EFESNA 3:9 - Boy Lonana

⁹ Kay a suuna halaŋ mba wi u tlesuu ŋgayna vi Lona kiyo, Lona ma li tlena halaŋŋa dlaamba ay dayra nam ŋgayaɗ ay na gak gak.

EFESNA 3:9 ပူးပေါင်းရင်းမြစ်များ

KOLOSNA 1:26

Ni a di ana dlaamba ay ki ŋgay day day, sa warna ka waɗɗira, ni nam takaɗ ki cecemi maŋ suu mamsina.

MATIYE 13:35

Nam li na ni, faɗ ki ni vun sa jok vun Lona ma di ana, «An hin ɓakasi ni u ndal boyna. Tlesuu ay day u ura tin ayra dayna, an hin ɓakasina kiyo.»

2 TIMOTE 1:9

Nammi sa suɗuygi kina yaygi ana aygi ni suu mamma, ni ka kay sun maygira aygi laɗtaɗi, ni kay dlaamba nam ŋgaɓaɗta u oo mamba, nam ɦaygi oo mamba hu Yesu Kristu jew lina bay min tuwa.

KOLOSNA 3:3

Agi miɗigi ki wa, iiri magira ni ŋgay eg Kristu u Lona.

MATIYE 28:19

Tuɗugi ha duk njaf suu kay ndaŋgarana halaŋ, mbuɗusi ki suu mansina. Mbususi batemma u sem Buna, Goromma, Musuk Lonara may.

EZAYI 44:24

Yawe ma suɗuŋ ay kina di ana, Sa ma miniŋ ay huu suŋŋa dayna ni gege? Ni an Yawe, ma li tlena halaŋŋa. Huulona halaŋ lammi an dew. Ndaŋgara halaŋ laɗ ni an dew daŋ.

SOOLLA 33:6

Yawe li huulona ni u boy mamma, u tlesuu huulona halaŋŋi u Musuk ma kal ay ki funumma.

WIRA ŊGAYRA 4:11

«Bu Suuna mamina, Loomina, aŋ ndaki a sa ɦaŋ ŋgolla maŋu, geleɗeŋu, saɓakŋa lay ni maŋ bel. Kay aŋ min tlena halaŋŋi aŋu, tlena halaŋ ka iiri ni u min maŋga.»

TITTA 1:2

kay asi mba lak juɓ u hurusi tini kay iirira ka daɓ kiɗira. Lona ma bay kaboyna, vi vunum ki fok jew kay iiri ndaɗta bay lina ndak tuwa.

1 TIMOTE 3:16

Sa ndak ka a di va ma daŋgi, ŋgayra vi ɗegee ndaɗta wanni ŋgol ɦay. Nam mba tak tam ki ko sa warna na, Musukka takam tam ki ana nammi sa ma ɗegeena. Suu sunda huulona wamu, suuna halaŋ dlaamba di ay ki dukusiya, suuna vi um coco lay. Nam kal ki kolo huulona.

WIRA ŊGAYRA 13:8

Suu kay ndaŋgara halaŋ lay cenemmi namu, ni suu ay u gijaŋŋa vi ndaŋgara day sesi ay ka ɓiiri hu magaara vi iiriraɗina, ni magaara vi Goo Timii ma cam kina.

1 PIYER 1:20

Kristu Lona manam ay ki ni jew bay duliyara li tuwa, nam takam ki hu buu ma daganna ni kagiya.

2 TIMOTE 4:17

Bu Suuna mbay egen tok njunun ni namu, kay an ndak a di boyna maŋ suu ka njaf suu Juifnaɗina, asi humum ki halaŋ, nam suɗun ay fun dlona.

2 TESALONIKŊA 2:13

Gorsenna, ami gideɓ Lona kagi tew tew agi suu Bu Suuna minigina. Lona managiya kay agi mba suɗ ki fok jew u saɓakŋa vi Musuk Lonara ta mbuɗugi maŋ Lona kay tin hurugi kay gasira.

KOLOSNA 1:23

Ni kay ndaɗta agi kak saɓak hu viigira, coli eŋ kay ura tinira, hinigi juɓ magira ay day day hu li ma agi hum Boy ma Ayrana kiɗi. Boy ma Ayra namma dam ki maŋ suuna hu duliyara halaŋ, ni an Pol mbuɗ a sa sunda ni kamu.

EFESNA 1:4

Kay Lona jew bay li duliyara tu ni nam manaygi ki ana aygi ni suu mamsina hu Kristu kay aygi mba li fokommi suu jivi suu bay cora egesina hu min mamba.

1 KORINTNA 2:7

An dini kay nera vi Lona ta ŋgay ii suu neeyna Lona ŋgaɓaygi ŋgolla ay ni maygi aygi hu li ma duliyara bay li tuwa.

SUNDA 15:18

Bu Suuna li ki u tlegeyem su nam takasi ay ki jew day dayna.»

Boy Ma Ayra Ma JAŊ Ɓiirimma 10:30

Bun may, an may, ami ni dew.»

Boy Ma Ayra Ma JAŊ Ɓiirimma 5:19

Yesu hoŋosi dira ana, «An dagi ni gasira, Goona ndak ka a li va kay tambi. Nam li ni tlesuu nam wi Bum ay lasina. Tlesuu Buna lasina, Goona lasi ni asi may.

Boy Ma Ayra Ma JAŊ Ɓiirimma 5:17

Yesu hoŋosi dira ana, «Bun li sunda tew tew, an li sunda may.»

Boy Ma Ayra Ma LUK Ɓiirimma 24:47

Suuna hin njaɗam sem ha ki hu mbassa halaŋ gijaŋŋa ha Yerusalem kay a di suuna asi jok hurusi ki zeɗ, daɓ coosira kiyo.

MATIYE 25:34

Hu li namma mulna mba di suu kay bikim ma njufna ana, Mbaagi ay tani, agi suu Bun minigina, paɗ vunum ay ki kagina. Kalagi hu Mulla Bun minigira ay fok jew duliyara bay tin tuwa.

MATIYE 10:27

Gaɗta an dagira duk njeŋgera, daɗ ha ki faaliya. Boy ma hosoki humugina, sawal boy namma ha ki koloo.

WIRA ŊGAYRA 17:8

Vabak ma aŋ wamma li ay jew iiriya cemi nam ka oloɗi, nam hin kal ay ki hu zulla ŋgolla hin tuɗ hu liim ma ba kina. Suu may suu kay ndaŋgara suu sesi ka day day ɓiiri hu magara iiriraɗina, hin wi vabak namma na ni saara casi ki na ci, nam ay jew iiriya cem cemi nam ka oloɗi, nam hin kal ay ki olo.

WIRA ŊGAYRA 14:6

Ŋgoo dagan an wi sa sunda huulona pii ha kolo duk lona day, nam di Boy ma Ayra ma din dinna maŋ suu kay ndaŋgara, u njaf suuna u deera, u njaf vunna zeɗ zeɗ maŋ suuna halaŋ.

ROMMA 11:25

Gorsenna gasi mayra ŋgayra an min ana agi waɗ kiyo. Tli boy namma kagi ko agi suu neeyna naɗi, suu Israelna suu ɦiw ni ndak ka a hum u boy nammaɗi, dla ndaɗta tuɗ ni na gak gak kay njaf suu daŋŋa mba fi suɗta.

EFESNA 3:2

Agi hum kay sunda Lona u jivi mamba ɦanda kon a laɗ dukugira.

EFESNA 6:19

Cenegi Lona kanu a Lona ɦan boy ma jivina hu li ma an a damma, kay an a di u eŋga a tak dlara ŋgayra vi Boy ma Ayra kiyo.

KOLOSNA 4:3

Cenegi kamiya, kay Lona mba ɦami voɗta jivira a di boy mamma ŋgayna vi Kristu, an ka cecemi daŋgayna ni kay boy mamma ŋgay namma.