EFESNA 6:5 - Boy Lonana

⁵ Agi mborɓiina humugi u maliyagina kaŋga kay ndaŋgara tani, lasi ndaarasiya u huu ma jivina, ni ko agi sunni Kristu na.

EFESNA 6:5 ပူးပေါင်းရင်းမြစ်များ

EFESNA 5:22

Boyogina humugi u njufuyugiya, ko agi hum u Bu Suunara na.

MALASI 1:6

Goona ŋga bumu, sa sunda ŋga malamma. Doli wani an li ni Buna ni ŋgara agi ŋgaanda ni arage? Li ni anni sa haɗagina ni humba agi humunda arage? Yawe, ma saɓakŋa kom belna, dagi na, agi li ɓivunna u tlesuu ɓeŋen sen kina. Agi hoŋdira ana, «Ami ɓeŋeŋ seŋ ki ni u mege?»

1 PIYER 3:2

Asi wagi poy magira jivira u lira agi lasi zoloosira.

FILEMONDA 1:16

Nam cecemi ka mbaɓuna ɦawaɗi, nam mbuɗ ni su sa ma mbaɓuna, ni wayay ma gasina. Nam jivi coco kanu, jivi saɓaki coco ni kaŋ aŋu, ko mbaɓuna na ko wayaŋŋa hu Bu Suuna na lay.

FILIPINA 2:12

Banayanna agi hum ay un hu li ma an ay dukugina, va ma ŋgolna ni agi mba hum un ko ndaɗta na, lini an ka dukugiɗi lay, lagi sunda kay suɗ magira u ndaana huwa.

SOOLLA 86:11

Yawe takan voɗ maŋga, an min tuɗ ni hu gasi maŋga, mbuɗun hurun a an laŋŋi ndaaraŋ dew.

2 KORINTNA 1:12

Gola ni va ma ami ŋga tami kamma, wiimira fokomira takami ana ami poyomi hu ndaŋgara tani dukugi ni u gasira u ɗegeera vi Lona u oora vi Lona ka u nera vi saɗi.

1 KORINTNA 7:22

Sa ma mbaɓu ma Bu Suuna yamma nam mbuɗ ki buɗiya, ni ko Bu Suuna. Sa ma vuɗi ma Kristu yamma nam mbuɗ ni mbaɓu mamma may.

MATIYE 8:9

Anu, suu suunna ka may. Asgaa suu an suusina ka may. An di maa wa ana nam tuɗa ni, nam tuɗa. An di maa wa ana ma daŋ mbay olo ni, nam mbaya. An di sa ma sunda wa ana nam li na ni, nam liya.»

MATIYE 6:24

«Sa ndak ka li sunda fok mulina mba'ɗi. Nam li min ma hiŋŋa ni hin maa ki dew. Nam li ɗegee u maa dew ni hin noy ma hiŋŋa may. Agi ndak a sun Lona may, gursura may na jakgi»

URA TIN AYRA 16:9

Sa sunda huulona vi Yawe daɗ ana, «Hoŋ eg malakka, hom yak gaa fokoɗu.»

EFESNA 6:24

Ko oora vi Lona kak u suu min Bu Suuna mayna Yesu Kristu u minda ka daɓbira halaŋ.

SOOLLA 123:2

Na daŋ may, ko ndal mborɓiina irisi kolo u ko malayasinara na, ko ii goo mbaɓura kolo u ko malaɗta na, na may irimi halaŋ ka yowi kolo u Yawe, Loomina. Ami ka juɓummi oo mamba.

1 DLAŊ MULINARA 29:17

An wi ana aŋ, Loonna, wi huu suuna. Aŋ minni ɗegeera. An may ni u hurun ma ɗegeena an ɦaŋ tle asina halaŋ. Cecem wanda suu maŋsuu ka tanina an ka wasi asi ɦal tlena u furira u hurusi ma dewna.

JOSUWE 24:14

Josuwe hin gi mamma hu di ana, «Cemi wanda ni agi lagi ndaa Yawe sunummi namu, u ndaana u huu ma jivina u ɗegeera may. Cukugi loogi suu somoyogi sunusi ay ŋgoo lumma ii hiniŋŋana kiyo u suu ay kosi hu Egiptena lay. Sunugi ni Yawe.

2 KORINTNA 7:15

Min mamba nam minigira ŋgol cocoo. Hu li ma humum gam kagina, kay agi halaŋ hum um jiviya. Agi vam dukugiya, dlak ndaana komu.

1 KORINTNA 2:3

Ni kay ndaɗta an mba dukugi ni saɓakan kaɗi, dlak ko ndaana,

SUNDA 2:46

Hu buuna tew tew ni asi tok tasi hu Ziŋ Lonara, ti funa vo hu zira dewra halaŋ ko tasiya, hurusi eg tasi jiviya.

MATIYE 6:22

«Iriŋŋi pindilla kay tliw taŋu. Iriŋ li jiviya ni, tliw taŋ ki ni kiɗik may.

ROMMA 9:3

An min ana lini Lona gan vunna ɓorowon duk ɦoŋon ki u Kristu kay gorsen suu hu njafanna lay ni giya.