EFESNA 5:27 - Boy Lonana

²⁷ Nam li na ni kay a col suu vi Kristuna ki fokom u jivi masira u tamba ki teteɗ, cora ka huɗi, zozot ka huɗi lay, turubut ka huɗi lay, va ma daŋ ma co ka huna ndeɗi lay.

EFESNA 5:27 ပူးပေါင်းရင်းမြစ်များ

KOLOSNA 1:22

Cecemi u miɗna vi goromma fam hu mbalatamma, Lona taɓagi dukugi u namu, kay a mbuɗugi fokom teteɗ bay cora, bay ŋgulla.

HEBRENA 9:14

Lini jivi na ni busu Kristu hin lini ko me na ɗaŋge, u Musukka didinda nam ɦal tam maŋ Lona ni ɓivun ma pasiyakŋa. Bu Suuna hin mbuɗuygi saa maygira cora kiyo, kay aygi sunuygi Lona ma iirina.

1 PIYER 1:19

Nam buɗugi ay ki ni u ɓivun ma dlam ŋgolna vi Kristu, nam ay ni ko goo timii ma bay cora bay ŋgulla egemma na.

EFESNA 1:4

Kay Lona jew bay li duliyara tu ni nam manaygi ki ana aygi ni suu mamsina hu Kristu kay aygi mba li fokommi suu jivi suu bay cora egesina hu min mamba.

2 KORINTNA 11:2

An li honira kagiya ni honira vi Lona kay agi ni ko goowayra an ŋgaɓaɗ a ɗumba maŋ sana dew ni Kristu.

KOLOSNA 1:28

Ni kay ndaɗta ami di ki kay Kristu maŋ suuna halaŋ. Ami neesi yasi kiyo haɗasi lay u neemba halaŋ kay colosi fok Lona ko suu ŋgolona na hu taɓpa u Kristu.

2 KORINTNA 4:14

Ami wi ana Lona paɗ Bu Suuna Yesu ki kolo iiriya, nam hin paɗami ki kolo iiri ko tami u Yesu may, aygi hin taɓi ko taygi dew fokom namu.

SOOLLA VI SALOMON 4:7

Galanda, ndak jivi cocoo, va ma co ka egek na ndeɗi.

Magaara JUD Ɓiiriɗta 1:24

Nam sa ma ka gologi hu dlara fagira halaŋŋa, agi hin mba lak fokom bay cora hu ŋgol mamba u furira din din.

2 PIYER 3:14

Kay ndaɗta banayanna a juɓ buu namma wanni soogi tagi kay lak ɗegee ii Lona kay taɓ u nam hu heɓpa.

Magaara JUD Ɓiiriɗta 1:21

Lakagi hu minda Lona minigira, juɓ Bu Suuna mayna Yesu Kristu u jivi mamba mba ɦagi iiri mayra ka daɓ kiɗira.

1 TESALONIKŊA 5:23

Ko Lona malaŋ heɓpa mbuɗugi ki jivi teteɗ, u tagira suu warna, u ŋgus magira u iiri magira lay u mbalatagi may. Tle asina halaŋŋi gologisina, ŋgul li egesiɗi, a juɓ mbara vi Bu Suuna mayna Yesu Kristu.

SOOLLA 45:13

Suu hu zi ma Tir suu ɦizi cocona, hin mba mbaɗak iirik u begera.

JEREMI 33:9

Asi hin li ni a gogor guun ma ɗuf wilina, ni semma tiira, ni dlara eg sana jivi mayra tak ki maŋ njaf suuna kay ndaŋgara halaŋ ana an ɦal tlesuu jivina maŋ Yuda u Israel ɦay lay. Asi hin mbuɗ ki ndaana ko tlesuu jivi suu an ɦasisinana lay, begera an ɦasira ŋgol cocora lay.

EZAYI 62:3

Aŋ hin ko Yawe ni a jum mayra dlaɗ ŋgol cocora, Aŋŋi a tokolora kawi ko Looŋŋa a li luuna u ndaɗta.

SOOLLA 87:3

Aŋ, ɦoŋzi ma vi Lonna, hum dlara mbuɗ mbuɗta asi daŋga kaŋga haa.

WIRA ŊGAYRA 14:4

Suu asina taɓ tasi ka u boyogi a mbuɗ ki njenjeɗi, ni suu gol u tasi teteɗna, asi tuɗ kay ce Goo Timiina hu li ma nam tuɗ huna halaŋ. Suu asina gususi ay ki duk suuna ni asi mba li maŋ Lona u suu fok jewna maŋ Goo Timiina may.