EZAYI 1:5 - Boy Lonana

⁵ Agi min a waɗagi ni ana me ologe, agi suu tuɗ fok u dla cora gak gakŋa? Yagi halaŋ mbuɗ ki ni tuguɗiyo. Hurugi mbuɗ maŋiya.

EZAYI 1:5 ပူးပေါင်းရင်းမြစ်များ

EZEKIYEL 24:13

Yerusalem, ndak mbuɗ tak ki njenjera u dlaakka cora. An hal a mbusuk lay ni ndak ka min mbus ki oloɗi. Na may ni ndak ka ndak a mbus ki oloɗi ta ta yaanda daɓ ki egek tuwa.

JEREMI 5:3

Yawe, iriŋ ka tinira ni a gol gasiraɗi su? Aŋ waɗasiya, va ka ŋgenesiɗi. Aŋ casi ki lay. Asi ka humuŋ gaɗ maŋgaɗi. Asi mbuɗ vogosi ki eŋga su gogoyra. Asi ka min a hoŋ ayɗi.

EZAYI 31:6

Agi suu Israelna hoŋogi ay eg sa ma agi mbuɗ ŋgorogi hinim ka ki na dayna.

JEREMI 5:31

Suu jok vun Lona ɓak ki ni dlara kaboyna. Muli suu li ɓivunna min li ni dlara a fi huruɗta. Suu mansina hurusi heɓ ki wa. Na may agi hin lagi ni me ŋgoo dagan ologe?

JEREMI 9:3

Kakagi jejegee, gegelay ko tam u ndaram ma poy u namma. Ganagi yam tagi u sa wayagi ma dewɗi lay. Kay ana wayagi managelay juɓ mi a li dla cora. Sa poy u tagi managelay min hummi dla cora.

JEREMI 2:30

An poŋogi goryogi ni a wassa. Asi ka humun haɗ mandaɗi. Ŋgew magira cagi suu magi suu jok vun Lona ko ndal dlo ma vi mburina na.

NEHEMI 9:34

Kay muli mamisina, malayaŋ ziimina, muli mami suu li ɓivunna u somoyomi may, ni asi takaŋ gaɗ maŋga ka ki kiɗikgi, tin humusi ka humuŋ gaɗ maŋgaɗi, ka kay nera aŋ neesi yasi tew tewraɗi.

JEREMI 5:5

An hin tuɗ ni eg suu ŋgolona na ɗow a ci wayra u asiya. Asi ɗow kala wi voɗta vi Yawera, gaɗta vi Loosinara. Na may ni suu daŋŋa ko suu hiŋŋana ni kus jug ma gii kelesina kiyo, bulum banara dukusira kiyo.

EZAYI 33:24

Suu hu zi nammana halaŋ sa ma di ana, «Tan karam tanu» kaɗi. Suu cuk zina hu Yerusalemma halaŋ, Lona bulumusi coosira kiyo.

EZAYI 9:13

Kay ndaɗta Yawe ka yamba u njawra hu Israella kiyo. Nam ka manawna u cerewna ki ni buu ma dewna.

EZAYI 1:23

Muli maŋsina mbuɗ ni suu babalira, taɓ vunsi ni u suu kulna. Asi halaŋ minni tlesuu suuna ɦasisinana. Asi cuɗ ni sem li ma a fi warakŋa huna. Asi ka li kem suu kuyuna jiviɗi, ka hum tii ma vi boyogi suu dononaɗi lay.

2 DLAŊ MULINARA 28:22

Duk dlara yoora cocora na lay ni Akaz ka hin cora laɗ eg Yaweraɗi.

2 MULINA 1:13

Mulna sun sa ŋgol ma daŋŋa ay u suuna um dok-vadl olo. Ma hindi namma ɗiŋ ha koloo, may nam tuɗ cuk vun givim kaŋga fok Eli, cenem di ana, «Sa ma vi Lonna, ko iiri manda gol iriŋ jivi na golge, u iirira vi suu sun maŋsina suu un dok-vadlna, li iriŋ jivi na li mayge?

JEREMI 13:23

Sa warna ndak a mbuɗ bakka haɓpa egem su? Sindilna ndak a mbuɗ tlimiɗta ndalira ki zeɗ su? Agi suu haɗ ki u dla corana ndak a lagi dlara jivira su?

JEREMI 17:9

Va ma ganyamba su belna ni saara sa ka ndak a gaɗ iriɗɗira. Sa hin waɗ uɗna ni gege?

JEREMI 44:15

Suu may suu wi ana boyogosi ŋgal ɓivunna maŋ loogi suu daŋŋana, boyogosi suu moli bolow hu li nammana, suu kaki hu mbassa Egiptera halaŋ, suu hu Patrosna hoŋ dira maŋ Jeremi ana,

YOORA 5:17

Gola ni kay ndaɗta mbalatami halaŋ ki tuguɗira. Gola ni kay ndaɗta irimi dug ki wa.

EZEKIYEL 34:4

Agi gol yoori suu duk maŋina kaɗi. Suu tasi tasina agi lasi kumu kaɗi. Suu dagina agi njunusi mbilisi kaɗi. Agi koɗ yam suu ki njay dew dewna ka eg tasiɗi, hal mayra viɗ kira kaɗi lay. Agi ti kay yoorina ni u saɓakŋa.

EZEKIYEL 34:16

Yoo ma viɗ kina an hin halam aya, ma tuɗ ki dayna an hin koɗom irim ay may. Ma gayam ki kusina an hin jakamu, ma tuguɗiira an hin ɦam saɓakŋa. Na may yoori suu ɗoori cocona u suu saɓak cocona, an hin baasi kiyo. An hin taa yoori mansina ni u ɗegeera gasira.