ESTER 8:15 - Boy Lonana

¹⁵ Mardose kal ay ki vo vi mulna u baraw ma mulla ma vunum ŋgaɗi tus tusna cuki egemu, jum lorra mulla ŋgolla tini kam may, koɓoɗ baraw ma feɗ ma tam wili wilina. Suu hu ɦoŋzi ma Suzna yi kolo u delesira eŋga li furira.

ESTER 8:15 ပူးပေါင်းရင်းမြစ်များ

ESTER 3:15

U gaɗta vi mulnara magaara sel ay ki ni na zak zak gaw, gaɗ ndaɗta hin ɓakaɗ ki hu Suz ɦoŋzi ma saɓakŋa. Haman u mulna kak kaŋga a cira, na may suu hu ɦoŋzinana saa cocoo.

URA TIN AYRA 41:42

Faraw paɗ kaaɗum mamba kay komba kalaɗ ko Yosef, cukum baraw dlemba ma jivira egemu, cukum ɦeɗew lorra kelem may.

Boy Ma Ayra Ma LUK Ɓiirimma 16:19

«Sana dew ni genewra kom cocoo. Nam cuk tammi baraw ma jivi ma gus loɓma. Nam kaki u furira tew tew, ti ti ma jivina lay.

VUN ŊGOLNA 29:2

Hu li ma suu ɗegeena ka hu ŋgolla ni asina, ni suuna halaŋ furiya. Na may lini sa ma dlam cona a ŋgolla ni namu ni, suuna halaŋ yoora.

ESTER 6:8

asi hin mba baraw ma vi mulna ma nam cukum egemma aya, kulum ma mulna ful kamma, ma cukum ŋgarra vi mulnara kamma aya.

ESTER 1:6

Ay fun baraw ma vunum ŋgaɗi tus tus haɓ may, wara may na njuni u zewna haɓ may, tlaw may, fun walak doonora u mbal ma ɦinira. Va ma kak ma fiyeki ma mini u lorra u doonora kay li ma mbuyna mini u ɦinira zeɗ zeɗta, haɓi, tlawi, u guyvun guyvunna may.

MATIYE 11:8

Naɗaŋi agi ay gologi ni mege? Ni sa ma cuk baraw ma jivi ɦayna su? Suu cuk baraw ma jivi ɦayna ha ni hu zina vi mulina.

MATIYE 6:29

Salomon tlena kom coco, baraw mamma jivim tew ka u ɓo tle asinaɗi lay.

ESTER 6:11

Haman yow barawna, vi kulumma may, nam cuk barawna ta Mardose, tlam kolo kay kulumma, poy u nam hu voɗta hu ɦoŋzinara yi ha kolo fokom ana, «Sa ma mulna min a lam umma hin lammi ko wanda na.»

ESTER 5:1

Gola ni dlara hin li buuna jak ki hindira. Ester cuk barawi maɗ suu ca mulla egeɗ ca ni hin col ki hu taraŋga vi mulna kurufu fun ziŋ mulnara. Mulna kaki kay dlam mamba mulla, fun ziim ma mulla, fun grek ma kal hurumma.

ESTER 5:11

Haman hin ndumusi bege mamba ŋgolo ŋgolora kiyo, goryom suu bolowna ki may, dlara mulna laɗ kay jivi mamba hin mbuɗum ŋgolla kay suu mam suu sunda u suu li sunda vi mulnana.

ESTER 8:14

U gaɗta vi mulnara, magaara ɓiiriɗ ndaɗta tew ki ko suu li sunda may ni asi tuɗ ki u ndaɗ ni na zak gaw. Gaɗ ndaɗta asi hin ɓakaɗ ki hu Suz ɦoŋzi ma saɓakŋa.

ESTER 10:2

Sun mamba saɓakŋa halaŋ halaŋ ŋgol mamba kay dlara gorira, Mardose ma mulna ɦam sunda ŋgolla komma, na ni dla ndaɗta ka ki ɓiiri hu magaara ŋgolla Sunda vi Muli suu Medi u Persnaɗi su?

VUN ŊGOLNA 11:10

Ҥoŋzi ŋgolna ka furi kay heɓpa vi suu ɗegeenara. Bara suu dlasi cona ka ba kira asi sanni saniya.

VUN ŊGOLNA 28:12

Sa ma ɗegeena ti wa ni suuna ŋgaam cocoo. Sa ma dlam cona col ay kolo wa ni, gegelay ni ŋgay tam kiyo.