EFESNA 4:31 - Boy Lonana

³¹ Hinigi huu ma cona ki egegi day. Dlara ɓeŋ huna u yara, sawalla u ŋgulla. Doo tagi kay a li dla cora halaŋ.

EFESNA 4:31 ပူးပေါင်းရင်းမြစ်များ

KOLOSNA 3:8

Cecemi agi noy dla ndaɗta ki halaŋ, yara u huu ma ɓeŋga u honira, ŋgulla, u boy ma zolona kal ki funugiɗi.

DI BOLLA 7:9

Ka hin huruŋ a ɓeŋ zak zakgi, huu ma ɓeŋ zak zakŋa ni vi suu giniŋŋa.

1 PIYER 2:1

Hinigi huu ma cona ki halaŋ, u kaboyna u mbambara u ŋgiziɗta u ɦay ɦayra cora halaŋ.

Magaara JAK Ɓiiriɗta 1:19

Gorsen suu an minigina saaragi kay boy ma wanna, gegelay ni hum zak, di zakgi, li ya zakgi lay.

KOLOSNA 3:19

Njufina minigi boyogogiya, lasi va ma co egesiɗi.

Magaara JAK Ɓiiriɗta 3:14

Lini honira galaara u ciwayra ka hurugiya ni ŋga tagiɗi, kaboy eg gasiraɗi lay.

EFESNA 4:26

Lini hurugi mbuɗ ya wa ni, gol tagi jiviya kal tagi hu coraɗi, ɗik faɗta u yara hurugiɗi.

1 JAŊ 3:12

Aygi ka a li ko Kain naɗi, nammi vi sa cona ci wayamma kiyo, nam cam ki ni kay mege? Ni kay me sunda Kain laɗta tew tew ni coo. Sunda vi wayammara li ɗegee may.

SOOLLA 101:5

Sa ma tum u suuna ŋgay gumuna an hin seŋem vunumu. Ii mayra cora u huu ma mbambana, an ka min suu asinaɗi.

Magaara JAK Ɓiiriɗta 4:11

Gorsenna di boy ma co duk tagiɗi, sa ma di boy cona eg wayamma kaam ɓakŋa kam layna nam di boy cona u kaɓakŋa ni kay gaɗta. Lini aŋ kaɓakŋa kay gaɗta ni aŋŋi sa ma hum uɗna oloɗi ni sa ma kaaɗ ɓakŋa kaɗna.

VUN ŊGOLNA 26:20

Hu li ma gu ka oloɗina kura tew kiyo. Hu li ma sa ma ŋgeŋŋa ka oloɗina ni ɦonira seŋ kaŋga may.

TITTA 1:7

Sa ma fok suu vina, sun mamba ni kay li tlena vi Lona, lini nanagelay sa mba fam ŋgul egembi, nam lini sa ma bay ŋga tamma, mbuɗ ya zakgi lay, lini sa ɦal tam ki kay summaɗi, sa honiraɗi lay, ka sa ma fi gursura u ganyambaɗi lay.

1 TIMOTE 3:11

Boyogosi mba lini boyogi suu ɗegeena ka suu ɦalinaɗi, asi mba doo tasiya ɗegee hu tlena bel.

2 KORINTNA 12:20

An li ndaana kay an hin tuɗ ha varagini fi dla mayra an miniɗɗira, agi hin fi egenni dlara agi ka miniɗɗira may, an li ndaana ko ɗeɗna, honira, yara, gonokka, ŋgulla, dadagamba, li dla cora, ŋga tara, cuk suuna kay tasiya, an li ndaana kay tlena wanni halaŋ mba li dukugiɗi.

1 KORINTNA 14:20

Gorsenna, lakagi hu dlaagira ko gorkemba naɗi, lakagi ko gorkemba na hu dla cora, a gi ii boyna ni agi lakagi ko suu ŋgolona na.

VUN ŊGOLNA 29:22

Sa ma li yara ɦay ɦayna ni tum ɦonira koloo. Sa ma mbuɗ yara zak zakŋa ni li dla cora cocoo.

VUN ŊGOLNA 14:17

Sa ma mbuɗ yara na ɦay ɦayna ni sa ma laɓana. Sa ma mbuɗ duk u ŋgeŋŋa cow cowna, sa ka yam sem jiviɗi.

VUN ŊGOLNA 10:18

Sa ma ŋgay gonokka hurumma ɓak dlara u ganyamba. Sa ma di dlara ŋgeŋŋa duk suuna ni sa ma laɓanna.

VUN ŊGOLNA 10:12

Gonokka mbaa ay ni honira, may minda bulum cora ki halaŋ.

1 TIMOTE 5:13

Dlara co saɓakira ni kay asi poy vi suuna na cow cow, va ma co saɓakina olo ni asi mbuɗ ki ɦalira ka ŋgay boy hurusi oloɗi, asi ɓak boy ma sa ka gin a dambina.

GALATENA 5:20

Li ɓivunna lo ma ɦawana, u kumuna, suuna mbuɗ gonokka duk tasiya, asi yal tasiya tasiya, li honira duk tasiya, irsi ki ɓorowi cub cub.

1 KORINTNA 5:8

Laygi luu maygina u kuffa basiraɗi, kuffa vi cora u dlara zoŋgaɗi u fu ma bay kuffa, fu ma teteɗna u gasira.

ROMMA 3:14

Vunusi oy u boy co ma gala ma ba sana kina.

VUN ŊGOLNA 25:23

Semeɗ ma mbayawna mbaa mbo lona aya, ŋgeŋ ma mbuɗum duk kala kalana mbaa ɗeɗna duk suuna may.

VUN ŊGOLNA 18:8

Sa ma ŋgeŋŋa boy mamma ni ko ti ma jivina na, nam tuɗ ta ta ga u digiriŋu.

VUN ŊGOLNA 6:19

Sa kaboy ma di dlara kaboyna kay suuna, u sa ma cuk suuna kel tasina.

SOOLLA 140:11

Cukusi murus kura ni kay yasiya ko ndaɗ tuɗusi ha duk kura hu zul ŋgolla, ha hu li ma asi ndak a hoŋ ay ki oloɗina.

SOOLLA 64:3

Ŋgayan ki day ko suu dan ŋgeŋŋa kanna, ha ki day eg suu li dla cora suu ka gi gagara duk tasina.

SOOLLA 50:20

Aŋ kak nje ni tummi u wayaŋŋa, aŋ ɓalak gorseŋŋa ki u dla cora.

SOOLLA 15:3

Ni sa ma ka tum u saɗina, nam ka li dla co eg ndaram ma vok zinaɗi, nam ka ŋgul ndarambi.

2 SAMUEL 19:27

Nam di ana, «Malanna mulna, saan ma sunda ganan yanu kay saaŋ ma sunda ɓak tam ana, an tuɗ ɗag tlena kay goo kor manna, ful kam a tuɗ u mulna, kay ana saaŋ ma sunda ki daliya.

URA TIN AYRA 37:4

Gorsemma wi ana bum minim suusi halaŋi ni asi vam ki hurusi gonokka, ka dam boy ma jivi oloɗi.

URA TIN AYRA 27:41

Ezaw vi Yakob ki hurum gonokka kay paɗta bum paɗ vunum ki kamba. Ezaw ɓak tam hurum ana, «Buu ma bun miɗna ni an hin ci wayanna Yakob kiyo.»

URA TIN AYRA 4:8

Kain di wayamma ana, asi tuɗ ki ŋgoo bagiya, hu li ma asi tew hu senena may ni Kain vi wayamma, Abel, cam kiyo.

WIRA ŊGAYRA 12:10

An hum della ay kolo huulona di eŋga ana, «Cemi suɗta vi Lona mba wa, cemi Lona tak saɓak mamma mulla ki wa, cecemi Kristu tak ŋgol mamba ki wa kay sa ma gonokka u gorseyna ma coli fok Lona faali lay njeŋge lay a duu u asira dikim ay ki kaŋga wa.

1 JAŊ 3:15

Suu halaŋ ana hurusi haɗ eg gorsesina na asi ni suu ci maɗna, agi wi ana sa ci maɗnana nam ka fi iirira daɓ kiɗiraɗi.

TITTA 2:3

Di boyogi suu maana poy masira mba li ko suu teteɗna na. Asi mba nja kosi kaŋga u dlara ɦay ɦayra coraɗi, mbuɗ tasi mborɓiina vi summaɗi lay. Asi ɦal ni gaɗta jivira.

2 TIMOTE 2:23

Noy ciwayra laɓara u giniŋga kiyo, aŋ wi ana dla ndaɗta tuɗ daɓ ki ni u ɗeɗna.

1 TIMOTE 3:3

Nam lini sa ma ɦal tam ki maŋ summaɗina, sa ma honiraɗi lay, lini sa ma ɗili lalamma, ɦal tam ki u minda vi gursuraɗi.

SUNDA 21:30

Vun ma ɦayam ɦayamma njay ha ki ɦoŋzina na wet wet, suuna mbay liŋŋa tani may, tani may. Asi vi Pol vini taɗam ha ki ŋgoo Ziŋ Lonara, dug vun zira kolo na gaw.

JEREMI 6:28

Asi halaŋŋi suu ci suuna suu dlasi cona, li dla cora ɦay lay. Walakka u kawina, asi halaŋŋi suu ci suuna.

VUN ŊGOLNA 29:9

Lini sa ma wi dlara a tuɗ fun ɓakŋa u sa ma laɓana ni, nam mbuɗ ni ya lay, li sanni sani lay ni, koɗ taamba kaɗi.

VUN ŊGOLNA 19:12

Yara vi mulnara ni ko ndal dlona gi ŋgoɓpara na. May oo mamba ni ko ndal mbaɗagira gi hum usunara na.

2 SAMUEL 19:43

Suu vi Yudana halaŋ hoŋ di suu Israelna ana, «Ni kay ana mulna somora u ami tok. Agi ɓeŋ hurugi ki kay boy namma ni kay mege? Ami ti va ma col ay ko mulnana ki su? Asi hinimi va maa ka su?»

2 SAMUEL 13:22

Absalom ka di va maŋ wayamma Amnonɗi kay ana Absalom mbuɗ Amnon ki a saam ma babalira kay ɓeŋga nam ɓeŋem wayamba Tamar kira.

URA TIN AYRA 37:21

Ruben hum boy namma na ni, suɗum ki kosiya nam di ana, «Caygina kiɗi.»

2 TIMOTE 3:3

Hurusi mbuɗ ki coo, ka wihahaw saɗi, suu ŋgul suuna, suu ɓeŋ tlena vi suuna, suu ci maɗna, li gonokka u jivira.

JEREMI 9:4

Gegelay ganyam ndaram ma poy u tasina, boy ma gasina ka oloɗi. Asi haɗ sinisi ki u dlara kaboyna. U ganyam masira asi ka ndak hoŋ ay oloɗi.

SOOLLA 37:8

Hin yara kiyo, hin huu ma ɓeŋ ɦay ɦayna ki may. Mbuɗ yaɗi, dla ndaɗta tuɗuŋŋi hu cora.

EFESNA 4:22

Hinigi dlaagira basira kiyo, ta tuɗugi hu poy mayra cora jak ki jewra, dlaagira basi ndaɗta ni ganyamba ba sana kira.

EFESNA 4:25

Kay ndaɗta hinigi kaboyna kiyo, lini gegelay ni di gasira maŋ ndaramma kay aygi halaŋŋi hu mbalatara dewra.