EFESNA 4:14 - Boy Lonana

¹⁴ Ni aygi ka hin li ko kemba na oloɗi, a semeɗna zuɗuy tana tani naɗi, a hum u haɗta vi suu daŋŋa zul kay ndaŋgara a ganyam suunaɗi, a cuk suuna hu dla cora asi laɗtaɗi.

EFESNA 4:14 ပူးပေါင်းရင်းမြစ်များ

HEBRENA 13:9

Viɗigi tagi ki u gaɗta daŋga vi suuna zeɗ zeɗtaɗi. A jivira ni sooygi huruygi u oora vi Lona, ka u gaɗta kay tlesuu tiraɗi, suu njun tasi u gaɗ ndaɗtana ka fi va huɗi.

1 KORINTNA 14:20

Gorsenna, lakagi hu dlaagira ko gorkemba naɗi, lakagi ko gorkemba na hu dla cora, a gi ii boyna ni agi lakagi ko suu ŋgolona na.

1 JAŊ 4:1

Banayanna tinigi hurugi kay suu di kay tasi ana Musuk Lonara hurusiyana halaŋgi, agi tukusi a hal ki ana musukka hurusira col ay ni vi Lona ko su? Kayme suu jok vun Lona suu cona zul ki kaŋga hu duliyara waɗi.

2 KORINTNA 2:17

Ami ka ko suu may suu li paara u Boy Lonana naɗi, ni na ɗow Lona sunumi a di gasira ki fokomu ko suu sunda vi Kristu na.

Magaara JAK Ɓiiriɗta 1:6

Nam joɓmi u hurum tini kayami ciway huɗi, kay sa ma ciwayra ni ko bil mbo lum ma ŋgolna kara na, ko semeɗna tlam kolo jokom um zeɗ zeɗta na.

EFESNA 6:11

Yowogi kawi ma duuna vi Lona kogi halaŋ kay agi mba fi saɓak ma col a duu u ganyamba vi Satanna.

MATIYE 24:24

Suu ɦiw hin mba di ana, Anni Sa Lona Fuurumma. Anni sa jok vun Lonna. Ni kaboyna. Asi li dlara mbuɗta u takka ni ana lini asi fi voɗta ni, asi viɗ ii suu Lona manasi kina usiya.

2 TIMOTE 4:3

Kay lina hin mbaa suuna hin mbuɗ hum u haɗta gasira oloɗi, asi hin mbuɗ lini u min masira, asi hin tok suu a haɗasina bolow egesiya, suu asina hin dasi dlara asi min a humuɗta.

Magaara JUD Ɓiiriɗta 1:12

Asi mba dukugi a ti ti ma wayara u agi ni ganagi yagi ni ganiya. Asi luu luu masina bay zolona, saa ni kay tasira doy hol, asi ni ko ɗugulla semeɗna valawaɗ ki bay si yonara na. Asi ni ko guguni suu ka vuɗɗina na, lini hu tilisi ma vuɗta lay ni asi ki ni ɦawaa, ko guguni suu paɗ ki kolo u sariyasi bel bel ki miɗina na.

WIRA ŊGAYRA 19:20

Asi vi vabakŋa daŋgayna u sa jok vun Lona ma kaboyna, sa ma li dlara mbuɗta irimma. Nam ganyam suu huɗukka vi vabakŋa egesina ni u boy namma, a asi cen vabakŋa u va ma tli tam ko nam nana. Vabakŋa u sa jok vun lona ma kaboyna cukusi ki duk mbo lum ma kura ŋgal suufra.

GALATENA 3:1

Agi suu Galatina suu giniŋŋa, sa mbuɗugi irigi kina ni gege? Agi wi ki u irigi gasi ana Yesu Kristu miɗ hu gu garakŋa.

MATIYE 24:11

Suu kaboyna ana asi ni suu jok vun Lonna, hin zul ki cocoo, viɗ suuna ki coco may.

1 JAŊ 2:26

An ɓiirigi dla ndaɗta ha ni kay suu hal a ganagi yagina.

2 TIMOTE 3:13

Suu hurusi cona u suu ganyam suuna asi tuɗ fok u cora, ganyam tasira hu may.

EZAYI 28:9

Asi ɓak tasi ana, «Sa ma min a haɗta ni gege? Sa ma hin gin u haɗ ndaɗta ni gege? Ni maŋ kemba fun ponara su? Ni maŋ kemba noy pona wilira ɗaŋ su?»

2 KORINTNA 4:2

Ami hin ŋgayra zolona kiyo, ami ka lami u hu ma conaɗi, ami ka tlumumi ii Boy Lonanaɗi. Ami takami ni gasira vi Lonara na ɗow, ami gaɗami suuna kay wiisira hurusira halaŋ fok Lona.

MATIYE 11:7

Suu vi Jaŋŋa cuk tasi ca ni, Yesu gijaŋ ɓak kay Jaŋ maŋ suuna ana, «Agi ay gologi ni me ŋgoo bagi ge? Usu ma viriw u semeɗna su?

1 KORINTNA 12:2

Agi wi ana hu li ma agi ay bay vi Boy Lonana tura wanni, asi taɗagi ay u fuli suu ndumuna agi vi kagi bay u dlara.

SUNDA 23:21

Ni aŋ vi boy nammaɗi, suuna ka su dok fiɗi a hin ŋgay tasi ki ŋgay ni cam kiyo. Asi suu tasi ki ana asi ti vaɗi lay, ci yoɗi lay gak gak asi ci Pol ki tuwa. Asi tasi ki miniya, juɓuŋŋi hoŋ diiŋga doy hol.»

MISE 7:2

Ma ɗegeena tuɗ ki hin mbassa wa, sa ma jivi hin ka duk suuna oloɗi. Asi halaŋ saarasi tinira ni kay vora vo busuna kira. Gegelay min a vi wayamma kaŋga hu bayra.

SOOLLA 59:3

Buɗun ki ko suu li dla cora, suɗun ki ko suu ci maɗna.

SOOLLA 10:9

Nam ŋgay tamma en ko dlona na, las suuna, nam buuri ni a cekeɗ suu wihawra, nam yowosi hu bay mamma.

1 JAŊ 2:19

Suu asina ka suu maygisina gasiɗi ni kay ndaɗta asi hinigi kini na li gasi asi ni suu maygisina ni asi ka hinigi kiɗi, hin kak ginni u aygiya. Asi tuɗ hinigi kini a takaygi kini ana saaygi maa ka dukusi dewɗi.

2 PIYER 2:18

Asi ɓakŋi dlara ŋga tasira u boy ma bay umma, asi li sunda u min masira hu tliwna a ganyam suu hal a suɗ tasi ki duk suu hu dla corana.

Magaara JAK Ɓiiriɗta 3:4

Agi saaragi u lum kawina gige. Nam mam ŋgol coco lay ni, semeɗna zuɗumu, sa ma jaŋamma li min a tuɗ aragelay ni pereɗem zew ma njewem goo ew daŋŋa.

1 TIMOTE 3:6

Li sa ma vi Boy Lonana wilinaɗi, li ka naɗi ni nam hin ŋga tamu, ɓakŋa hin vam ko Satanna na may.

2 TIMOTE 1:15

Ko aŋ wi ana suu hu Azina noyon ki wa duk suu asina ni Figel u Hermogen.

1 KORINTNA 3:19

Nera hu duliyara tanira ni giniŋga ii Lona, kay magara di ana, «Lona vi suu neeyna hu ganyam masira.»