mba wa, Israel wam kiyo. Sa jok vun Lona mbuɗ ki laɓaa, mbuɗ ni sa saaram kaɗina, ni kay ŋgol dla cora aŋ laɗta, ni kay ŋgol duu ma aŋ duurumma.

JOB 31:14

Lona hin col ay kolo wa ni hin li ni ana mege? Nam li ka joɓa ni hin dammi ana mege?

1 PIYER 2:12

Poyogi ɗegee duk suu bay vina, lini asi kaagi boyna egegi ana agi ni suu cona lay ni, asi hin wi sun magira jivira hin geleɗ Lona hu buu ma nam hin mbayna.

SOFONI 1:18

Gursu masira ɗowba bege masira ka ndak a buɗusi ki hu buu ma yara vi Yawenaɗi, ko yomus ma nam lam u kuranaɗi, yam ndaŋgara hin ŋgal kiyo, kay nam hin a bulum lina kiyo, dla ndaɗta hin ti tara cocoo, eg suu kay ndaŋgarana halaŋ halaŋ.

EZAYI 26:21

Kay Yawe kal ay ki vo hu ziim a sa sugul ci maɗ masina, ni kay suu hu duliyarna halaŋ. Ndaŋgara hin tak busu ma vo ki kaɗna kiyo. Ndaɗ ka baa yam suu casi kina oloɗi lay.

EZAYI 20:6

Na ɗaŋŋi suu cuki hu mbas ndaɗtana hin di ana, «Gola suu may suu ay gol irigi usi dewna, suu aygi ŋgay taygi varsina, ni suu ɦaygi njunda ay a buɗuygi ki ko suu Asirina lay. Aygi may ni hin suɗ ki ni nananage?»

EZAYI 5:26

Yawe yi suu ay ki dayna asi mbaya, nam yasi ay ni hu vun ndaŋgara dodora day. Asi ɓaɗ ay mba ni na zak gaw.

VUN ŊGOLNA 11:4

Hu buu ma yara vi Lonara ni begera ka li vaɗi, may ɗegeera hin buɗ sana ki fun maɗna.

GA 8ATAMBARA 28:49

«Yawe hin sunugi njaf suu col ay ki na dayna ay kagiya, ay hu vun ndaŋgara do dora, pii ko ndal bakŋa a piira na, ni njaf suu agi ka humusi vun masinaɗi layna.

JEREMI 5:31

Suu jok vun Lona ɓak ki ni dlara kaboyna. Muli suu li ɓivunna min li ni dlara a fi huruɗta. Suu mansina hurusi heɓ ki wa. Na may agi hin lagi ni me ŋgoo dagan ologe?

EZAYI 39:3

Sa ma jok vun Lona Ezayi mbay eg mulna Ezekiyas mba joɓom ana, «Suu asina col ay ni arage? Asi mba daŋŋi ana mege?» Ezekiyas hoŋom dira ana, «Suu asina mbay egenni col ay ni hu mbassa dayra, ay ni hu Babilon day.»

EZAYI 33:14

Suu li dla cora suu hu Siyonna puk kaŋgaa, asi ka li ndaana ko ndaŋgara geŋeɗta. Asi di ana dukuygi ni sa ma hin colna ni gege? Kay ni kura ŋgalla sa ma dukuygi ma hin colna ni gege? Kay ni zul ŋgolla kura ta uɗ ka doɗira.

EZAYI 30:16

Agi zaŋ di ni ana, «Ҥawaa ami pii u kulumina.» Gasi daŋ may, agi hin piirigiya. «Ami yowomi pus pus ma kulumi suu tuɗ feɗna.» Naa, suu dikigi ugina tuɗ feɗ suugiya.

EZAYI 5:14

Kay ndaɗta lina vi suu miɗina hin ŋgo vunum kiyo. Suu ŋgolona u suu hu zinana hin cuk huwa, u furi masira asi li furira.

2 MULINA 7:15

Asi cuɗusi sesi ta ta tew ay ki fun mbo lum ma Yurdanna. Asi wi ana tlege suu vi suu duu suu Sirina ha ki cuki voɗ cocoo. Tlena ha ki cukira voɗ ni na ca ca. Barawina u tlesuu daŋ suu asi gikisi ka ki kay liŋŋana. Suu sunusi hana hoŋ ay cuɗ boy namma maŋ mulna.

URA TIN AYRA 31:1

Yakob hum goryoŋ Labanna ɓak kam ana, «Yakob yow bege ma vi buygina ki ni bel, nam ɦiz tam ki ni u begera vi buygira.»

Magaara Vi Sa Jok Vun Lona OZE 5:13

Efrayim wi tuguɗii mamba wa, Yuda wi mbil ndoɗi mamma wa. Efrayim tuɗ ha eg Asiri, cuk gor suu sunda ay eg mul ma ŋgolna, nam may ni ka ndak a garaɗagi tuguɗii magira kiɗi lay, ka ndak a buɗugi ki ko mbil ndoɗinaɗi lay.

EZAYI 13:6

Saagi walla, yorogi tagiya, Buu ma vi Yawena hin tok. Ko ndal sa ma ɓalak lina col ay a ɓalakam kira na.

EZAYI 17:4

Hu buu namma ni saɓak suu vi Yakobma hin daɓ kiyo, bege masira ka li oloɗi.

EZAYI 26:14

Kaymege suu miɗina ka hoŋ iiri oloɗi, asi ka ndak a yow kolo oloɗi, aŋ kal duk dlara ni a daɓasi kira, aŋ bulumusi sesi ki hu duliyara halaŋ.

EZAYI 29:6

Yawe, ma Saɓakŋa Kom Belna, hin njun kaŋu, u babaa ma ŋgolna, u geŋeɗ ndaŋgara, ɓalak tlena cocoo, mbirwinda u bil mbona u kura ŋgalla may.

EZAYI 30:5

Na may asi halaŋ hin mbuɗ ay zolona fok suu ka lasi vaɗina, asi ka ndak a njun usiɗi, ka lasi va ma jivi na ndeɗi lay. Hin mbarasi ay kasi ni panna u zolona na ɗow.

EZAYI 30:7

Njunda vi suu Egiptena hin li ni ko ndal semeɗna ɦawa na, ko va kaɗira na. Kay ndaɗta an yasi ana va ma ɦawa sunum kaɗina.

JEREMI 4:30

Ndak may ni li ni mege? Ndak cuk baraw ma gus loɓma egeku, kal walak lorra humuku. Ndak saɗ tlena kay irik mbuɗuɗ warra lay. Ndak jiv tak ki na lay ni ɦawaa. Banayakŋa ka minik oloɗi. Asi hal a cak ki ni ciya.

JEREMI 9:9

Ay kolo kay ɦinira tii ma hahawra kaa. Ay hu li ma taa yoorina soolla yoo tara kaa. Kay ana asi ki ŋgaliya, sa dew lay ka jak huɗi, yoorina sa ka humusi delesiɗi lay. Yoorina, layagina halaŋ ŋgay kiyo, va hin ka oloɗi.

JEREMI 22:7

An yow suuna kay a ɓeŋeŋ kira, gegelay u tlegeyem suu duuna komu. Asi hin kaaŋ gu ɦoy maŋŋa kiyo, hin hinim nam ŋgal ki duk kura.

Magaara Vi Sa Jok Vun Lona OZE 9:5

Agi hin lagi ni nana hu buu ma ŋgaf yam tarage, hu buu ma luuna vi Yawena ge?

MISE 7:4

Ma jivi dukusina ni ko ndal wayra na, ma jivi suna ko ndal kaa wayra na. Hu buu ma suu maŋ suu golla yaŋŋa aŋ mbay dukusiya, cecem wanda asi viɗ ki wa.

EZAYI 28:20

Hin li ni ko ndal boyna dira na, lay ma buuna mbuɗ geɗeŋe ka ndak a buunaɗi, ladarana mbuɗ geɗeŋe ka ndak a boɗ kay saɗi lay.

AMOS 5:19

Ni ko ndal sa warna liŋ ki ko dlonara na, bosokona hin ŋgafamu. Nam kal vo varam kal ni ɦek kom ay eg gulumunnara na, nam guyna eɗem may.