ESTER 9:2 - Boy Lonana

² Suu Juifna tok tasi ki hu hoŋzina, ki hu ɦoŋzi ma bagi ma vi mulna Zersesna a yow suu hal gin a lasi dla cora egesina. Sa dew lay ni ka col fokosiɗi kay suuna halaŋ mbuɗ ki ndaana kosiya.

ESTER 9:2 ပူးပေါင်းရင်းမြစ်များ

ESTER 8:17

Hu ɦoŋzi ma bagi maanagelay hu ɦoŋzi maanagelay ma gaɗta vi mulnara tew ki huna suu Juifna gi boboora li furira, li luuna u furira. Suu hu mbassana bolow mbuɗ tasi ki suu Juifna kay ana asi mbuɗ ki ndaana ko suu Juifna.

ESTER 8:11

Gola ni boy ma ɓiirim hu magaarana, «Mulna ɦal voɗta maŋ suu Juif suu ki hu ɦoŋzinana dew dew bel ana asi tok eg tasiya, li kaki jejege a kiriɓ suuna, ci suuna, bulum suu asgaa suu taaragelay suu col ay hu ɦoŋzi maanagelay a lasasina kem gorira, boyogiina, ɦurumusi bege masira ki halaŋ halaŋ.

SOOLLA 71:24

Sinin hu buuna halaŋ njaɗ ni kay ɗegee maŋga, zolona tok kay suu halan dlara hahawra ay kanna wa.

SOOLLA 71:13

Ko suu hal a viɗin iiri mandana, tuɗ ba ha ki hu zolo masina, suu halan dlara hahawra ay kanna yasi bal kasi zolona.

EZAYI 8:9

Wagi ki jiviya agi njaf suuna halaŋ, lagi ndaana. Agi suu ha ki hu mbassa daŋga dayna tin humugi ha huma. Minigi tagi a duuna asi hin cagi kiyo. Minigi tagi a duuna asi hin cagi kiyo.

ESTER 9:10

Goryoŋ Haman suu doogona, goryoŋ Hamedata ma las suu Juifna asi casi kiyo. Na may asi hal ka a yow tlesuu hin ki hu jonanaɗi.

JOSUWE 11:20

Yawe soosi hurusi ki hinisi ka a taɓ dukusi banara u suu Israelnaɗi. Asi li duuna u suu Israel ni kay a suu Israelna daɓasi kira, ka asi vi banara u asiɗira. Asi casi ki ni ko ndal Yawe di ka maŋ Moizza na may.

JOSUWE 2:9

Ndaɗ di suu asina ana, «An wi ana Yawe ɦagi mbas ndaɗta ki wa. Ami suu hu mbas ndaɗtana halaŋ ki kogi ni ndaana, suu cuki hu mbas ndaɗta halaŋ ka dlak ndaana kogiya.

GA 8ATAMBARA 2:30

Na may Sihon mul ma Hesbonna ka min a hinimi a jak varambi. Kay Yawe, Loomina, soom hurum ka min a hum boy ma jivinaɗi, kay a ɦamina ki hu duk komira.

KALKIRA 23:27

An hin sun ndaaran ha ki kay suuna fokogiya, suuna humugi dlagi ha na ni mbuɗ ki ndaa cocoo. Suu agi cuk varasina halaŋ mbuɗ ki ndaari. An hin suu babali magisina pereɗ ŋgorosi ka fokogiya.

URA TIN AYRA 35:5

Ŋgoo dagan asi tuɗa, ndaa Lona ndi kay ɦoŋzi ma ŋguy kasina halaŋ, sa cuɗ u goryoŋ Yakobma kaɗi.