EFESNA 6:20 - Boy Lonana

²⁰ Anni sa ma gi sunda kay Boy ma Ayra, lini an cecemi ka hu daŋgayna lay, cenegi kay an di boyna u eŋga ko an a lira na.

EFESNA 6:20 ပူးပေါင်းရင်းမြစ်များ

2 KORINTNA 5:20

Ami varak balam Kristu a di boyna ko Lona u tamba yagi funumira na. Ami cenegi u sem Kristu hinigi taɓ duk hoŋogi u Lona.

KOLOSNA 4:4

Cenegi kanu kay an a ɓak boyna ki jivi teteɗ a suuna wam kiyo, ko Lona min an lira na.

2 TIMOTE 2:9

An wihawra ka njuni kaŋga u galina kay an ka di Boy ma Ayra namma ko sa ma li dla cora na lay ni Boy Lonana ka njuni kaŋgaɗi.

FILIPINA 1:7

Ko wani na ni jiviya an ka saa kagi halaŋ kay an yowogi hurunu a agi mba fi va ma Lona ɦanna na, lini an ka hu daŋgayna cecemi lay ni an li ay ki ɦawara lay, ni kay a doo kay Boy ma Ayra, colom ki u voɗom ɗegee.

SUNDA 26:29

Pol hoŋom dira ana, «Cecemi lay, ha fokka lay an cen Lona ana huruŋ mbuɗ ni aŋ dewɗi, agi suu humun karam boy mannana halaŋ mbuɗ ni ko an na may, kay njunda an njuni u galinara ɦawaɗi.»

1 JAŊ 3:16

Gola aygi wi ana minda ni ana mege? Ni ana Yesu Kristu ɦal iiri mamba ki kaygiya aygi may ni ɦal maygira ki kay gorseygina may.

2 TIMOTE 1:16

Bu Suuna ɦal jivi mamba maŋ Onesifor u suu mamma, kay nam ka heɓen hurun tew tew, an hu daŋgayna lay ni nam ka li zolo konɗi.

1 TESALONIKŊA 2:2

Hu li ma suuna lasami ay hu Filipi ŋgulumi lay ko agi wira na, Lona hin njunumi ɦami ɦiŋga a dagi Boy mamma Ayra duk ciwayra vi suuna.

FILIPINA 1:20

Cecemi an vi kan a juɓum u furira, an ka fi dlara an a mbuɗ zolo kaɗi, gak gak karami an ka juɓummi juɓi naɗow ni an tak ki kay ŋgolla vi kristura eg tanu lini a kak iiri lay lini a miɗ miɗi lay.

EFESNA 6:19

Cenegi Lona kanu a Lona ɦan boy ma jivina hu li ma an a damma, kay an a di u eŋga a tak dlara ŋgayra vi Boy ma Ayra kiyo.

EFESNA 4:1

An joɓogiya an sa ma daŋgayna kay sunda an sun Bu Suunara, kay sunda an sunumba, poyogi u minda vi Lona ko nam yagi ayra na.

EFESNA 3:1

Ni an Pol sa ma daŋgayna vi Kristu an cen Lona kagi agi suu ka njaf suu Juifnaɗina.

SUNDA 28:31

Nam dasi boyna kay Mul Lonara, haɗasi boyna kay Bu Suuna Yesu Kristu, bay ndaana sa doorom kaɗi.

SUNDA 28:20

Agi gola an yagi ay ni agi wiya an dagi ni na, ni kay juɓpa suu Israelna ka juɓa an ka njuni kaŋga u galina ni kayami.»

SUNDA 5:29

Piyer u suu vovoɗta hoŋosi dira ana, «Lini nanagelay ami hum vun Lona ni su suuna.

VUN ŊGOLNA 13:17

Sa ma vun sun ma cona puk kaŋga hu dlara yoora. Sa ma vun sun ma ɗegeena ni kumu ma garaɗ tuguɗiira kina.

Magaara JUD Ɓiiriɗta 1:3

Banayanna an hurun haɗ ana bay ɓiirigi magaara ha kay boy ma Lona suɗuygi ki halaŋŋa baɗi, Lona ɦeɓen a ɓiirigi magaa ndaɗta kay a njunugi a duu kay vira Lona ɦaɗ maŋ suu mamsina yam dew ni a fafatɗara.

FILEMONDA 1:10

An joɓoŋŋi kay Onesim, nam mbuɗ ni goronna hu Kristu, hu daŋgayna tani.

SUNDA 21:33

Sa ma ŋgol asgaana mba eg Pol kalani vamu, dasi ana ɗagam u galina mba', hin joɓom ana nammi gege? Nam li mege?

EZAYI 58:1

Bu Suuna di ana, Oo uŋ koloo, sawalla loɓbi, ko ndal tokolomma bura na, tli deleŋ koloo. Dla cora suu mansina laɗta dasira ha kiyo. Di goryoŋ Yakobma ha ki kay suluk masina.

JEREMI 1:17

Aŋ may ni, aŋ hin njun u furuŋu, col kolo ɓakasi dlara an daŋgara, hinisi a asi su kaŋgi. Li ka naɗi ni an hin su kaŋ fokosi may.

EZAYI 33:7

Gola suu masi suu saɓakŋa ka tiira, suu sunusi ay a taɓ duk ɦoŋgana ka tii cocoo.

JEREMI 40:1

Yawe ɓak boy mamma maŋ Jeremi ŋgoo dagan hu li ma sa ŋgol asgaana Nebuzaradan sunum ha ki hu Rama. Nam vam ki komu, na may nam u galina sem njuni duk suu daŋgay suu Yerusalem u Yudana halaŋ halaŋ suu yowosi a tuɗusi ki Babilonna.

2 KORINTNA 3:12

Kay ndaɗta juɓ mamira ka ni ko wanda na, ami lami ni u gasira.

KOLOSNA 4:3

Cenegi kamiya, kay Lona mba ɦami voɗta jivira a di boy mamma ŋgayna vi Kristu, an ka cecemi daŋgayna ni kay boy mamma ŋgay namma.

FILEMONDA 1:9

An min joɓoŋ u minda an ka hura, ni an Pol, sa ma maana, cecemi ni sa daŋgayna kay Yesu Kristu olo.