ESTER 3:1 - Boy Lonana

¹ Ŋgoo dagan dla ndaɗta mulna Zerses ɦal sunda ŋgolla maŋ Haman ma goŋ Hamedata ma Agagŋa. Nam tlam tinim a ŋgolla kay suu ŋgolo suu li sunda u namma halaŋ halaŋ.

ESTER 3:1 ပူးပေါင်းရင်းမြစ်များ

NDUMBA 24:7

Ni ko mbo ma ɓaɗ ay ki hu zulum tuɗ u tlesuu zaarina na. Mulla vi suu Israelna ni sura vi Agag, mulla Israella tuɗ ha ni fok na ɗow ɗow.

DANYEL 6:2

Dariyus gol ana a jivira ni nam tin suu kaɓak suu kis duk dok mbana ki kay suuna ki ɦoŋzina halaŋ halaŋ.

ESTER 5:11

Haman hin ndumusi bege mamba ŋgolo ŋgolora kiyo, goryom suu bolowna ki may, dlara mulna laɗ kay jivi mamba hin mbuɗum ŋgolla kay suu mam suu sunda u suu li sunda vi mulnana.

ESTER 3:10

Na ɗaŋŋi mulna paɗ kaɗumba kay komba ɦaɗ ki maŋ Haman ma goŋ Hamedata ma Agagŋa, ma babali suu Juifna.

1 SAMUEL 15:33

Samuel di ana, «Ŋgewna ki doori kay boyogina u goryosi lay kay suŋ duk ɦoŋ boyogina doo ki kay goroɗna lay.» Samuel tuɗ Agag fok Yawe hu Gilgal.

URA TIN AYRA 41:40

An kakaŋ a ŋgolla kay ziinna, suu mansina halaŋ hum u gaɗ maŋga. Dlam manda mulla suuŋŋi ndaɗ doy hol.»

VUN ŊGOLNA 29:2

Hu li ma suu ɗegeena ka hu ŋgolla ni asina, ni suuna halaŋ furiya. Na may lini sa ma dlam cona a ŋgolla ni namu ni, suuna halaŋ yoora.

SOOLLA 12:8

Yawe, aŋ golomiya. Suɗumi ki ko suu co asina.

ESTER 8:3

Ester hin ɓak fok mulna daŋgadla. Ndaɗ gi taɗ kaŋga u gayamu. Ndaɗ tiira, tii taɗ egem ana nam ɦuɗ dla co mayra Haman ma Agagŋa min a laɗta ki u dlara nam taɓaɗ hurum a laɗ eg suu Juifnara.

ESTER 7:6

Ester hoŋ dira ana, «Sa lasanna u saan ma babalira ni Haman, sa ma dlam cona.» Na ɗaŋŋi Haman hurum ɓeŋ ki fok mulna u ca mulla.

ESTER 1:14

Suu ay kaki eg mulna tokŋa ni Karsena, Setar, Admata, Tarsis, Meres, Marsena, Memukan u suu ŋgolo suu kiɗisiya suu Pers u Medi suu voɗta ki kasi buɗi a kak hu li ma fokŋa hu taraŋga vi mulnana.

EZDRAS 7:14

Gasi daŋ may mulna sunuŋ ay ni namu. Suu kiɗisiya suu ɦal gaɗta lay a joɓ u dlara kay Yuda u Yerusalem u gaɗta vi Looŋŋa ta ka koŋga.

1 SAMUEL 15:8

Nam vi Agag mul ma vi Amalekŋa iiriya. Nam ɦal voɗta ana cam suu mamsina halaŋ ki u ŋgewna.

URA TIN AYRA 41:55

Hu li ma suu Egiptena va mbuɗ ka kosi oloɗi ni asi tii tasi eg Faraw kay nam ɦasi tina. Faraw di suu Egiptena halaŋ ana, «Tuɗugi eg Yosef, lagi dlara nam hin dagirara.»

DI BOLLA 10:6

Sa ma ka wi dlaɗina hin fi ni sunda ha ki kolo fok na dayra ma wi dlara hin zaŋ fini sunda ga u tokka may.