ESTER 1:12 - Boy Lonana

¹² Na may ca mulla, Vasti, min ka mbay ko mulna di vun sunda ha fun suu mam suu sundara naɗi. Na ɗaŋŋi mulna mbuɗ ki yara ŋgol coco vi ki ko kura na.

ESTER 1:12 ပူးပေါင်းရင်းမြစ်များ

URA TIN AYRA 3:16

Yawe Lona di cara ana, «Ndak hin vi wiina wani wi hawra cocoo, ndak hin vuɗ goryokŋi u lassa. Saa makka halaŋ tokŋi kay njufuku, nam hin lini a ŋgol makka.»

ESTER 1:11

Asi mbaam ca mulla, Vasti, ay fokom u jum maɗta mulla a takaɗ ki maŋ suuna u jiv maɗna maŋ suu ŋgolo suu sunda vi mulnana. Kay ana ndaɗ jivi a goloɗ u iriŋga ɦay.

ESTER 1:13

Doli ɗi ni dlara vi mulinara halaŋŋi tuɗ ni fok suu malayaŋ gaɗtana halaŋ u suu kaɓakŋa.

ESTER 7:7

Mulna u hurum ma cora col ki hin li ma luuna tuɗ ki u ŋgusugi suu hu taraŋgana. Haman hin kakira a joɓ ana hin ca mulla, Ester, iiriyara, kay nam wi ana dla cora a faɗta col ha ni ko mulna.

SOOLLA 74:1

Soolla haɗta vi Azaf. Lona, aŋ zuɗumi ha ki na gak gakŋi kay mege? Huruŋ ɓeŋi eg yoori suu ka hu katlaŋ maŋga na gakŋi amege?

SOOLLA 79:5

Ҥi, Yawe, ya ndaɗta tuɗ ta ta tew ni ara na gage? Yaaŋga ŋgalami tami ko kura nara hin hinimi ni saɓage?

KALKIRA 32:19

Doli hu li ma asi tew eg kaŋŋa na tokŋi asi wi goo mbutlna, suuna luu may. Moiz hurum ɓeŋ ki cocoo. Nam cuk ɦini mayra ceɗi ta ay komba kiyo, tooɗ ki ga u ɦinira ŋgolla.

KALKIRA 32:22

Aaron hoŋ dira ana, «Ko huu sa ŋgol manna ɓeŋ egenɗi, aŋ wi lay ana suuna cemini ki ɓeŋiya, hurusi hal ni dla cora tew tew.

VUN ŊGOLNA 19:12

Yara vi mulnara ni ko ndal dlona gi ŋgoɓpara na. May oo mamba ni ko ndal mbaɗagira gi hum usunara na.

VUN ŊGOLNA 20:2

Ndaa mulna li suuna ni ko ndal ndaa dlona hu li ma nam gi ŋgoɓpara na. Sa ma ɓeŋ huu mulnana hal a ba ki ni iiri mamba.

DANYEL 2:12

Na ɗaŋŋi mulna mbuɗ yara cocoo, ɦal voɗta ana, ci suu wi dlara hu Babilonna ki halaŋ.

DANYEL 3:13

Nabukodonosor u hurum ma yara ɗaŋŋi ɦal voɗta ana asi mbaam gi Sadrak, Mesak u Abed Nego aya. Suu asina asi yowosi ay fok mulna.

DANYEL 3:19

Na ɗaŋŋi Nabukodonosor hurum ɓeŋ cocoo, vogom yow eg gi Sadrak, Mesak u Abed Nego. Nam ɓak boyna hin ɦal voɗta ana asi gi ku zulla ki sura jewra ta ta yamba kiɗisiya ko asi jew day gaɗ kura huruɗta na.

NAHUM 1:6

Sa ma hin fi saɓakŋa a col fokomma ni gege? Sa ma hin col fokom a duu u nam hu li ma nam ki mbuɗi yarana ni gege? Yaamba sulul ni ko ku zinana, gogoyra loɗ ha ki fokom lay.

EFESNA 5:22

Boyogina humugi u njufuyugiya, ko agi hum u Bu Suunara na.

EFESNA 5:24

Ni boyogina mba hum u njufuyusi ni hu tlena halaŋ ko suu vi Kristuna hum u Kristura na may.

GA 8ATAMBARA 29:20

Yawe hin kakam ki ni vay dam zeɗ u suu Israelna kay dla coomba ko ndal dlara ɓiiri hu magaara Galamba wanda dira na may.

1 PIYER 3:1

Agi boyogina may ni humugi u njufuyugiya, kay ana suu dukusi ɦiw li ka vi u Boy Lonanaɗi lay ni asi hin mbuɗ a vi u Boy Lonana u poy magira jivira bay agi dasi boy lay.