EFESNA 5:23 - Boy Lonana

²³ Sa njufna ni mul ma vi caambana, ko Kristu ni mulna vi suu vi Kristuna na may, Kristu kay tamba ni Sa Suɗta vi suu vi Kristuna, asi ni mbalatamu.

EFESNA 5:23 ပူးပေါင်းရင်းမြစ်များ

KOLOSNA 1:18

Nammi yamba vi mbalata suu vi Kristuna, iirira wilira gijaŋŋa ha ni u namu. Nammi goo ma vuɗ jewna, ma paɗ ki kolo hu miɗna iiri jewna lay, kay a kak a ŋgolla vi tlena halaŋ.

EFESNA 4:15

Ni na ɗow a di ki kay gasira u minda kay a wulugi kolo eg Kristu nammi yamba.

1 TESALONIKŊA 1:10

Agi ka juɓum goromma hin mbay kolo huulona ni goromma Yesu ma nam paɗam ki kolo iiri duk suu miɗinana, ma hin buɗuygi ki hu yara vi Lona ta hin mbay wan daŋga.

WIRA ŊGAYRA 5:9

Asi gi soolla wilira ana, «Aŋ ndaki a tli magaara koŋu, a haw tampoŋŋa ki lay, aŋ ay ki jew ni miɗiya, u miɗ maŋŋa aŋ gus suuna ay maŋ Lona, suuna ay ki hu njafasi zeɗ zeɗ halaŋ, u vunusi zeɗ zeɗ halaŋ, u suuna halaŋ halaŋ kay ndaŋgara.

1 KORINTNA 6:13

Agi di olo ana tina ni kay hayra, hayra ni kay tina may. Na may nam Lona hin ɓalakasi ki jak, Lona li mbalata sana ni ka kay dlara zoŋgi, mbalata sana ni maŋ Bu Suuna. Bu Suuna ni kay mbalata sana may.

SUNDA 20:28

Gologi tagi jiviya, gol timigii suu Musuk Lonara ɦagisina kogi ana agi golosina jiviya. Gologi suu vi Kristuna vi Lona jiviya, suu nam vuɗusi u miɗna vi Goromma.

EFESNA 5:24

Ni boyogina mba hum u njufuyusi ni hu tlena halaŋ ko suu vi Kristuna hum u Kristura na may.

WIRA ŊGAYRA 19:7

Furiyugiya laygi ayra, ɦam ŋgolla, kay li ma vogodona vi Goo Timiina ndak wa, caamba min taɗ ki wa.