EFESNA 5:3 - Boy Lonana

³ Agi suu vi Lonana, njaf cora ko boy zoŋga, bay ɗegeera, ŋgiziɗ tlena vi saa, ni halaŋ mba li dukugiɗi.

EFESNA 5:3 ပူးပေါင်းရင်းမြစ်များ

SOOLLA 10:3

Sa ma cona ka ŋga tam kay godlom mamba, sa ma yow tlena vi suuna hin Yawe kiyo, ŋgulum lay.

SOOLLA 119:36

Mbuɗun hurun kay gaɗ maŋga na ɗow, ka kay begera vi suu kay ndaŋgaranaɗi.

KALKIRA 18:21

Duk suuna ni aŋ man suu ndaki suu li ndaa Lona, suu dlasi jivi ii suunana, suu ka ɓeŋ dla kiɗina. Aŋ tinisi fok suuna a mulina fok suu buɓma, fok suu kisna, fok suu dok-vadlna may, fok suu doogona may.

KALKIRA 20:17

«Aŋ ŋgiziɗ ziŋ ndaraŋŋanaɗi. Aŋ ŋgiziɗ caŋ ndaraŋŋaraɗi, ŋgiziɗim saam ma li sunda varammaɗi lay, goora li sunda varambaɗi lay, mbutl mammaɗi lay, korro mambaɗi lay, tlesuu varamma halaŋ maa na nde lay, aŋ ŋgenembi.»

KALKIRA 23:13

Agi saa kay dlara an dagira wanda tew tew, agi mba goɓ lo ma daŋgi, sa ka hum sem lo ma daŋ funugiɗi.

VUN ŊGOLNA 28:16

Mul ma ka neeyɗina las suuna cocoo. Sa ma ka min a vi warak ma kul ko saɗina ni buu mamma kay ndaŋgarana hin ɦuɗ foko.

JEREMI 22:17

Iriŋ u saaraŋ tinira ni kay li ma aŋ a fi tlena huna, a vo busu sa ma li va kaɗina ki kaŋga lay. Li dlara eg suuna u saɓakŋa bay saara lay.

JEREMI 6:13

Asi halaŋ, kemba u suu ŋgolona gegelay hal ni li ma nam fi huna. Asi halaŋ, suu jok vun Lona u muli suu li ɓivunna tuɗ masira ki coo.

JEREMI 8:10

Na ɗaŋ an ɦasi boyogosi ki maŋ suu daŋŋa. Sene masina an hin ɦam ki maŋ suu yowom kina. Kay ana kemba u suu ŋgolona halaŋ min saɓakŋi begera, suu jok vun Lona u muli suu li ɓivunna halaŋ tuɗ masira ki coo.

EZEKIYEL 33:31

Suuna hin tok ay cocoo. Asi hin mba mol fokoŋu. Asi lak fokoŋ a hum dlara aŋ hin dasirara. Na may asi ka ndak a li uɗɗi. Boy maŋŋa kal humusi jivi cocoo, may hurusi ki tinira ni kay ɦizza.

DLAŊ LEVIRA 15:18

«Lini sa njufna u cara buu tasi wa ni asi mbus tasi kiyo, asi ki mbuɗi njenje ta ta fiɗigiya.»

MISE 2:2

Asi ŋgisiɗ senena, hin kulumu, ziginina, hin tlasi may. Asi vi malaŋ zina u ziimu, sana u bege mamba.

NDUMBA 25:1

Suu Israelna vi mbutluɓ masisina hu Sitim, suuna gijaŋ li dla cora u gorɓii suu Moabma.

MATIYE 15:19

Saara cora col ay hu sana, zuɗum um ha a ci maɗna, li zoŋga may, li dla cora, kulna, kaboyna, li ŋgeŋŋa kay suuna halaŋ lay.

Boy Ma Ayra Ma LUK Ɓiirimma 12:15

Nam hin di suuna halaŋ ana, «Gologi tagi jivi kay godlom begera. Lini sana bege coco lay ka kak iirira ni kay ndaɗtaɗi.»

Boy Ma Ayra Ma LUK Ɓiirimma 16:14

Suu Farisenna hum boy namma ki halaŋ ɗaŋi, gijaŋ pan Yesu kay asi min gursura.

SUNDA 15:20

Ɓiirigisina magaara, asi kom tliw ma njenje ma sana li ɓivunna maŋ fulina u nammaɗi, doo tasi kay dlara zoŋga, asi kom tliw tlesuu muruɗusi muruɗina ɗi, ci busunaɗi lay.

SUNDA 20:33

An hal gursura doonora u lorra ay ka ko saɗi, baraw ma cuk tanɗi lay.

ROMMA 1:29

Asi hoɓi u dlara dadamba, dla cora, halla hal tlena, huu ma cona, honira, ci maɗna, hoo vunna, ganyamba, mbaɗ vun ndarayasina u cora hu dlara dadamba ŋgolo.

ROMMA 16:2

Taɓagira ugi u sem Bu Suuna ko suu vi Lonana li duk tasira na, njun uɗ hu tlesuu ndaɗ ndak a lasi egegina halaŋ, ndaɗ kay taɗta njun u suuna cocoo, njun un tanda lay.

ROMMA 6:13

Hinigi mbalatagi a li sunda maŋ dla cora ko tlesuu sunda vi dla cora naɗi, ɦal tagi ni maŋ Lona na ɗow. Ko suu paɗ aygi kolo iiri hu miɗnana na, hinigi tagi ni a lam sun mamba ɗegeera.

1 KORINTNA 10:8

Hiniygi taygi kay dlara zoŋgaɗi, ko suu dukusi ɦiw li ko ndaɗtana, suuna bup bup dok mba' yam hindi miɗ hu buu ma dewna.

1 KORINTNA 5:1

Suuna ɓak kagi na tew tew ana dlara ka dukugiya, dlara zoŋga ndaɗta suu bay vina lay ndak ka li naɗi, asi di ana sa maa dukugi dew ni vi caŋ bumba ki umu.

1 KORINTNA 6:13

Agi di olo ana tina ni kay hayra, hayra ni kay tina may. Na may nam Lona hin ɓalakasi ki jak, Lona li mbalata sana ni ka kay dlara zoŋgi, mbalata sana ni maŋ Bu Suuna. Bu Suuna ni kay mbalata sana may.

1 KORINTNA 6:18

Piirigi ki kay dlara zoŋga, cora daŋga sana laɗ halaŋga, ki buru eg sana, sa ma ɦal tam kay li zoŋga, li co ndaɗta ni eg mbalatam gaw.

2 KORINTNA 12:21

An hin tuɗ ha a gologi wani an li ndaana kay Lona hinin an a hoŋ yan kaŋga fokogiɗi, an tii ni tiiriya kay suu li cora ŋgolo bay hoŋ homba kay coosira tuwa, boy zoŋga u cora asi haɗi laɗ tew tewra.

EFESNA 5:12

(Suuna li zolona kay dlara vi suu asina laɗ ŋgayra).

EFESNA 5:5

Wagi ki kagi anaba sa li zoŋga u sa li dlara njenjera u sa hal tlena vi suuna, (kay hal tlena vi suuna ni ko sa goɓ fulina na) sa namma ka kal hu mulla vi Kristura ura vi Lonaraɗi.

FILIPINA 1:27

Va ma ŋgolna ni poyogi jivi taɓi u Boy ma Ayra vi Kristu, an hin tuɗ ha gologi wanni hin wi ana, lini an ka dukugiɗi lay ni agi laki saɓaki, saa magira taɓi a duu u hurugi taɓi dew hu vira agi faɗ hu Boy ma Ayra.

KOLOSNA 3:5

Cagi dla mayra cora egegi hu duliyara wanda ki halaŋ, boy zoŋga, dlara ka teteɗɗira, bay ɗegeera, saara cora, huu ma ŋgiziɗ tlena, (ŋgiziɗta ŋgiziɗ tlena ni ko goɓ fulinara na).

1 TESALONIKŊA 4:3

Lona minni ana agi li tagi ki teteɗ, agi doorogi tagi kay dla cora.

1 TESALONIKŊA 4:7

Lona yaygi ka kay dlara njenjeraɗi, aygi kakŋi hu teteɗta.

1 TIMOTE 2:10

Li sunda jivira ko boyogi suu li sunda ii Lona jivina na.

1 TIMOTE 3:3

Nam lini sa ma ɦal tam ki maŋ summaɗina, sa ma honiraɗi lay, lini sa ma ɗili lalamma, ɦal tam ki u minda vi gursuraɗi.

1 TIMOTE 6:10

Minda vi gursura ni sari dlara vi njaf cora halaŋ, suu ɦiw ni ŋgiziɗ hurusi na, asi viɗ tasi ki day eg vira, asi oy hurusi u yoora ŋgolo.

2 TIMOTE 3:2

Suuna hin mbuɗ ki ni kurufuku, li banara ni u gursura, tli yam tasi koloo, ŋga tasiya, asi, hin duu u Lona, ka hum u somoyosiɗi, asi ka gi deɓ kay tlenaɗi, ka li zolo kay tlesuu teteɗnaɗi lay.

TITTA 1:11

Lini nanagelay ni casi vunusiya, kay asi ɓeŋ suuna ki u deeresi halaŋ, haɗasi dla mayra cora kay fi gursura u ganyamba.

TITTA 1:7

Sa ma fok suu vina, sun mamba ni kay li tlena vi Lona, lini nanagelay sa mba fam ŋgul egembi, nam lini sa ma bay ŋga tamma, mbuɗ ya zakgi lay, lini sa ɦal tam ki kay summaɗi, sa honiraɗi lay, ka sa ma fi gursura u ganyambaɗi lay.

TITTA 2:3

Di boyogi suu maana poy masira mba li ko suu teteɗna na. Asi mba nja kosi kaŋga u dlara ɦay ɦayra coraɗi, mbuɗ tasi mborɓiina vi summaɗi lay. Asi ɦal ni gaɗta jivira.

HEBRENA 12:16

Gologi tagi jiviya a sa mba li dlara zoŋgi, ko suuna ŋgolo humusi ka kay tlesuu teteɗnaɗi, ko Ezaw ma gus ŋgol mamba ki kay tlesuu tira naɗi.

JOSUWE 7:21

An wi baraw robba ŋgolla jivi cocora ay hu Babilonni, doonora kis kis mba' may, tokolo lorra dew may. An irin filiw yowosi aya. An pasi ka ga hu mbutluɓma, doonora ŋgay ki kaŋga u may.»

1 PIYER 5:2

Gologi jiviya, ko agi suu gol yoori suu Lona ɦagisinana na. Golosi u huu ma jivina ko Lona minda na. Ka ko ɦeɓegi ni ɦeɓi naɗi ni kay a faɗ kini vun sun magira, ka kay warakŋa vi gursuraɗi, ni kay minda vi huuna.

2 PIYER 2:10

Suu li dlara njenjera u minda vi mbalatasina ŋgul ŋgolla vi Lonara ni nam hin cukusi daŋgayna. Suu haɗ haɗta cora an dagi kasina, ni suu ŋga tasina, suu li tlena zak, bay saara, asi ka ɦal ŋgara maŋ suu ŋgolo suu huulonaɗi, ŋgulusi ŋguliya.

2 PIYER 2:14

Irisi hal ni dlara zoŋga, cora ka ndakasi liraɗi, asi ganyam suu maŋina, hurusi oyra u kurufuk begera, givun ma vi Lonna ka kasiya.

2 PIYER 2:3

Saa masira ni kay a fi gursura, suu haɗ haɗta co asina hin taɗagi usi u dlara ka gasiɗira. Sa ma kaɓakŋa kasina kaki day day ka buu senɗi, ɓeŋ masira ka juɓ ta taɗi lay.

WIRA ŊGAYRA 2:14

Va ma hurun ɓeŋ egeŋ kamma kaa, kay suu tin hurusi kay haɗta vi Balaamma ka varaŋu. Balaam haɗ Balak dlara suu Israelna cuk kaŋga hu cora, asi kom tliw ma li ɓivunna maŋ fulina u namma, li dlara zoŋga lay.

WIRA ŊGAYRA 2:21

An hiniɗ lina a ndaɗ mbuɗ huruɗ kay cooɗta, ndaɗ ka min a mbuɗ huruɗ kay dlara zoŋgaɗi.

WIRA ŊGAYRA 21:8

Kay suu may suu maŋina, u suu bay ɗegeena, suu li dlara njenjera, suu ci maɗna, su li zoŋga, suu kumuna, suu goɓ fulina, u suu ka boyna, liisi ma kakŋa hin lini duk mbo lum ma ŋgal kura u suufra, ni miɗ ma mbana.

WIRA ŊGAYRA 22:15

Suu may suu li dlara njenjera, suu li kumuna, suu li zoŋga, suu ci maɗna, suu goɓ fulina u suu may suu kaboyna u vunusi lay u sunda layna, suu asina halaŋ hin lak ha ki doŋ kaana na day.

WIRA ŊGAYRA 9:21

Suu asina ka hom kay coosira ci maɗnaɗi, u kumu masi ma kosina, u dlaasira zoŋga u kul masinaɗi.

1 SAMUEL 8:3

Na may goryom ka tuɗ kay balam sembi. Hurusi ma tini kay begerana, asi vi ɦalla ɦawara, asi hin dlara ɗegeera kiyo.