EFESNA 5:26 - Boy Lonana

²⁶ Nam li na ni kay a mbuɗ suu vi Kristuna ki suu ndakina maŋ Lona, ni hu li ma nam ɦokosi ki u yona u boyna.

EFESNA 5:26 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 15:3

Haɗta an haɗagira mbuɗugi ki teteɗ wa.

HEBRENA 10:22

Ҥuɗuygi taygi ay eg Lona tok, u huu ma jivina, u huu ma tini gasina, u huu ma ki mbusi pasiyak ko saa mayra cora, mbalatay ki mbusi u yo ma ɗilina.

Boy Ma Ayra Ma JAŊ Ɓiirimma 3:5

Yesu dam ana, «An daŋŋi gasira, sana vuɗ ka u yonaɗi may ka u Musuk Lonaraɗi may ni, nam ndak kal hu Mul Lonaraɗi.

EZEKIYEL 36:25

An hin yorokogi yo ma teteɗna kagiya. Agi hin mbuɗ ki teteɗ. An hin mbusugi ki ko dlaagira njenjera halaŋ, ko ɓivun ma agi goɓ fulinana lay.

1 KORINTNA 6:11

Suu ɦiw ay dukugi ko ndaɗta na. Coosira mbus ki wa, agi hin tagi kini maŋ Lona, agi mbuɗ ki cecemi ɗegee fok Lona u sem Yesu Kristu, u Musuk Lonara.

EFESNA 6:17

Vagi suɗta kogi ko jumba na, vagi Boy Lonana ma Musuk Lonara ɦaginana ko ndal ŋgewna na.

1 JAŊ 5:6

Yesu Kristu ni sa mbayna nam mba ni u yo ma batem mamma komu u busu ma miɗ mamma may. Nam mba ni ka u yona doy holɗi yona may busuna may. Musukka ana dla ndaɗta ni gasiya kay me Musukka ni gasira.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.

ZAKARI 13:1

Hu buu namma ni mbona hin ɓaɗ hu ziŋ Davidna, suu Yerusalemma a fi kumuna kay sulukŋa u dla cora.

HEBRENA 10:10

Kay mege, Yesu Kristu li tlesuu Lona minisina ki halaŋ, aygi cooygira mbus ki halaŋ u ɦala nam ɦal mbalatam kira, li sem dew ni ki daɓi halaŋ.

1 PIYER 3:21

Mbo namma takŋi batem ma ka suɗugi cecemmi wanna, mbo namma ka mbus zozoɗta eg sanaraɗi, ni a joɓ Lona kay saara ɗegeera, batemma suɗugi ni u colla Yesu Kristu col ay ki kolo iiri duk suu miɗinara.

HEBRENA 9:14

Lini jivi na ni busu Kristu hin lini ko me na ɗaŋge, u Musukka didinda nam ɦal tam maŋ Lona ni ɓivun ma pasiyakŋa. Bu Suuna hin mbuɗuygi saa maygira cora kiyo, kay aygi sunuygi Lona ma iirina.

SUNDA 22:16

Cecemi aŋ juɓmi me ologe, col kolo mbus ki batemma, a cooŋga mbus ki u yira yam semba.»

1 PIYER 1:2

Agi ni suu Lona Buna managi ay ki fok jew ana agi hin li a suu mamsinana, ni kay ndaɗta Musuk mamba ka njunugiya a hom u Yesu Kristu, mbuɗugi ki pasiyak u busu mamma. Ko oora u heɓpa kak u agi cocoo.

Magaara JUD Ɓiiriɗta 1:1

Ni an Jud, sa ma sun Yesu Kristuna, ma wayaŋ Jakŋa, An ɓiirigi magaara ha ni magi agi suu Lona yagina, minigi may, nam cukugi kini maŋ Yesu Kristu.

SUNDA 26:18

An sunuŋŋi kay aŋ tuɗ malasi irisi kiyo, kay aŋ yowosi ay ki duk ndufunda tuɗusi ki hu kiɗikka, a buɗusi ki ko saɓakŋa vi Satanna maŋ Lona. Kay tin mayra tin hurusi kanda ni coosira hin daɓ kiyo, asi hin yow jona ko tasi u suu vi Lonna u hurusi ma tini kanna.»

Boy Ma Ayra Ma JAŊ Ɓiirimma 17:7

Cecemmi asi wi ana tlesuu aŋ ɦansina col ay ni koŋu.

EZEKIYEL 16:9

An mbusuk ki u yona. An mbusuk busu ma taɓaki egekŋa kiyo, lak mbul ma his jivina ki egek lay.

Magaara JAK Ɓiiriɗta 1:18

U min mamba nam ɦaygi iirira u boy ma gasina, kay tlesuu nam lasi halaŋŋa aygi mba li suusiya.

Boy Ma Ayra Ma JAŊ Ɓiirimma 15:8

Agi gola, geleɗta vi Bunda tak taɗ ki ni na, agi li vuɗ vuɗta jivira coco may ni, agi li takagi ana agi ni suu haɗi manna ni, agi tak ki ni geleɗta vi Bunda.

DLAŊ LEVIRA 8:6

Moiz tak Aaron u goryom ki fok suuna, ɦasi voɗta asi mbus tasi kiyo.

DLAŊ LEVIRA 16:30

Kay buu namma ni buu ma lagi ɓivunna kagi a bulumugi coogira kina, a mbuɗugi ki teteɗna. Fok Yawe ni agi hin mbuɗ ki teteɗ ko dla coogira halaŋ.

Boy Ma Ayra Ma JAŊ Ɓiirimma 13:10

Yesu dam ana, «Sa ki mbusina ka mbus mbussa daŋga oloɗi, hin ni sem hol kay tam halaŋ ki mbusiya. Agi tagi ki mbusiya ni ka agi halaŋgi.»

ROMMA 10:8

Ɓiira di ana mege? «Boyna ka egeŋ tok vunuŋ u huruŋ lay.» Boy namma ni boyna vi vira ma ami ka damma.

2 KORINTNA 11:2

An li honira kagiya ni honira vi Lona kay agi ni ko goowayra an ŋgaɓaɗ a ɗumba maŋ sana dew ni Kristu.

KOLOSNA 3:16

Ko boyna vi Kristu u ɦiz mamba halaŋ kak hurugiya haɗagi tagiya gaɗagi tagi duk tagiya tagiya u ne mayra jivira. Gagi soolla gi deɓpa maŋ Lona u hurugi halaŋ, gagi soolla gi deɓpa ɗegeera, u soolla furira ta Musukka haɗagirara.

HEBRENA 4:12

Boy Lonana ka iiriya nam saɓaki. Nam sii su ŋgew ŋgol ma siim, mbana. Nam wak gak gak tew hu li ma musukŋa u ŋgussa ŋgaf tasi huna, tew gak gak hu li ma vun sokŋa ŋgaf huna u mbul ma duk sokŋa lay. Nam ka ɓakŋa kay minda vi sana u saara hurumba halaŋ.

HEBRENA 10:14

U ɦal mamba dewra nam mbus cora vi suuna ki pasiyak a fafatɗa.

HEBRENA 10:29

Ni sa ma pan Goŋ Lonna hin lini nana ɗaŋge, nam hin busuna vi Goŋ Lonna ma mbus cora kina ko va ma ɦawana na, ŋgul Musukka oora. Agi ndak saa kagi ana ɓakŋa vi sa namma hin lini coo naɗi su?

HEBRENA 13:12

Kay ndaɗta Yesu miɗ ha doŋ kaana hu ɦoŋzi ma ŋgolna a mbus suuna ki teteɗ u busuumu.

2 PIYER 1:9

Lini sana ka u tle asina hurumbi nam u wira gedeŋga hurum ko sa ma dugina na, humum maa ki kay mbuɗ mamba nam mbuɗ ay ki teteɗ kay coomba jewra.

DLAŊ LEVIRA 14:11

Mul ma li ɓivun nammana tak sa ma a li tam ki teteɗna u tlegeyem suu nam mba u asina fok Yawe fun Mbutluɓ ma Tokka.