ESTER 9:20 - Boy Lonana

²⁰ Mardose ɓii dla ndaɗta ki kaŋga halaŋ ɓii ni hin sun magaara ki hu ɦoŋzi ma bagi ma vi mulna Zerses ma ha ki day dayna u ma tok tokŋa lay halaŋ.

ESTER 9:20 ပူးပေါင်းရင်းမြစ်များ

ESTER 8:9

Suu vi mulna suu ɓii magaara yasi ay ni hu li namma gaw. Ni hu til ma hindi ma yam ana Siwanna, hu buuna dok mba' yam hindi ni asi ɓii magaara ko boy ma Mardose damma na maŋ suu Juifna, maŋ suu komondana, maŋ suu muli suu ŋgolona, maŋ suu ŋgolo suu sun suu ha ki hu ɦoŋzi ma baginana ki hu ɦoŋzina 127, col ha hu Ind day ta ta tew ki hu Etiyopi, maŋ mbassa taaragelay u ɓii mamba, maŋ suu taaragelay u vun masina, maŋ suu Juifna u vun masi ma asi ɓiirimma.

ESTER 3:12

Suu ɓii magaara vi mulnana halaŋ yasi ay hu til ma jewna hu buuna doogo yam hindi, asi hin ɓii ni ko gaɗta Haman daɗta na daŋ may, maŋ suu komanda suu vi mulnana, maŋ muli suu ŋgolo suu hu ɦoŋzi ma bagina dew dew lay, maŋ muli suu fok suunana dew dew, ki hu ɦoŋzina dew dew ko nam ɓiira na, gegelay ni u vun mamma. Asi ɓii ha ni u sem mulna Zerses, hin tin ha kaŋga hu ni kaɗumba vi mulnara may.

ESTER 1:22

Nam hin sun magaara ki hu ɦoŋzi ma bagi ma nam ti mulla kamma halaŋ halaŋ ki hu ɦoŋzi maanagelay u ɓii mamba, ki maŋ suuragelay u vun ma asi ɓakamma kay a gegelay li a ŋgolla kay ziimu ɓak u vun ma vi suu mamsinana.

ESTER 1:1

Ni hu cokira vi Zersessa. Zerses namma ti mulla kay mbassa bagira ni 127, col ha kay Ind day ta ta tew ki hu Etiyopi.

KALKIRA 17:14

Yawe di Moiz ana, «Ɓii boy namma kaŋgaa, hinim a maa kiɗi. Di boy namma maŋ Josuwe may. An hin bulum Amalek ki duk suu warna. An bulumum sem ki kay ndaŋgara halaŋ.»

1 DLAŊ MULINARA 16:12

Humugi gagi kay dlara mbuɗ mbuɗta nam laɗta. Dlaamba mbuɗ mbuɗta u kaɓak ma kal ay ki funuma.

ESTER 9:19

Ni kay ndaɗta suu Juif suu cuki hu ɦoŋzinana u suu cuki hu zigini suu hu ɦoŋzinana mbuɗ buu ma doogo yam fiɗi ma hu til ma Adarna ki a buu ma furira, ma ti ti ma luuna, sunum ki fun tasi na nde ndena.

ESTER 9:21

A tin luu ma vun basara hu buu ma doogo yam fiɗina hu til ma Adarna, hu buu ma doogo yam vadlna may,

ESTER 9:26

Ni kay ndaɗta asi yi buu namma ana ni buu ma ki «ŋgaɓina» col ay u sem ŋgaɓpa. Ni kay ndaɗta dlara lasasi u ndaɗta halaŋ ta asi waɗ u irisira u dlara li egesira halaŋ.

ESTER 9:27

Suu Juifna tin gaɗta kaɗ hin vaɗ ki kasiya, kay njafasi lay kay suu taɓ u asina lay, asi ka hin bay li u buu ma mba' namma hu basara tew tew ko asi tin gaɗta ki kamba na hu buu ma ŋgaamma.

ESTER 9:29

Ca mulla, Ester, ta goŋ Abihailla u Mardose ma Juifna ɓii magaara toŋgo na zak a hoŋ dira kay buu ma ŋgaɓam kina.

JEREMI 29:1

Gola ni boy ma sa jok vun Lona, Jeremi, ɓiirim ay hu magaara sunuɗ ay Yerusalem maŋ suu basina halaŋ duk suu yowosi mbaɓurana, muli suu li ɓivunna lay, maŋ suu jok vun Lona u suuna halaŋ halaŋ, suu Nabukodonosor yowosi hu Yerusalem tuɗusi mbaɓura Babilonna.