EFESNA 6:11 - Boy Lonana

¹¹ Yowogi kawi ma duuna vi Lona kogi halaŋ kay agi mba fi saɓak ma col a duu u ganyamba vi Satanna.

EFESNA 6:11 ပူးပေါင်းရင်းမြစ်များ

2 KORINTNA 10:4

Kawi ma aygi ka duu taygi, u namma ka ko ma vi suu duk ndaŋgarana naɗi, ni kawi ma saɓakŋa vi Lona ndak kay a to gulumunna ki kaŋgaa, ay to tlesuu ka u voɗosiɗina ki ni u kawi namma.

ROMMA 13:12

Njeŋgera jak ki wa, maɗiira hinni tok, kay ndaɗta aygi hiniygi sunda vi ndufunda kiyo, yowoygi tlesuu duuna hu kiɗikka koygiya.

1 TESALONIKŊA 5:8

Aygi suu hu faalirana lakaygi taygi miniya, cukuygi koroŋ ma vira u minda taygiya, tinigi jumba mulla juɓpa ɗigilla vi suɗta kagiya.

EFESNA 6:13

Ni kay ndaɗta vagi kawi ma duuna vi Lona kogi halaŋ, ni buu ma cona hin mba wa ni, agi ndak a col saɓak fok saagi ma babalira, agi duu wa na gak gak hu daɓpa wanni agi li coli saɓak hu dlaagira.

1 PIYER 5:8

Gologi jiviya kakagi jek jekee, kay Satanna kuɗuk ko dlona gi ŋgoɓpa na hal gegelay kay a komomu.

2 KORINTNA 2:11

Ka a hin Satanna su kaygiɗira wanni, kay dlaamba ka iriygi viɗiɗi.

EFESNA 4:14

Ni aygi ka hin li ko kemba na oloɗi, a semeɗna zuɗuy tana tani naɗi, a hum u haɗta vi suu daŋŋa zul kay ndaŋgara a ganyam suunaɗi, a cuk suuna hu dla cora asi laɗtaɗi.

KOLOSNA 3:10

Kay mege agi cukugi sa ma wilina ki kagi wa, sa ma wilina mbuɗ ha fok wili na tew tew tli tam ko Lona ma minimma na, gak gak nam wi Lona ki gasi.

ROMMA 13:14

Cuk iirira wilira vi Yesu Kristu Bu Suunara kagiya. Viɗ tagi ki kay saara vi suu warna u furira vi mbalatara ɦawaɗi.

2 KORINTNA 11:3

An li ndaana kay yal magina ɓeŋ kiɗi, a agi noyogi taɓ magira gasira teteɗta u Kristu kiɗi ni ko Eve na, hin taɗ guyna ganaɗ yaɗ u kaboyna.

2 KORINTNA 6:7

A gasira vi boy ma ami damma, u saɓak Lonna, u va ma ami lam komi ko ɓagina u mbarina nana ni ɗegeera, a li sa u ndaɗ lay a doo kay tami lay.

WIRA ŊGAYRA 2:24

Egegi agi suu hiŋŋa suu vi Kristuna hu Tiyatir ni agi njun tagi ka u haɗta co ndaɗtaɗi, agi ka hum va ma suu asina yam ana dlara ŋgayra ŋgolla vi Satannaraɗi. An min dagi ana an ka tinigi va ma nek ma daŋ kagiɗi.

EFESNA 4:24

Cukugi bakka wilira egegiya, ni ta mini tli taɗ u Lonara ndaɗta tak ki kay iiri mayra ɗegeera u gasira.

HEBRENA 7:25

Nam ndak suɗ suu mba eg Lona u semma kiyo, cecemi lay a fafatɗa, nam ka iiri tew tew, cen Lona kasiya.

Magaara JUD Ɓiiriɗta 1:24

Nam sa ma ka gologi hu dlara fagira halaŋŋa, agi hin mba lak fokom bay cora hu ŋgol mamba u furira din din.

2 KORINTNA 4:4

Asi ka ndak a viɗi kay lo ma co ma hu ndaŋgara tanina kuluɓusi yal masina ki wa. Lo namma doorosi kay a wi kiɗikka vi Boy ma Ayra ma tak ki kay bibiŋilla vi Kristura, ma tli tam u Lonna.

1 KORINTNA 10:13

Ndemba agi waɗ halaŋ wanda li ay ni eg suuna gasi, Lona ka hin va ma nam damma ki ɦawaɗi, nam ka hinigi ndemba mba su kay saɓakagiɗi, hu li ma ndemba mba kakina wanni nam hin ɦagi saɓakŋa agi mba su kaɗu. U dlara agi hin mba puruɗ tagi ki koɗta lay.

MARK 13:22

Suu ɦiw hin mba di ana, Anni Sa Lona Fuurumma. Anni sa jok vun Lonna. Ni kaboyna. Asi li dlara mbuɗta u takka ni ana lini asi fi voɗta ni, asi viɗ ii suu Lona manasi kina usiya.

WIRA ŊGAYRA 12:9

Dragoŋ ma ŋgolna dikim ay ki kaŋgaa, nammi guy ma basina yam ana Satanna, ma ganyam suuna hu ndaŋgara halaŋŋa, dikim ay ki kaŋga kay ndaŋgara u suu mam suu sunda umu.

WIRA ŊGAYRA 19:20

Asi vi vabakŋa daŋgayna u sa jok vun Lona ma kaboyna, sa ma li dlara mbuɗta irimma. Nam ganyam suu huɗukka vi vabakŋa egesina ni u boy namma, a asi cen vabakŋa u va ma tli tam ko nam nana. Vabakŋa u sa jok vun lona ma kaboyna cukusi ki duk mbo lum ma kura ŋgal suufra.

Magaara JAK Ɓiiriɗta 4:7

Hoŋogi yagi kaŋga fok Lona, noyogi Satanna kiyo, nam hin pii hinigiya.

SUU KAƁAKŊA 3:2

Li dla ndaɗta na ni a ɦaɗ gor suu Iraelna, ni a haɗasi dla duuna kay asi ni suu wi dlara duuna ay ka fok jewɗina.

NEHEMI 4:13

An di suu ɓii magaara, suu kaɓakŋa, u suu hiŋŋa ana, «Sun ndaɗta jiviya, ŋgol coco lay. Ami ki njayra kay gulumunna duk ɦoŋomi ki eg tami na day day.