EZAYI 1:3 - Boy Lonana

³ Mbutlna wi malam ma gam vona, korra wi bulla ndaɗ ti haɗna vi malaɗna hura. Suu Israelna ka wi va dewɗi, suu mansina yal masina kaɗi.

EZAYI 1:3 ပူးပေါင်းရင်းမြစ်များ

SOOLLA 94:8

Suu giniŋ duk suuna halaŋŋa wagi kiyo, suu wiisira ka tuɗ dayɗina, na ni agi hin hum hu buu maa dew su?

VUN ŊGOLNA 28:5

Suu dlasi cona ka wi u dlara ɗegeeraɗi. Suu hal Yawe gasina waɗ uɗ ki halaŋ.

VUN ŊGOLNA 6:6

Aŋ sa ma zolomba, tuɗ fun telella, gol dlara ndaɗ laɗta, aŋ hin fi yalna.

EZAYI 27:11

Hu li gorgor ko guna so ki wa ni asi hin kusum kiyo. Boyogina hin ŋgalam kiyo. Na daŋ may suu asina ka wi dlara asi laɗtaɗi. Kay ndaɗta sa ma li dla ndaɗta ka wasi hahawasiɗi may. Sa ma lasina ka wasi hahawasiɗi.

EZAYI 42:20

Aŋ wi tlena cocoo, tin yaŋ ka kasiɗi, humuŋ ki mali a humba, hin hum va kaɗi.

EZAYI 44:18

Suu asina yasi ka li sunɗi. Asi ka wiɗi lay. Humusi ka humbi lay. Hurusi ki sooy eŋ cocoo, ka hum dlaɗi, asi ka ɓorow ii dla kiɗi lay.

EZAYI 5:12

Diŋŋa u dadarira, ŋguruɗ diffa u dlara luuna asi ba lina coco ni kasiya, ka wi sunda Yawe laɗtaɗi, ka min a saa kambi lay.

EZAYI 5:13

Kay ndaɗta suu mansina hin njay kiyo, ni kay asi ka wanɗira. Suu masi suu ŋgolona hin laɓ ki ko mayra, suu hu ziinna ŋgolo hin laɓ ki ko laara.

EZAYI 56:11

Asi ni digini suu kurufukka ka hoɓbi lay, asi tasira ni a suu taa yoorina gaw. Asi ka wi dira di ana ndagami waraɗi lay. Asi ka wi ɓorow ii tlenaɗi lay. Gegelay dukusi ni hal ni fiimma. Gegelay hal ni ɓaɗta kay tam.

JEREMI 10:14

Gegelay hin kagira u ndaana, ki doori lay. Suu yoo tlena mbuɗ ki zolona kay fuli masisina, foto mburi masisina ki coo, ŋgus ka hurusiɗi.

JEREMI 10:8

Asi halaŋ, sa hin ka ki dewɗi, ganyam tasiya, viɗ tasi ki lay. Haɗasi ki u dlara bay uɗta asi hin ba ni huwa.

JEREMI 35:16

Goryoŋ Yonadabma may ni asi hum u gaɗta busi ŋgolo ɦasira kara, na may suu asina ka humunɗi.

JEREMI 4:22

Gasi, suu mansina saarasi kaɗi. Asi ka wanɗi. Ni gor suu to'onosi kaɗina. Asi ka ndak a wi dla na ndeɗi. Asi yal coco kay a li dla cora, a li dla jivira ni asi ka wiɗi.

JEREMI 50:6

Timigii suu viɗ kina, ni suu mansina mbuɗ ki ni asiya. Suu golosi iiri masirana viɗisi ki wa. Asi tuɗusi asi talal ay kolo kay ɦinira ta ta, kay ɦinira ŋgolora u mayra goorira lay, humusi ka gasi kay liisi ma buunaɗi lay.

JEREMI 8:7

Ko zilimma kolo duk semeɗna lay ni wi li ma nam tuɗ koyra hurumma, gugukka, dlemerekka u dawana ka maa ki kay li ma asi hoŋ ay vonaɗi. Na may suu mansina ka saa kay gaɗta Bu Suuna tiniɗtaɗi.

EZEKIYEL 16:30

Bu Suuna, Yawe, di ana, dlara zoŋga su ki kak cocoo. Dlara ndak laɗta halaŋŋi dlara sulukŋa.

DANYEL 9:11

Israel halaŋ calaɗ kay gaɗta, mbuɗ irisi kiyo humuŋ deleŋ kaɗi. Na ɗaŋŋi, dla cora ɓiiri hu magaara gaɗta vi Moiz, sa sunda vi Lonana, ndi kamiya, kay ana ami li cora egeŋu.

Magaara Vi Sa Jok Vun Lona OZE 2:8

Kay ndaɗta an hin dukuk voɗ makka ki u wayra, hin cakaɗ ki u guna. Ndaɗ hin ka fi voɗ maɗta oloɗi.

MATIYE 13:19

Suu hum dla Mul Lonara, ka waɗ uɗɗi na, tli tasi ko njaf ma yak ki keŋ voɗta na. Sa Cona mba wa ni, yowosi ma waɗi gin hurusina ki gaw.

ROMMA 1:28

Asi ŋgel humusi ki kay min wi gasira vi Lonaraɗi. Ni nam Lona hinisi buɗi hu yal masi ma viɗ kina, dla mayra ka gin a liɗira asi mbuɗ laɗu.

2 PIYER 3:5

Maa humusi ki a gagaɗta kay boyna wanni ay jew dayra Lona diya, huulona u ndaŋgara nam lasiya. Ndaŋgara paɗaɗ ay ki ni duk yona hin miniɗ ni u yo namma,