ESTER 8:17 - Boy Lonana

¹⁷ Hu ɦoŋzi ma bagi maanagelay hu ɦoŋzi maanagelay ma gaɗta vi mulnara tew ki huna suu Juifna gi boboora li furira, li luuna u furira. Suu hu mbassana bolow mbuɗ tasi ki suu Juifna kay ana asi mbuɗ ki ndaana ko suu Juifna.

ESTER 8:17 ပူးပေါင်းရင်းမြစ်များ

URA TIN AYRA 35:5

Ŋgoo dagan asi tuɗa, ndaa Lona ndi kay ɦoŋzi ma ŋguy kasina halaŋ, sa cuɗ u goryoŋ Yakobma kaɗi.

NEHEMI 8:10

Nam dasi ana, «Tuɗugi tagi ti ma jivina, cagi tlesuu cira suu jivina, ɦagi maŋ sa ma min tam ka u vaɗina nde nde may kay buu namma hinim ki ni maŋ Bu Suuna. Mbuɗugi tagi hahawraɗi kay ana furira vi Yawera ni saɓak magina.»

ESTER 9:17

Ni hu buu ma doogo yam hindina hu til ma Adarna, hu buu ma doogo yam fiɗina asi koɗ tasi hin ti tina u furira.

ESTER 9:19

Ni kay ndaɗta suu Juif suu cuki hu ɦoŋzinana u suu cuki hu zigini suu hu ɦoŋzinana mbuɗ buu ma doogo yam fiɗi ma hu til ma Adarna ki a buu ma furira, ma ti ti ma luuna, sunum ki fun tasi na nde ndena.

ESTER 9:2

Suu Juifna tok tasi ki hu hoŋzina, ki hu ɦoŋzi ma bagi ma vi mulna Zersesna a yow suu hal gin a lasi dla cora egesina. Sa dew lay ni ka col fokosiɗi kay suuna halaŋ mbuɗ ki ndaana kosiya.

ESTER 9:22

ko ndal buu ma suu Juifna fi koɗ tara ko suu masi suu babalira, til ma dlaasira iriɗ pereɗ ki asi ɗiŋ lum ma ɓaɗ ɦayna ki u furira, yoo tara mbuɗ ki furira may. Asi tin buu ma luuna u furira, sun nus tlena duk tasi lay, ɦal tlena ki ɦawa maŋ suu hawra lay.

ESTER 9:27

Suu Juifna tin gaɗta kaɗ hin vaɗ ki kasiya, kay njafasi lay kay suu taɓ u asina lay, asi ka hin bay li u buu ma mba' namma hu basara tew tew ko asi tin gaɗta ki kamba na hu buu ma ŋgaamma.

ESTER 9:3

Suu ŋgolo suu sun suu hu ɦoŋzi ma bagina halaŋ, suu fok suu hu ɦoŋzi ma baginana, muli suu ŋgolona, suu ŋgolo suu sun suu vi mulnana njunni u suu Juifna kay ana asi mbuɗ ki ndaana ko Mardose.

SOOLLA 105:38

Suu Egiptena furi kay asi cuk kira, kay asi mbuɗ ki ndaa kosi cocoo.

SOOLLA 18:43

An gulukusi ki ko ndaŋgara semeɗna siiriɗ kira ɦawa na, an tayasi ki ga u sen ko luɓuna na.

KALKIRA 15:16

Ndaa ma ŋgolna ndi kay suu asina cocoo. U bik koŋ ma saɓak cocona asi seŋ vunusi halaŋ halaŋ. Hu li ma suu maŋsina ka jakŋa, Yawe, suu aŋ suɗusi ay kina hu li ma asi tuɗna.

GA 8ATAMBARA 11:25

Sa ma ndak a col ay fokogi kaɗi, Yawe cukugi ndaaragi ha ki kay suu hu mbassa agi tuɗ huruɗ wandara halaŋ halaŋ, ko nam vi vunum ki jewra na.

GA 8ATAMBARA 2:25

Cemi ni an min a kalagi ndaaragi ha ki kay suu cuki kay yam mbassana halaŋ halaŋ. Hu li ma asi humugi dlagi wa ni asi dlak ndaana coco kogiya.»

JOSUWE 2:11

Ami hum dla ndaɗta ki na ni, ŋgusumi ka kami oloɗi. Gegelay fokogi ni saɓakam kaɗi, kay ana Yawe, Loogina, ni Lo ma kolo huulona may, kaŋga kay ndaŋgara mayna.

JOSUWE 2:9

Ndaɗ di suu asina ana, «An wi ana Yawe ɦagi mbas ndaɗta ki wa. Ami suu hu mbas ndaɗtana halaŋ ki kogi ni ndaana, suu cuki hu mbas ndaɗta halaŋ ka dlak ndaana kogiya.

1 SAMUEL 25:8

Joɓ gor njufii maŋsina asi hin daŋ dla ndaɗta. Ko gor njufii mansina fi li ma jivina varaŋu kay ana ami mba ni hu buu ma luuna. An ceneŋu, aŋ ɦal va ma aŋ ndak a ɦam maŋ suu maŋ suu sundana, maŋ goroŋŋa Davidna aya.»