EFESNA 4:23 - Boy Lonana

²³ Agi mbuɗugi tagi ki wiliya humugi u Musukka u saa magira halaŋ.

EFESNA 4:23 ပူးပေါင်းရင်းမြစ်များ

ROMMA 12:2

Tlumugi tagi u dlara vi suu hu duliyaraɗi, hinigi Lona pereɗegi u mbuɗta gasira zeɗ u yal magina halaŋ, li wa na ni agi hin wi tlesuu Lona min a ay lasina, tlesuu jivina, tlesuu teteɗna, tlesuu pasiyakŋa.

ROMMA 8:6

Kay a hum u va ma mbalatara damma ni tuɗuŋŋi hu miɗna, na may hum u va ma Musuk Lonara damma ni tuɗuŋŋi hu iirira u heɓpa.

SOOLLA 51:10

Hinin an hum soolla furira u ayra, hin sokon ma aŋ kusum kina furiya.

KOLOSNA 3:10

Kay mege agi cukugi sa ma wilina ki kagi wa, sa ma wilina mbuɗ ha fok wili na tew tew tli tam ko Lona ma minimma na, gak gak nam wi Lona ki gasi.

1 PIYER 1:13

Kay ndaɗta tinigi saa magira kay a li sunda, lakagi jek jekee, tinigi saa magira kay ɦala agi hin faɗ falira Yesu hin mba tak tam kira.

EZEKIYEL 36:26

An hin kalagi hurugi ni huu ma wilina, hin kalagi hurugi ni ŋgussa wilira lay. An hin paɗagi hurugi ma sooy ko ɦinira nana kiyo, hin kalagi ha hurugi ni huu ma lumuɗ ko tliwna nana.

TITTA 3:5

nam suɗuygi ki ka ana aygi li sunda ɗegeera ka naɗi, ni kay nam waygi hahawaygiya. Nam suɗuygi ni u mbussa vi Musuk Lonara, ndaɗ ɦaygi vuɗta wilira u iirira wilira.

EZEKIYEL 18:31

Cukugi dla cora ci maɗna ta mbuɗugi ki suu ci maɗnara kiyo, mbuɗugi hurugi ni huu ma wilina u ŋgussa wilira may. Agi suu Israelna, agi min a ci tagi ki ni kay mege?

EZEKIYEL 11:19

«An hin ɦasi huu ma wilina u ŋgussa wilira. An hin paɗasi hurusi ma sooy eŋ ko ndal gogoyra nana kiyo, an hin ɦasi huu ma lumuɗna hurusiya.

EFESNA 2:10

Lona laygi ni namu nam miniygiya, hu taɓ maygira u Yesu Kristu nam min ana aygi mbuɗ ki jivi saɓakŋa u sunda jivira, sun mamba nam laɗ ki fok jewra, ana aygi mba li na may.

ROMMA 6:4

Hu batemma ay pi u namu kay a miɗ ko taygi dew, ko ndal Yesu Kristu paɗ ki kolo iiri u saɓak ma ŋgolna vi Bumma na. Aygi may ni hin mba lakaygi hu iirira wilira.