EFESNA 4:1 - Boy Lonana

¹ An joɓogiya an sa ma daŋgayna kay sunda an sun Bu Suunara, kay sunda an sunumba, poyogi u minda vi Lona ko nam yagi ayra na.

EFESNA 4:1 ပူးပေါင်းရင်းမြစ်များ

KOLOSNA 1:10

Ni agi hin poy ko Bu Suuna minda na, li ni dlara nam minda lay. Ni agi hin li sunda jivira a wulugi fok hu wiigira kay Lona.

FILIPINA 1:27

Va ma ŋgolna ni poyogi jivi taɓi u Boy ma Ayra vi Kristu, an hin tuɗ ha gologi wanni hin wi ana, lini an ka dukugiɗi lay ni agi laki saɓaki, saa magira taɓi a duu u hurugi taɓi dew hu vira agi faɗ hu Boy ma Ayra.

1 TESALONIKŊA 2:12

Ami gaɗagiya, soogi hurugiya, ami cenegi ana poyogi jivi ko Lona minda na. Nam ma yagi ay hu mul mamba u bibiŋil mambana.

2 PIYER 1:3

Saɓak ma kolona vi Bu Suuna ɦaygi tlesuu ŋgomoygi hu iiri maygira halaŋ egem nam Lona, kay nam takaygi sa ma yaygi aygi mba taɓ u nam hu ŋgol mamba u jivi mambana.

2 TIMOTE 1:9

Nammi sa suɗuygi kina yaygi ana aygi ni suu mamma, ni ka kay sun maygira aygi laɗtaɗi, ni kay dlaamba nam ŋgaɓaɗta u oo mamba, nam ɦaygi oo mamba hu Yesu Kristu jew lina bay min tuwa.

1 KORINTNA 4:16

An joɓogi ha ni agi lagi ko an na may.

2 TESALONIKŊA 1:11

Ni kay ndaɗta ami cen Lona kagi tew tew a Looyna mba mbuɗugi ndaki kay iirira nam yagi kaɗta. Ami cen Lona kay nam li u saɓak mamma kay dlara nam ŋgaaɗta halaŋ, u jivi mamba u sun magira agi laɗ u vira.

EFESNA 4:17

Gola ni va ma an col a dam u sem Bu Suuna poyogi ko suu bay vina tuɗ u saa masira cora na oloɗi.

URA TIN AYRA 17:1

Hu li ma basa Abram li ki dok-dleeŋe yam dleeŋe ni, Yawe tak tam ki irim dam ana, «Anni Lona ma Saɓakŋa. Aŋ poy fokonu li ɗegee.

ROMMA 12:1

Gorsenna, aygi wi ana Lona waygi hahaw maygira. Na ɗaŋŋi an joɓogiya, agi ɦal tagi ki ko ɓivun ma iirina na, ŋgomogi tagi maŋ Lona u dlara irim jivira, ni dlara jivira geleɗ Lona u ndaɗta.

KOLOSNA 2:6

Agi vagi hurugi ana Yesu ni Bu Suuna kakagi hu taɓpa u namu.

1 PIYER 3:9

Hoŋogi cora u ndaraɗ coraɗi, ŋgulla u ndaraɗ ŋgullaɗi lay. Paɗagi vunugi ki kay tagi ni paɗi na ɗow. Hu li ma Lona yagina ni vi vunum ana nam hin paɗ vunum ki kagiya.

2 KORINTNA 6:1

Ami suu li sunda u Lona ami joɓogiya, hinigi oora vi Lona ta agi famba komba ba kiɗi.

2 JAŊ 1:5

Cecemi an ka joɓok haa cara, miniygi taygi duk taygiya. An ɓiirik ha ni ka gaɗta wiliraɗi, ni gaɗta ay humuɗ ay ki fok jew day dayra.

1 PIYER 5:10

Ŋgoo dagan wihawra ew ndaɗta Lona ma oora yagi kay bibiŋil mamba ka daɓ kiɗira kay taɓagi u Kristu nam mbuɗugi pasiyak, soogi hurugiya ɦagi saɓakŋa ɓalagi ugi eŋe.

1 PIYER 2:11

An ka joɓogiya banayan suu an minigina, agi ni ko koyogina u ŋgayagina na kay ndaŋgara tani, gologi tagi jivi ko saara vi mbalatara duu taɗ u iirira.

HEBRENA 13:21

Ko Lona ma heɓpa ɦagi saɓakŋa a li u tlesuu jivina halaŋ kay agi lam min mamba, ta nam laygira huruygi u Yesu Kristu ni dlara irim jivira. Ŋgolla maŋ Yesu Kristu a fafatɗa. Amin.

FILIPINA 3:14

An liŋŋi irin ŋgarasi kay va ma an liŋ kamma, a fi warak ma Lona yay ay kam hu Yesu Kristu ha kolona.

EFESNA 5:2

Poy magira mba tak ki u minda ko Kristu minigira na, ɦal iiri mamba ki kaya ko ɦala ɓivun ma fayatna ii Lona na.

EFESNA 4:4

Mbalatara dew, Musukka dew may juɓpa dew may, ta Lona yaygi ay u ndaɗta.

EFESNA 3:1

Ni an Pol sa ma daŋgayna vi Kristu an cen Lona kagi agi suu ka njaf suu Juifnaɗina.

GALATENA 4:12

Gorsenna an cenegiya mbuɗugi tagi ko an na, lagi tagi ko an mbuɗ tan ki ko agira na may. Agi li va co ka egenɗi.

URA TIN AYRA 5:24

Nam poy u voɗta vi Lonara, hum u Lona cocoo lay, li ma nam kal huna sa wam kaɗi, kay Lona tlam kolo egemu.

HEBRENA 3:1

Kay ndaɗta agi gorsen suu vina suu Lona yagina, gologi Yesu, Lona sunum ay a mba li a mul ŋgol ma li ɓivunna kay vira ami ka ɓak kaɗta.

2 KORINTNA 10:1

An Pol cenegi u lalamba u jivira vi Kristu hu li ma an ay dukugiya ko di ana ɗilla an ay ɗili coco an ka dukugiɗi lay ni an ka u ɦiŋga an cenegi u lalamba u jivira vi Kristu.

JEREMI 38:20

Jeremi dam ana, «Sa hin ka ɦaŋ kiɗi, hum del Yawe u dlara an daŋgara aŋ hin kak jiviya, hin suɗ ki lay.

TITTA 2:10

asi mbuɗ tlena vi maliyasina ki masisinaɗi. Na may asi tuɗ fok a tak tasi ki jivi ɗegee ni taki na ɗow ɗow, a geleɗ haɗta vi Lona ma suɗta mayna.

KOLOSNA 4:12

Epafras ni wayagina lay gagi deɓpa nammi sa sunda vi Yesu Kristu ma cen Lona kagi tew tewna, kay agi mba kak saɓak hu ŋgussa ko suu ŋgolona na, kay min tagi a li sunda jivira ɗegee ta Lona miniɗta.

2 KORINTNA 5:20

Ami varak balam Kristu a di boyna ko Lona u tamba yagi funumira na. Ami cenegi u sem Kristu hinigi taɓ duk hoŋogi u Lona.

SUNDA 9:31

Hu fali ndaɗta ni suu vina halaŋ hu Yude ni kaki u heɓpa suu Galilena u suu Samarina fi eŋga halaŋ hummi u Bu Suuna dew, Musuk Lonara njun usiya asi wul fok wuli na ɗow ɗow.

ROMMA 11:29

Lona ka hoŋ tli va ma nam ɦam kinaɗi, nam ka hoŋ vunum dagan kay suu nam yasinaɗi lay.

EFESNA 2:10

Lona laygi ni namu nam miniygiya, hu taɓ maygira u Yesu Kristu nam min ana aygi mbuɗ ki jivi saɓakŋa u sunda jivira, sun mamba nam laɗ ki fok jewra, ana aygi mba li na may.