ESTER 1:4 - Boy Lonana

⁴ Luuna li buuna na kis duk dok-kalavandi. Nam tak ɦiz mamba hu mullara u jivi mamba ŋgolla kiyo.

ESTER 1:4 ပူးပေါင်းရင်းမြစ်များ

1 DLAŊ MULINARA 29:25

Yawe mbuɗ Salomon ki ŋgolla cocoo fok suu Israelna halaŋ. Nam ɦam saɓakŋa hu mul mamba, mul ma ay ki fok jew kay suu Israelna ma fi saɓakŋa ko nam na kaɗi.

ESTER 1:3

Hu basaɗam ta hindira mulla, nam tin luuna maŋ suu mam suu ŋgolo suu sunda u suu mam suu li sunda. Asgaa suu Pers u Medina, suu begera u suu ŋgolo suu sunda suu ay hu zi ma bagina mbay fokomu.

ESTER 1:5

Hu coki ndaɗta ŋgoo dagan kay suu hu Suz ɦoŋzi ma saɓakŋa, suu ŋgolona u suu gi yasi kaŋga cocona mulna tinisi luuna buuna kiɗisiya hu taraŋga vi mulnara.

JOB 40:10

Kay ndaɗta min taŋ ay u bibiŋilla u ŋgolla, cuk weleɗta u bigawlara ay egeŋu.

SOOLLA 145:5

An hoŋ di dlara mbuɗ mbuɗta aŋ laɗta tew tew, ŋgol maŋga bibiŋil ta sa ndak a waɗ uɗɗira.

SOOLLA 21:5

Nam joɓoŋ kak ma iirina, aŋ ɦamma. Aŋ ɦam buu ma fiyek ma um ka doɗina.

SOOLLA 45:3

Aŋ jivi su suuna halaŋ, oora ɓaɗ ay ki funuŋ ko yona na. Lona paɗ vunum ki kaŋ a fafaɗta.

SOOLLA 93:1

Yawe ni mulna, nam cukŋi baraw ma mulla, Yawe u saɓakŋa cuki egemu. Na daŋ may duliyara kak eŋga ni umu, va ma ŋgeneɗ kaɗi.

EZAYI 39:2

Ezekiyas hurum furi coco u suu mbay asina. Nam takasi huu zi mayra ŋgolla ta tlesuu dlasi ŋgolo ɦayna cuki hura, gursura, lorra, mbitla, u mbul ma his jivina, nam takasi zira kawi ma duuna cuki hura ki lay u tlegeyem suu ŋgay a ŋgom tamma halaŋ halaŋ. Nam ŋgayasi va ka ki kosi na dewɗi, huu ziimba buuna lay, huu zira ŋgolla asi li tokka hura lay, li ma hu mul mambana halaŋ.

EZEKIYEL 28:5

U mbeleŋ maŋ ma coco namma u paara aŋ laɗta, bege maŋga zul ŋgol cocoo. Kay ndaɗta aŋ mbuɗ ŋga taŋ coco u ɦiz maŋga.

DANYEL 4:30

Hu li namma gaw ni dla ndaɗta li ki eg Nabukodonosor. Asi dikim ki duk suuna. Nam ti haɗna ko mbutlina na, tam mbus ki u mbaɗagira huulonara ta ta, tlimiɗ yam si ko tlimiɗ ɓarawna na, liviɗ kom siira ko liviɗ layagina na.

DANYEL 5:18

Aŋ mulna, Lo ma Kolo Dayna ɦal mulla, ŋgolla, bibiŋilla u saɓakŋa maŋ Nabukodonosor buŋu.

MATIYE 4:8

Satanna tuɗum kolo kay ɦinira fiyekka olo, nam takam mulla hu ndaŋgara halaŋ u bibiŋil masira,

MATIYE 6:13

Hinimi hu ndembaɗi. Suɗumi ki ko Ma Cona suɗu. [Kay mulla lay maŋga, garaŋga lay maŋga, ŋgolla lay maŋga. Amin.]

ROMMA 9:23

Nam a tak ɦizza vi ŋgol mamba ki u oora nam laɗta ni, nam min ki fok jew a ɦay ŋgol mamba.

EFESNA 1:18

An min ana agi fagi kiɗikka hurugiya, kay a agi mba li a suu Lona yagi ay agi ka juɓumma, agi mba wi va ma ŋgol ma hu jona ma nam hinim maŋ suu mammana.

KOLOSNA 1:27

Lona min a takasi ɦizza u jivira vi dlaamba ŋgayra kiyo, maŋ suu mamsina duk njaf suuna halaŋ. Dlaamba ŋgay ndaɗta ni ana, Kristu hurugiya ka ɦagi saara eŋga kay agi hin fi ɓorow magina hu bibiŋil Lonara.

WIRA ŊGAYRA 4:11

«Bu Suuna mamina, Loomina, aŋ ndaki a sa ɦaŋ ŋgolla maŋu, geleɗeŋu, saɓakŋa lay ni maŋ bel. Kay aŋ min tlena halaŋŋi aŋu, tlena halaŋ ka iiri ni u min maŋga.»