EFESNA 4:22 - Boy Lonana

²² Hinigi dlaagira basira kiyo, ta tuɗugi hu poy mayra cora jak ki jewra, dlaagira basi ndaɗta ni ganyamba ba sana kira.

EFESNA 4:22 ပူးပေါင်းရင်းမြစ်များ

ROMMA 6:6

Waygi ki jivi ana saaygi ma jewna aygi ɓalam ki hu gu garakŋa u Yesu wa, kay taygira li dla cora mba li oloɗi, aygi ka a mba li mbaɓu vi cora oloɗi lay.

HEBRENA 12:1

Lini kaygi aygiya ni suu di kaygina ŋgolo ŋguyuygi yaygiya. Buɗuygi taygi ki ko tlesuu ɓeŋeygi poy maygirana, u cora gaɓi egeygira, liŋiygi ni liŋ ma ŋgaɓi kaygi a liŋimma.

Magaara JAK Ɓiiriɗta 1:21

Ni kay ndaɗta cukugi tlesuu njenjena u sunda cora kiyo, vi boy ma ɗilina vi Lona ma nam pagina hurugina eŋe, kay nam ndak a suɗugi kini namu.

HEBRENA 3:13

Ni na ɗow ana gaɗ tagi duk tagi hu buuna tew tew, ay jew day day lay karam lay magaara ka daygiya sa ma dukugi mba ganyam tam a cora mba ŋgelem humum kiɗi.

TITTA 3:3

Aygi lay ni li ay jew ni na, ka li zolo saɗi, ka hum vun saɗi, lagi ni hu cora. Aygi li ay ni mborɓiina vi saara cora u min maygira ɦawaa. Aygi li ay u huu ma cona kay ŋgiziɗ tlena vi suuna, lay cora egesiya, asi layra egey may.

EFESNA 4:25

Kay ndaɗta hinigi kaboyna kiyo, lini gegelay ni di gasira maŋ ndaramma kay aygi halaŋŋi hu mbalatara dewra.

1 PIYER 4:3

Agi ay jew basara ŋgolo lagini ko suu bay vina lira na, lagi dla cora, ŋgiziɗ tlena vi suuna, guruɗ u summa, luu dam dam, luu ma ci summa, li ɓivun ma njenjena maŋ fulina.

EFESNA 4:17

Gola ni va ma an col a dam u sem Bu Suuna poyogi ko suu bay vina tuɗ u saa masira cora na oloɗi.

2 PIYER 2:13

Asi hin fi warakŋa u lassa kay coosira asi laɗta. Hurusi li ayra kay luu masi ma cona li dlara dawira ii suuna. Taɓpa asi taɓ u agi a ti funara ni va ma daɓ semma u va ma zolona kay asi li dlara ganyamba dukugiya.

1 PIYER 1:18

Agi wi ana nam warak kagi ni ka u tlesuu ba kina ko gursura u lorra naɗi, kay buɗugi ki hu dla cora somoyogi haɗagirara.

KOLOSNA 2:11

Agi fagi caw ɗiwra ni hu taɓ magira u namba, ni ka u caw ɗiwra vi suunaraɗi, ni u caw ɗiw mayra mbay vi Kristura, ni mayra buɗugi ki ko ŋgolla vi tara cora.

VUN ŊGOLNA 11:18

Sa ma dlam cona fi ni warak ma um kaɗina, sa ma di dlara ɗegeera wi ki kam gasi ana warak mamma kaa.

JOB 22:23

Lini aŋ hoŋ ay eg ma Saɓakŋa ni aŋ hin fi saɓakŋa. Ni aŋ hin dik dla cora ha ki hu ziiŋu.

EFESNA 2:3

Aygi halaŋ li ay ni ko asi na may, ay poyoygi ni u minda vi sa warna. Aygi ay lini u minda vi mbalataygiya, u ŋgus maygira, aygi ay ni hu njafna ki ŋgaɓi kay yara vi Lona ko suu hiŋŋa na may.

ABDIYAS 1:3

Ni ŋga ta maŋga suuŋ dlara kaŋŋi ndaɗu, aŋ mayma ziiŋ ka kaŋga hu zul gogoyra ka kakira kolo kay ɦinira, ka saa «Sa ma hin zuɗun ay ki kaŋgana ni gege?»

2 PIYER 2:7

Lot, sa ma ɗegeena, nam suɗum kiyo nam fi yoora ŋgolo ko dla co mayra suu nam kaki dukusina laɗta.

JEREMI 49:16

Ndak kal ki saɓaki, kay ana ndak gol tak ki ŋgolla su ndarayakŋa, mbuɗusi ki ndaana lay. Ndak mayra ka kakira hu zul gogoyrara, ɗiŋ kolo kay ɦini mayra fiyekkara. Lini ko ndal kokolora na ndak min ziik kolo kay li ma mbuyna ni, ay kolo hu li namma an hin zuɗuk ay ki kaŋgaa. Yawe di na.

GALATENA 1:13

Agi hum ki kay boy ma an lam ay jew hu vira vi suu Juifna, agi hum kay an las suu vi suu vi Lonna cocoo, an min ay gin a ɓeŋesi kiyo.

1 SAMUEL 1:14

Heli daɗ ana, «Ndak hin kak u guruɗta na gak gak su? Tuɗ ɗil irik ha ki hu li ma daŋŋa.»

ROMMA 7:11

Hu li ma cora fi voɗta ndaɗ ganan yan u gaɗta ndaɗ can ki ni u gaɗ ndaɗta lay.

Magaara JAK Ɓiiriɗta 1:26

Lini sana vi u va wa ka doo sinimba di boynaɗi ni nam ganyam tammi ganiya. Va nam vi umma ki ni ɦawaa.

JEREMI 17:9

Va ma ganyamba su belna ni saara sa ka ndak a gaɗ iriɗɗira. Sa hin waɗ uɗna ni gege?

2 KORINTNA 11:3

An li ndaana kay yal magina ɓeŋ kiɗi, a agi noyogi taɓ magira gasira teteɗta u Kristu kiɗi ni ko Eve na, hin taɗ guyna ganaɗ yaɗ u kaboyna.

EFESNA 4:31

Hinigi huu ma cona ki egegi day. Dlara ɓeŋ huna u yara, sawalla u ŋgulla. Doo tagi kay a li dla cora halaŋ.