Aygi halaŋŋi buygi ka ni dewɗi su? Lo ma dewna laygi ka ni nambi su? Ni kay me huruygi mbuɗ ki cora eg taygi na halaŋ halaŋ a ɓeŋeygi banara vi somoyoygira ki ge?
Asi girif kaŋga daɓ vogosi ga di ana, «Ҥii, Lona, Lo ma ɦal musukka huu tlena halaŋŋa, sa ma dewna li cora aŋ min tin co ndaɗta kay suuna na halaŋ gaw su?»
Yesu daɗ ana, «Ŋgen kok egenɗi an bay tuɗ ay eg Bun tuwa. Ndak tuɗ di gorsenna ana an tuɗ kolo eg Bunu, nammi Bugi may eg Lo manna, nammi Loogina may.»
Irigi aygi ni ay wi ana Lona ni dew, Buy ma li tlena belna, aygi kak iiri ni um nam lay, Bu Suuna ni dew, Yesu Kristu tlena halaŋ ka ni kom namu, aygi kak iiri ni um lay.
Ziŋi Lonara ndak taɓ ko taɗ u fulina vi suu bay vina nanage? Ami ni Ziŋ Lona ma iirina ko Lona u tamba dira na, «An min kak dukusiya, poy u asi lay. An hin li a Loosina asi hin li a suu manna may.»
Hu li namma ni Kristu kak ki a ŋgolla kay ŋgolla halaŋ, saɓakŋa u eŋga halaŋŋi komu, kak ki kay suuna u semma ka yina yina halaŋ, ka kay suu hu duliyarana tani holɗi, ni kay duliyara hin mbay fokka lay.
Sa hum u gaɗta vi Lona nammi hu Lon may, Lona hurum may. Gola ni va ma aygi wi ana Lon ka huruygiyana aygi wi ni u Musuk Lonara nam ɦaygira ka huruygira.